المشاركة الأصلية كتبت بواسطة أوكاسيا
شوف يا اخوي
المشكلة هذي مرت علي من فترة لما غيرت الولاية
الحلول المتاحة لك /
1/ تدفع قيمة كسر العقد >> مافيه عقد سكن في امريكا الا وله كسر عقد مبلغ معين قليل او كثير
2/ تجيب مستأجر بديل >>> ممكن تاخذ منك وقت
3/ تنقل وتدفع ايجارين ايجار السكن القديم وايجار السكن الجديد >> هذي على اعتبار انه الوليد بن طلال يقرب لك
4/ الحل هذا نصحني فيه مدير معهدي السابق الله يذكره بالخير ويهديه للاسلام :)
اذا ناقل على ولاية ثانية اترك لهم التامين ولا تدفع ولا سنت زيادة
النتائج :
أولا : رح يصير اسمك على البلاك لست في الولاية الحالية يعني ممكن تجد صعوبة في ايجاد سكن جديد
ثانيا : صورة مش كويسة للسعوديين
بس الحل يوفر لك التالي
اولا : عدم الملاحقة القضائية او المالية لانه كل ولاية مستقلة بقوانينها اللي ما تنطبق على باقي الولايات غير انه خساير
صاحب العمارة من ورى القضية او الفلوس اللي رح يدفعها نتيجة توكيل محصل اموال اكبر بـ كثير من قيمة الفلوس اللي باقيه له عندك
فـ الحسبة خسرانة عليه
ثانيا : رح تضمن انك ما تدفع اي مبلغ انت مو قده
عشان اكون صادقة معاك وابعد عن المثالية
انا دافعة لهم ايجار شهر مقدم = 1200 $
+
التأمين = 1400$
ومبلغ كسر العقد = 1800$
لو تحسبها 1200+1400= 2600
يعني لو احد فيهم حاول انه يفتح فمه معايه بربع كلمة ما يقدر
لا ورح اخليهم يدفعوا الـ 800 الزيادة
فـ بالتالي انا تركت مفاتيح الشقة لهم ومشيت وطنشت
والى يومك هذا ما احد منهم اتواصل معايه في اي شيء
نصيحة /
وازن خياراتك واللي تشوف انه انسب لك سويه بس حاول قد ما تقدر انه وضعك يكون في السليم