المشاركة الأصلية كتبت بواسطة خطوتآن وآبتعث
نصايح للشباب الي راح يعيشون مع عائلة:
- أرجوك نام بدري .. تراهم يراقبونك مايرقدون ونص الليل او بعد 10 يطالعون من تحت باب غرفتك
اذا شافو اللمبات مولعة هذي عادة سيئة عندهم لانها صرف كهرباء أولاً وثانياً سهر مايحبون السهر او اللي يسهر سيئ بنظرهم.
- إذا خلصت ترويش من الحمام ( والقارئ بكرامة ) جفف الأرضية من الماء وانتبه لكل شي لازم يكون نظيف ومجفف.
- يوم تكلم أهلك حاول ما تكلمهم بعد الساعة 8 مساءً عشان ماتزعج العائلة ولا ترفع صوتك أنتم عارفين نظام بيوتهم لو تكح الي بالطابق العاشر يسمع صوت كحتك.
- غرفتك رتبها دايماً لأنهم معهم مفتاح ثاني للغرفة يدخلونها وانت منت موجود واذ شافوها غير مرتبة راح تعطيهم صورة خاطئة عنك وعن السعودية
كل صباح أول ماتصحى من النوم افتح الشباك وشمس غرفتك ورتبها.
- حاول لا طوّل برى ارجع للبيت قبل 11 يعني أكثر شي الماكسيمم 11 ولو إني أفضل النوم قبل 10.
- حاول تتكلم معهم ، تضحك معهم ، تطلع معهم ، لا تتكلم لا بالدين ولا بالسياسة عشان ماتحط بنفسك بمواقف محرجة لأنك منت ملم باللغة.
- غسل ملابسك أسبوعياً ، مفارش سريرك أسبوعياً ، تروش كل يومين ولا طوّل بالحمام ( والقارئ بكرامة ) حدك 10 دقايق الماكسيمم.
- قبل لا تخرج من عندهم خذ صورة تذكارية معهم وقدم لهم هدية رمزية لترك انطباع جيّد.
هذا اللي عندي بخصوص العائلة..