هل اللي يجي أمريكا يضيق نفسـيآ من البدآيه؟ ياريت تساعدوني
السـلأام عليكم
كيف الجميع
بإختصار بقولكم
انا ليآ تقريبآ 3 ايآم واصل امريكا بس احس اني مختنق ما اقدر انام مرتاح
وتجيني أفكآر مش كويسة هل هذا الشيء عادي بالبدآية ؟
وكيف اتخطآه لأني احس نفسي ماني مرتاح ياريت تسآعدون وشكرآ لكم
استناكم
رد: هل اللي يجي أمريكا يضيق نفسـيآ من البدآيه؟ ياريت تساعدوني
يالغالي هذا الشي طبيعي ويحصل لكثير من الناس
انت متغرب عن وطنك وفي ديره ماتعرف فيها أحد
كلها أسابيع .. وتتغير نفسيتك بإذن الله
كثر من قراءة القرآن وصل لك ركعتبن وأدعي فيها ربك
توكل على الله وحاول تطلع تتمشى شوف الدنيا حاول تتعرف على طلاب معك في الفصل
او حتى حاول أنك تتعرف على سعوديين أطلع معهم تمش معهم صدقني بتنبسك
رد: هل اللي يجي أمريكا يضيق نفسـيآ من البدآيه؟ ياريت تساعدوني
يعطيك العاافية اخوي الله يكثر من امثالك
رد: هل اللي يجي أمريكا يضيق نفسـيآ من البدآيه؟ ياريت تساعدوني
عااااااااااااااااادي جدا الي تمر فيه
انا من ركبت الطياره وانا حاسه بضيق بشكل مو طبيعي
كنت بس انتظر اخوي ينام عشان اجلس ابكي ههههههههههههه
وحتى لما وصلت كان الشعور هذا موجود والضيقه تزيد
لكن بعد ما استاجرت الشقه ونقلت لها بديت احس بالامان
..
انا انصحك بـ ..
1- الصلاه ..الاذكار..الدعاء (كلم الله واشكي له بكل شي بقلبك..تكلم بالعامي وطلع كل شي فيك وادعي انه يريح بالك ويشرح صدرك وينور دربك )
2-استقر..دور شقه لك وابداء تأثيثها واشتري اغراض المطبخ واطبخ..راح تحس ان هذا المكان لك وانه جزء منك وتبداء تحس بالانتماء له..وهذا بحد ذاته شعور جميل
3-اطلع وامشي بالشوارع...ابتسم لكل من يمر جنبك..شوف حضارتهم وجوهم ..خذ الموضوع بمتعه.
4-لا تخلي فكره البعد عن الاهل والخوف من الدراسه والفشل تصيطر عليك..تذكر ان فيه ناس مستواهم اقل منك ونجحوا...فكر واعرف قدراتك واعطي نفسك الثقه انك راح تنجح وراح ترفع راس كل شخص وثق فيك.
5-كل يوم اصحى وقول لازم يكون هذا اليوم مميز...سوي شي فيه ينفع يكون ذكرى حلوه تحكيها لاهلك ولعيالك ولاحفادك ان شاء الله
...
الله يشرح لك صدرك ويفتح عليك اخوي..
تذكر ان هذا الشعور بيدك انت تطرده وتنساه ..اعزم انك ماراح تتضايق وراح تبسط..خلي عقلك الباطن يؤمن بهذا الشئ..وباذن الله راح تكون اسعد مبتعث..
رد: هل اللي يجي أمريكا يضيق نفسـيآ من البدآيه؟ ياريت تساعدوني
طبيعي وطبيعي جدآ
وراح ترتاح اذا استقريت بسكن
وصدقني اقرب من الله اذا كنت بعيد
وابشر ثم ابشر براحة القلب والبال
والله يوفقك ويوفق كل الطلاب ~ اللهم آمبن
رد: هل اللي يجي أمريكا يضيق نفسـيآ من البدآيه؟ ياريت تساعدوني
وعليكم السلام ، اخوي ترى هذا شيء طبيعي جدا تحس فيه اهم شيء لاتكتئب وتتشائم ولاتفكر بالموضوع قد ماتقدر إشغل نفسك وإستغفر كثير والحالة الي انت فيها كلنا بنمر فيها بس المهم كيف نتخطاها ومانخليها تأثر سلبياً علينا ، واقترح عليك تسجل كل شيء يصير معاك يعني تفضفض بالكتابه لانك ممكن ترتاح وكمان حتكون لك ذكرى بيوم من الأيام ..
رد: هل اللي يجي أمريكا يضيق نفسـيآ من البدآيه؟ ياريت تساعدوني
يعطيكي العافية ياختي والله وسعتي صدري ما اقول غير ربي يسعدك فين ماتروحي ويوفقك يارب
رد: هل اللي يجي أمريكا يضيق نفسـيآ من البدآيه؟ ياريت تساعدوني
الله يخليكم ما قصرتو والله على راسي كلكم والله
رد: هل اللي يجي أمريكا يضيق نفسـيآ من البدآيه؟ ياريت تساعدوني
حبيبنا
الظروف اللتي تمر بها هي الظروف الطبيعية
بل إن الذي لا يمر بمثل هذه الظروف يعتبر غير طبيعي
لأن الابتعاد عن الأهل وعن ما اعتاد الانسان عليه ليس من السهولة بمكان
وصدقني يالغالي،،، أنا لما وصلت أمريكا مررت بظروف نفسية وضيقة صدر جعلتني أشتم الساعة اللتي قررت فيها فكرة الابتعاث
حتى وصل بي الحال أن فكرت بجدية بالرجوع للسعودية
لكن لما بدأ المعهد وقابلت السعوديين وتعرفت ع المدينة بدأت النفسية تتحسن شيئاً فشيئا
ومع الوقت صار الوضع جداً عادي
أكثر من دعاء ( رب اشرح لي صدري ويسر لي أمري)
رد: هل اللي يجي أمريكا يضيق نفسـيآ من البدآيه؟ ياريت تساعدوني
لمن تبداء الدراسة راح تنشغل و و تندمج مع البيئة الجديدة و بترتاح بعد فترة تقريبا اسبوعين و خلاص بتتعود بس انا ما بزيد عن الشباب غير شغلة وحدة وهي
لا تحط اول حل لاي مشكلة تصير لك من ناحية نفسية كالوضع الي انت عايشة الحين او معنوية او اي شي انك ترجع السعودية الحل بالرجوع للسعودية اعتبره غير موجود لانك لو بتفكر في الرجوع كحل فاعتبر نفسك راجع
انا ما اقول الكلام دا كنوع من التهديد ولاكن اقولة من واقع شفته من كذا طالب و مع الاسف الامر هذا يحزنني كثيرا
على العموم بالتوفيق و عادك بتحب الديرة و بتكون رجعتك للسعودية بدون حماس بعد فترة :)
بالتوفيق لنا ولك و الصبر مفتاح الفرج