موظف في( شركة شبيه بارامكو ) محتار ادرس او ابقى ؟..لاتبخلون بالمشاركة

مممممالسلام عليكم
يا جماعة الخير
اللي ابتعث وجرب البعثه والله اني استخرت واستشرت ولا ارتحت لشئ والى اللحظه حتى وقت النوم وحتى وقت الصلاة موسوس في الموضوع هذا

مثل ماتشوفون العنوان

موظف في شركة امنيه نظامها مثل نظام ارامكوا من a-z ومن افضهل التامين الذهبي

لكن المشكله مستقبل واقف على شخص اللي هو الرئيس .. وغير مرتاح نهائيا في العمل ولي سنه و٦ اشهر ولا قادر انسجم مع دوام الشفتات

ولا تزوجت ولا شريت سياره ولا سويت شئ .... السبب لاني افكر في الابتعاث و اخاف اندم ع الراتب والوظيفة

انتم تعرفون طلاب كانوا على نفس وضعي كانوا موظفين وسحبوا ع الوظيفة من اجل الدراسة هل ندموا؟

اعرف ان الابتعاث على حسابي الخاص مجازفه لكن هل تستحق التظحية ؟

ايش تنصحوني فيه وليش؟؟؟

اطلع اكمل ماجستير ولا بقى رجل امن ( قسم k9 ) مع الكلاب يعني.
لعلم ان الراتب الاساسي ٤٣٠٠ ومع البدلات 7500 ويوقولن ان فيه تحسين مستويات وقريدات مع العلم انهم ما حسبوا لي الشهاده الجامعية يعني انا والثانوي وضعنا الوظيفي سوى. لو تكرمتم ايش رايكم لو كان عندط هذي الخيرات وهؤا الوضع

نسيت اقول لكم اني خريج قسم اللغه العربية 2007

up:(up:(up:(up:(up:(up:(up:(

انا كنت بارامكو الراتب الاساسي 5400 غير البدلات طلعت من الشركه

انصحك تكمل الماستر هنا مو صعب واول ماتتخرج برنامج توظيف في واشنطن اسال الخريجين عنه

و عليكم السلام

حسب ما فهمت أنت ما عندك أي التزامات مالية أو عائلية .. إذا كان صحيح فهذا يشجع خيار الدراسة أكثر من خيار الوظيفة الحالية .

انت وش تبي تدرس ؟ ماجستير في أي تخصص ؟ .. أتمنى من الزملاء و الزميلات اللي كان تخصصهم لغة عربية يفيدون في هذي النقطة .

كم عندك من مبلغ مخصص لمشروع الدراسة في الخارج ؟ فيه معاهد لغة في أمريكا تكلفتها 500 دولار شهريا ، و تضيف لها 500 دولار سكن و أكل و شرب ( حياة متقشفة ) ، فيصبح كل شهر 1000 دولار شهريا ، و لنقل 1500 دولار شهريا تحسبا لمصاريف أخرى كالتنقلات ، فمعناته لو بتجلس 6 أشهر يبي يكلفك الموضوع 9000 دولار و تضيف لها قيمة تذكرة الذهاب تقريبا 1500 دولار فيصبح المجموع 10500 دولار و لنقل 11000 دولار . يعني حول الأربعين ألف ريال لمدة ستة أشهر .. (( يجب التأكد من هذي التقديرات ))
طبعا متى يجيك الإلحاق ، هذا السؤال اللي ما لقيت له إجابة و كثير سألوا هذا السؤال و الإجابة من اللي ردوا إن ما فيه نظام في هذا الموضوع . لكن انت لازم تخطط و تشوف ميزانيتك و تضع خطط بديلة ، يعني لو ميزانيتك 40000 ريال و هذي الميزانية درستها و وجدت إنها تكفي ستة أشهر بعد استشارة الزملاء ( و أنا أكرر الحسبة السريعة اللي سويتها أنا بناء على حياة متقشفة ) ، فأنت أدرس وش الخطة البديلة لو انتهت الستة أشهر و انتهت الفلوس و ما وجدت الإلحاق ؟ ممكن الخطة البديلة إني أرجع السعودية و أحمد الله على تجربة الستة أشهر اللي استفدت منها الكثير و أرجع أشوف لي حلول في بلدي . ممكن أحيانا تكون فيه فرص تساعدك على تقوية موقفك مثل وظيفة بطريقة رسمية ، اسأل عنها .

على فكرة ، أنت تخصصك لغة عربية ، ليش ما قدمت على التعليم ؟ راتب التعليم ضعف راتبك الحالي ( يعني تقريبا 8000 ريال ) . و إذا البكالوريوس مو تربوي بإمكانك دراسة دبلوم تربوي ( اعتقد إنه فصل دراسي واحد ) و تصبح مؤهل للتعليم .

بونواف + اطلال الخوف
اولا يعطيكم العافية على الرد , ما كلفكم شئ لكن والله يعني لي الكثير.

بالنسبة لتعليم قدمت عليهم ولما طلعت الاسماء ما طلع اسمي ورحت الوزاره في الرياض قالوا انت ما قدمت وما لك اي بيانات في برنامج جداره ومن هنا وهنا اثبت لهم اني مسجل
وقال لي الفهيد بالحرف الواحد مالك نصيب السنة ذي

من الزعل قلت الشرهه مي عليكم هههه
وقدر الله وما شاء فعل

المهم والاهم واهم شئ
الان بدأت فكرة الابتعاث ترتفع النسبه بكلامك وايضا بعض الاصوات من هنا وهنا
المشكله ودي اشرح لكم كل الضروف لكن ما يصلح انشر الغسيل قدام الله وخلقه

هل يوجد احد عنده كلام يزيد على الاخوان؟

هل يوجد مبتعث ترك راتب جيد وكان تخصصه مش ولا بد مثل اللغة العربية؟
على فكره افكر ادرس ماستر في التربية الخاصة او في اي قسم في الامن

وبحول الله وقوته لن اقف عند الماجستير

يا اخوان ابغى اجزم قولوا لي ايش السلبيات والايجابيات
انا بقول لك اللي في راسي
انا ارى من السلبيات
١- بتاخر في بناء مستقبلي
٢- بتاخر في الزواج
٣-الانضمام غير معروف الوقت
٤- التخصص يمكن يكون غير مرغوب فيه بعد ٣ او ٤ سنوات
ايش الاشياء اللي تشوفون انها سلبيه لما اطلع.
------
الايجابيات :
١- خبره وحياه جديده وعلم .
٢- لغة او اكثر باذن الله.
٣- شهاده
٤- عمل اريح مستقبلا واهم.( مقارنة مع الكلاب(اكرمكم الله ) )

هذا اللي يدور في بالي مؤقتا
ممكن تشاركون باي شئ

اي شئ

اولا الخيارات عندك متساوية .........انا اذا كنت مكان حيكون تصرفي كالتالي::

1- انوي على السفر واحاول ان ادبر البعثة من هنا ...........واذا ماقدرت طلعت على حسابي
2- اكون مرتب نفسي 4000 ريال مثل حسبت الاخ ويكون عندي خطة احتياطية
3- الخطة البديلة اذا لا قدر الله فشلت الخطة الاولى (اقدم على اجازة بدون مرتب في الوظيفة اذا وافقوا)
4-صلاة الاستخارة حاول تداوم عليها من الان ..................وعن تجربه صدقني تلقى الامور تسلك طريق ما تتوقعه وتتسهل بطريقة عجيبه اياً كان فتاكد انه الافضل لك
5- حاول تختار تخصص انت ترتاح له وليس له علاقة بالسوق (السوق متغيير فبعد 4 سنوات من دراستك تكتشف ان شهادتك غير مرغوب فيها)


اتمنى لك التوفيق والنجاح

عزيزي صدقني هالشي بالنفس اكثر من انك تطلب من احد يساعدك

اذا انت خاطرك بالدراسة مافي شي بإذن الله راح يوقـفك

انا لي 9 شهور متوظف وراتبي فوق العشرة ولله الحمد

ومع ذلك سحبت أحلى سيفون عليهم لما ضمنت البعثة ليش ؟ لأني اصلان شي في نفسي اني ابغى اكمل دراسة مهما أغروني

ولعلمك هم أغروني بشتى السبل حتى وصلنا لـ حل وسط . . والآن انا بنيويورك واستلم راتب البعثة + راتب شركتي كامل ولله الحمد (أشتغل لهم عن بُعد ونا ادرس)

صفي النية وشف وش نفسك تبي . . صدقني كل شي راح يتسهل معاك بإذن الله


دعواتي القلبية لك بالتوفيق

وش شركتك ذي يا trance ؟ خلنا نقدم عليها :)

الأخ B-KSA ، اللي كتبته أنا أفكار و أسئلة مساعدة، فحاول أنت تفكر فيها و تجاوب على نفسك و مو شرط تنشرها أمام الناس .

أما هل تستاهل أو لا ، فهذا الشي أنت تجاوبه ، أنت أبخص بنفسك ، بظروفك ، بقدراتك الشخصية ، بقدراتك على مسيرة اللغة الإنجليزية و التوفل و أي اختبارات مطلوبة ( GRE على سبيل المثال ) ، بقدراتك المادية ، و قدرتك على الصبر و التحمل من جميع النواحي المادية و النفسية .

لكن ، إذا ما وراك شي ، ما عندك أو عند والدك مشكلة التزامات مادية و لا بد تكون مساهم فيها .. إذا لك خلق على الدراسة و الكرف ( أنا ما قلت الدراسة صعبة لكن الجدية و الإنجاز مطلوبين ) ، و عارف قدراتك التحصيلية ، و قدرت تختار تخصص مطلوب من السوق و عندك قدرة تردسه و عندك إمكانية الحصول على قبول فيه .. إذا عندك هدف و طموح إنك تكون إنسان ناجح في تخصصك و في مهاراتك و مواهبك و عندك طموح للتغيير للأفضل ( وش الفرق بينك و بين واحد حصل على وظيفة مرموقة براتبها الجيد و مستوى الأمان اللي فيها و بيئة العمل المبدعة ، ايش الفرق بينك و بين هذا الشخص إلا إنه عنده شهادة متميزة و بمعدل متميز ) .. إذا عندك مبلغ مالي و قدره ( افتح موضوع و اسأل ) ،،،، فأنا أنصح بالتوكل على الله و الانطلاق لتحقيق أحلامك المشروعة و أهدافك الواقعية .

إذا حسمت أمرك في القرار ، تأتي الخطوة الثانية و هي السؤال و البحث عن التخصصات و المدن و الجامعات و المصاريف ... الخ و الإخوان و الأخوات ما يقصرون بإذن الله

انتبه لنقطه ... تخصصك السابق ما يشجع ( اقصد ما عندك خلفيه لا طبي ولا تكنولوجي ولا بزنس حتى )... لذا يبي لك مواد تكميلي وتشد حيلك مررررررره عشان تلحّق ... بالتوفيق