موعدي في السفارة الأمريكية بكرة الصباح تعالوا رتبوا معي الأوراق

سلام عليكم

موعدي بكرة والحقيقة قلقان شوي
لأني جلست بالسعودية سنة كاملة
والموضوع باختصار اني يوم رجعت للسعودية انلغى السيفس نمبر حقي ( انتهى ) ولأني بنفس الوقت قبل لا انزل السعودية مامريت مكتب الانترناشيونال واوقع ع الاي توني
واتصلوا علي الجامعة قالوا تحتاج لـ فيزا جديدة وتعيد الاجراءات من جديد وقعدت بالسعودية سنة كاملة ماسويت شي
الشي الوحيد الي سويته اني اختبرت ايلتس بس

الحين لا سألوني بكرة بالمقابلة ليه جلست بالسعودية سنة ؟ وش ارد عليهم ؟
وماسددت رسوم التأشيرة الأمريكية وموعدي الساعة 7 ونص الصباح يمديني قبل سبعة ونص اسدد رسوم التاشيرة ولا مايمدي ؟

وش الاوراق الي احطها داخل الجواز ؟
والاوراق الي راح اشيلها :
الشهادة
الاي توني
الجواز
السيفس
ورقة تأكيد الموعد
ورقة نموذج 160
الضمان المالي

فيه شي ناقص ؟
( دعواتكم )

بالنسبة اخوي للرسوم عندك حل واحد تسدد اون لاين من سامبا لان البنوك ماتفتح الا ٩ الى ٩ ونص غير الفرع الرئيسي ممكن ٨
الاوراق اللي ممكن يطلبوها شهادتك والسجل الاكاديمي والجوازات القديمة ورسوم السفيس

المشكلة ماعندي حساب في سامبا حسابي في الراجحي :(

الأخ الكريم
مكـان المـوضوع لا يتنـاسب مع القسـم،،،ضع مـوضوعك في المكـان المخـصص له تكرماً منك.