أهدافكم من الأبتعاث !

مظاهر
عشان الناس تقول فلانه درست بره
والا من متى البنت تطلع تسافر بره وتختلط مع رجال ؟؟؟
وفيه قله قليله حق دشرة

خذي بنت كانت مبتعثة و خذي بنت درست بالسعودية من معارفك و قارني بينهم
و بنفسك بتلاحظي الفرق مثل ما انا لاحظت


المبتعثة قاست الغربة و الحنين للوطن و صارت اقوى نفسيا

المبتعثة افضل من ناحية التعليم

المبتعثة خالطت ثقافات كثيرة و تعلمت منهم و اخذت اشياء كويسة منهم

المبتعثة عندها استقلالية و اعتماد على النفس اكثر

المبتعثة نظرتها للحياة اكبر و عندها وعي




طبعا انا مو بنت ولا قاعد هنا اعمم على كل البنات
لكن لاحظت ذا من المحيط اللي كنت فيه فالسعودية و المحيط اللي انا فيه الان فامريكا

أحممممممممممم أنا ما ابي اقيس الغربه ولا الحنين للوطن ... ولا تزيد ثقتي بنفسي لان ثقتي بحالي كافية ولا ابي الناس تقووول فلانة مبتعثــة
وإذا على الثقافات فأنا شايفة اكبــر كم من الثقافات من مختلف انحاء العالم ..
وعلى فكرة أنا شايفة أنكم مقللين قدر المبتعثة .
و مهما كان مستحيل تتغير نظرة الرجل السعودي للبنت مهما وصل أعلى مراتب الثقافة .. ~
ككككك ، تدرون شلون بحط مخدة على مخدة و أنوووووم لا دراسة هنا و لا ابتعاث و بطيخ لين يجي المحروس و يصرف الله لا يهينه >> ما يصلح لكم إلا كذا .

ابتعثي و بعد الابتعاث بكم شهر ارجعي لردك هذا و اقريه

و شوفي وش بتقولي عن نفسك و ساعتها بتعرفي الفرق بين المبتعثة و اللي مو مبتعثة

و ترا انا اكثر بنت احترمها فالحياة البنت المبتعثة

اما اللي يقولوا هذي قلة حيا و الابتعاث حق رجال بس و مدري ايش هذيلا يبغى لهم اعادى تأهيل

اريدك ان تجاوب علي هذا السؤال فقط ؟
السؤال هو............................

صلاة المرأة في بيتها افضل ام في المسجد ؟؟؟؟؟؟؟
صلاة المرأة في غرفة نومها افضل ام في الصالون (استقبال الضيوف) ؟؟؟؟؟؟؟؟؟؟؟؟؟؟؟

وعليك ان تستخرج الفائدة والثقافات التي تتكلم عنها

المرأة مخرجة اجيال وان لم تتعلّم .................

سيدي الكريم الله يحفظك
على الرغم من انه النساء صلاتهم في بيتهم افضل من المسجد قال النبي صلى الله عليه وسلم ( لا تمنعوا اماء الله مساجد الله )
والنساء في العهد النبوي كانوا يباشروا اعمالهم بنفسهم من تجارة لـ تعليم ويروحوا لمسجد النبي صلوات الله وسلامه عليه
ويستفتونه
لو اخذنا الامور من مبدأك هذا ما كان خرجت لنا افضل نساء الامة واوسعهن علما ومعرفة عائشة رضي الله عنها
وما كان النبي تحلل من احرامه وحقن دماء المسلمين يوم الحديبية لولا امرأة ذات رأي رشيد وفقها الله بـ نطق الحكمة والمنطق اللذان
لم يفهمهما رجال كثر في ذلك الوقت


الغربة تعلم واللي يقول ما اتعلمت من الغربة اي شيء فـ مثله كـ مثل الحمار الذي يحمل اسفارا
الحمدلله انا من الناس اللي اتمتع بـ قوة شخصية وثقة لا بأس بها وكنت ما اتوقع انه هـ الغربة رح تأثر فيني اطلاقا لاني مطلعة على ثقافات
الاخرين ومصادقة البعض منهم
لكني اتعلمت اكثر بكثير مما كنت اتوقع
الغربة تصقل الشخص
عنده شخصيته وعنده قدراته بس ما تنمو هـ الشخصية بـ طريقة مميزة الا بـ العيش وسط ناس ما يمتون لك بـ صلة ثقافية او حضارية او دينية

ابتعثت عشان اتعلم افضل تعليم ممكن بـ الدرجة الاولى
بس عرفت انه بلدي على الرغم من كل مساوئها ما فيه مثلها كفاية اني امشي في الشارع متغطية ما احد يرفع نظره فيني بـ نظرة سيئة فما بالك بـ كلمة جارحة
واحيانا بـ الضرب !!!!

ابتعثت عشان اتعلم ثقافة مغايرة تماما واخالط ناس غير
واكتشفت انه عندي نعمة محروم منها بشر كثير ( الديـــــــــــــــــــن )

ابتعثت عشان لما ارجع الاقي وظيفة سنعة
وفهمت انه غيري يجي على بلدي ينهان وينأذي (زي الشغالات) لان هذا احسن شيء لقيوه ولقمة العيش مغموسة بالدم مثل ما يقولوا

ابتعثت عشان اهايط شوي >> بـ صراحة يعني
واقتنعت وامنت بان من تواضع لله رفعة وانه عشان تطلع خطوة لازم تلاقي ملييييييييييييييييون حاجة تكسرك فما فيه شيء تنغر عليه

ابتعثت عشان اكون زوجة مساندة لـ زوجي واقدر ااسس حياة صح لـ اولادي اذا الله كتب
واتعلمت انه الحياة شراااااااااااااااااااااااكة وانه زوجي يسندني قبل ما اسنده ويشجعني قبل ما اشجعه ويتحملني ويتحمل معي الحلوة والمرة


الابتعاث
تجربة غنية جدا لن يفهمها من كانت عقولهم بـ صغر الصندوق !!!

لا أعتقد أن شخصا يملك شتى الثقافات من مختلف انحاء العالم .. قد يسأل بمثل هذا السؤال .. إلا أن يكون قد اكتسب ثقافاته من مشاهدته للتلفزيون ..

أعلمي يا سيدتي الفاضلة ..
هنالك مبتعثات اشتهروا بإختراعاتهم وبحوثهم العلمية .. لو ألقينا نظرة بالجرائد لوجدناهم !
هنالك مبتعثات قد ساعدتهم البعثه على صقل شخصياتهم .. فشخصياتهم الآن قادرة على التصدي لكل ظالم وكل مشكلة قد يواجهونها بحياتهم !
هنالك مبتعثات حملوا هم الدراسة و نشر الدعوة .. فكم من شخصية أسلمت على يد "مبتعثة" .!
هنالك مبتعثات أمنيتهم أن يكونوا قادرين على مساعدة اهلهم .. فظروف المبتعثات غير متساوية !
هنالك مبتعثات قد كانوا مقصـرين بدينهم .. ولكن الإبتعاث ضاعف قوة ايمانهم وقربهم من الله عز وجل .. !

المبتعثات ... فخر لنا ..

تأكدي يا سيدتي الفاضلة ..
أن المبتعثات طاقة منتجه ... إن وجدت الفرصة الكافيه لإستغلال هذه الطاقة .. لأجتاحت بحر الإنجازات !

فإذا كآن مستقبـل المبتعثات "في نظرك" نهايته زوج "منكمش فكريا" وزوجة "محتفظة" بشهادة التخرج تحت وسادتها !
فلماذا تطمحين بأن تدرسين في "فرانسيسكو" (كما هو واضح من معلوماتك الشخصية) وأنتي على علم بنهاية مستقبلك؟


أدامكم الله باليسر والخير ..
أخوكم محمد .,

لا ازيد على كلام الانسه او السيده اوكاسيا فقد وضحت مافي داخلي بشكل جميل

بالنهاية ..

اصابع ايدك مو سوى يا اختي

في نساء عندها طموح بالعلم في نساء لا تحب العلم و تطمح لارضاء المجتمع في نساء طموحها الزواج في نساء تطمح للعمل و الراتب !

تختلف الاسباب و تختلف الظروف

الحين يا اختي ما تشوفين عائله سعوديه الا وفيها مبتعث او مبتعثه ,,

الزمن تغير .. الان زمن التكنولوجيا و العلم .. لازم الواحد يواكب الزمن حقه

الان شهادة البكالوريوس لا تعني شيئا .. الان الكل يطمح للماجستير ومافوق

انظري حولك

محد قاعد مكانه .. كلا يحاول ينجز بحياته

و سوف نسال جميعا

عن شبابه فيما ابلاه

و ماله من اين اكتسبه وفيما انفقه

عمره فيما افناه

وعلمه ماذا عمل فيه

الفكره غير عن التجربه ... وشكرا

اعتذر للمبتعثات بس عندي تعليق
نرى مبتعثات افضل من المبتعثين بكثير ولكن ما اراه شخصيا بعيدا عن جو الدراسه
ان المبتعثه تضحك مع الشباب وتعطيهم وجه وعادي عندها انها تعزمك في كوفي شوب من باب حسن النيه او من غير حسن النيه
لاكن الشباب من وراها يتكلمون فيها
والله ما اشوف مبتعثه تضحك مع الشباب وتمزح ومن النوع الجرئ
الا الشباب من وراها حش واشاعات ويظنون فيها ظن السوء
اما المبتعثه الخجوله اللي تكلم الشباب في مواضيع الدراسه وجايه لهدف دراسه بس الكل يمدح فيها والكل يحترمها
هناك فئة من المبتعثات شوهت على الباقي ومثل ما يقول المثل الخير يخص والشر يعم
اذا انتي من النوع اللي تكلمت عنها فا الابتعاث مناسب لك
اما الفئة الثانيه صاحبات السمعه السيئة فا الدراسه في السعوديه افضل لهم