الأعضاء الإشتراك و التسجيل

الملتقيات
ADs

اذا بتروح امريكا ..او توك واصل ..تعال هنا لازم...عاداتهم Vs عاداتنا ..طعات يحذر منها

اذا بتروح امريكا ..او توك واصل ..تعال هنا لازم...عاداتهم Vs عاداتنا ..طعات يحذر منها


NOTICE

تنبيه: هذا الموضوع قديم. تم طرحه قبل 2034 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة راجح عبدالله الشهري
    يا شيخ الله يسعدك ويسعد كاتب الموضوع ولا يحرمكم الأجر
    أنا طالع في رمضان المواضيع هذي تفيدني كثير
    بيض الله وجهك

    ووجهك ابيض حبيبي
    والله يوفقك
    انا طالع بعد اقل من شهر عسى الله يعين
    7 "
  2. موضوع مميز
    بس عندي تعقيب
    ان لازم ما نتخلى عن عاداتنا وتقاليدنا علشان نظرتهم لنا
    يعني مثلاً لم قلت ما نسلم على بعض بطريقه الخليجيه في امريكا
    لا انا اقولكم سلموا بهذي الطريقه ومالكم شغل فيهم هذي عاداتكم لازم ما نتخلى عنها علشانهم ولازم نثبت نفسنا جدامهم
    7 "
  3. انا واصلة امريكا منذو مبطي لكن دخلت الموضوع وشدني جدا طريقة الطرح والاسلوب
    وبصراحة
    اكثر شيء احترمتك عليه انه ذكرت المصدر اللي انت ناقل منه الموضوع وانه ما نسبته لـ نفسك
    التفصيل في الناحية الجنائية كثير مميز
    ويتكلم عن اشياء احنا نشوفها من جد عاااااااااااااااادي

    وللاسف بـ الذات سالفة التحرش الجنسي احنا عندنا قصور فيها ومن جميع النواحي
    لا من ناحية البنات ولا من ناحية الشباب


    كل الشكر لك على نقلك القيم لـ هذا الموضوع
    ربي لا يحرمك الاجر
    7 "
  4. عندي تعقيب و بالاحمر العريض :

    اولا : اي عقد او حتى ورقة بتوقع عليها لازم تقراها و تفهم معناها , ولو كانت لغتك بسيطة خذ العقد معك و ارجع لهم في وقت ثاني , اكثر المشاكل الماليه الي نتورط فيها نتيجه عادتنا الي هي ناخذ بالكلام الشفهي و نوقع على الورق , و لنا امثله كثيره في اخواننا هنا كل يومين نلقى موضوع عن كسر عقد وما يترتب عليه و يحس انه مظلوم , مع انه كان العقد قدامه و التفاصيل كانت قدامه , و لا ارفع نفسي عن هذا الخطأ لاني وقعت فيه اكثر من مره , في عقد من عده صفحات و في فاتوره صغيره للاسترجاع و راح علي ضمان تلفزيون بسبب توقيع ما قريت الايصال الصغير من كم سطر .

    الثاني : لازم تفرق بين الاحترام و الحياء و تتعود تقول كلمه ( لا ) لأي شي ما يعجبك . ان شاء الله ان ربي كتب لك عمر و عشت فتره في امريكا بتقابل مواقف و تتمنى تقول لا للشخص الاخر و لكن تقول استحي او نفسي ما تسمح لي . في عاداتنا اذا سألك احد معروف بسيط تسويه و تقول في نفسك هذا الصحيح , او احد اخطا في شي بسيط تقوله حصل خير مثل صدمه بسيطه بالسياره سببت مخش او كسر في اللمبه في عادتنا نقول الحمدلله على السلام و تمشي و ولكن عندهم ما يمشي الشي هذا ولا يعتبره كرم منك او مسامحه يعتبرك ساذج و معك فلوس ولا تعرف تتصرف .

    اكثر موقف بتشوفه في طلب المطاعم , مثلا تطلب ساندوتش بدون اضافات و لما تستلم طلبك تحصله غير الي انت طلبته , من حقك ترجع له و تطلب منه بلطف تعديل الطلب و ان هذا مو طلبك , ولا تقول بيشيل في نفسه او بيقول وش الرزيل هذا , الامريكان او العالم بشكل عام اذا دفع مبلغ لازم يجيه المقابل الي دفع فيه مو يجيه طلب اخر و يتقبل التعديل بكل رحابه .

    الامر الاخير :
    الاستمرار في احترام كبار السن و مساعدتهم بدون ما يطلبون المساعده . مثلا في مواقف السيارات تحصل شخص كبير في السن ينقل مشترياته للسياره وانت تتمشى في المواقف ( مافيه شي مستعجل عليه ) اعرض عليه المساعده و بيستنكر و احتمال كبير يرفض , سواء قبل او رفض بين له بجمله منك انه عيب على الشاب يشوف كبير في السن يتعب و هو يقدر يساعده . و بتشوف على وجهه ابتسامه مع استغراب و حتمال تكون علاقه معه . عندنا الشياب السود في السكن دايما تلقاه فاتح مكينه السياره و يصلح فيها , و يتشقق و يتشكر اذا عرضت المساعده و ايضا السكيوريتي اذا سالته كيفك اليوم و اجيب لك قهوه او تحتاج شي . النقطه هذي تغير من نظرتهم لك وانت ما سويت شي غير انك عايش على طبيعتك و في كل مره تسوي الشي هذا بيقولون لك انت من وين .

    اتمنى اني للموضوع شي يستاهل
    7 "
2 من 3 صفحة 2 من 3 123
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.