هل الزوج المرافق يقدر يلغي بعثة زوجته لو اضطر للعوده لظروف صعبة؟
السلام عليكم يا إخوان
حاب استفسر عن امكانية عودة الزوجة المبتعثه مع زوجها المرافق للسعودية بسبب صعوبة ظروف الزوج
وعدم استطاعته بالبقاء خارج السعودية
يقدر يرجع مع زوجته وعياله للسعودية والا مايقدر لانها هي المبتعثه وهو مجرد مرافق وهل يقدر يلغي بعثتها والا لا؟*
رد: هل الزوج المرافق يقدر يلغي بعثة زوجته لو اضطر للعوده لظروف صعبة؟
إذا كان يعرف اسم المستخدم
والباسورد في الحكومة الالكترونية
وبيصير نذل ولا بيقول لها
يقدر يلغي البعثة
ولكن هذي فيها خراب بيوت
رد: هل الزوج المرافق يقدر يلغي بعثة زوجته لو اضطر للعوده لظروف صعبة؟
نعم اختي تقدرون بس شرط ان المبتعث الاساسـي
هو الي يطلب الالغاء انا ألغيت بعثتي عشان زوجي
رد: هل الزوج المرافق يقدر يلغي بعثة زوجته لو اضطر للعوده لظروف صعبة؟
اذا يقدر يسوي هالحاجة
ليييش من البداية طالع معها ...!!!
يعنيي يعلق حلم الزوجة
الله يعييين بسس !!!
رد: هل الزوج المرافق يقدر يلغي بعثة زوجته لو اضطر للعوده لظروف صعبة؟
الغاء للمرأة
لاحول ولا قوة الا بالله
رد: هل الزوج المرافق يقدر يلغي بعثة زوجته لو اضطر للعوده لظروف صعبة؟
الامر عادي يا اخي روح للملحقية وقول لهم " انا ماشي وراجع " عاد زوجتك وعقلها ودينها؟
هل يحل لها ان " تبقى بلا محرم"؟ هنا الامر بينها وبين الله
انا ارادت ارضاء الله سيعوضها الله
وان ارادت الحرية و السياحه اياضا حسابها على الله
رد: هل الزوج المرافق يقدر يلغي بعثة زوجته لو اضطر للعوده لظروف صعبة؟
اقتباس:
المشاركة الأصلية كتبت بواسطة الاكتفاء بالمزيد
الغاء للمرأة
لاحول ولا قوة الا بالله
وليه الغاء للمرأه ؟ انتي تعرفين الظروف اللي صايره ؟
يمكن المسأله فيها حياه او موت وانتي تتكلمين عن المرأه
:31:
رد: هل الزوج المرافق يقدر يلغي بعثة زوجته لو اضطر للعوده لظروف صعبة؟
اولا اشكر كل الأخوة الي شاركوا
ثانيا الي جايين يقولون ليه جا معها من الاول والغاء للمرأة ومدري ايش
احب اقول لهم انهم تحمسوا حبتين (كالعادة)
الموضوع ان الزوجة المبتعثه متعثرة في اللغة وحاطة حرتها في اولادها
والمدرسة لاحظوا وجود اثار ضرب وعنف وكثرت الاسئلة والاستفسارات
والكل عارف خطورة هالشي ومن الممكن انهم يأخذون العيال منهم بسبب سوء معاملة الام لهم
من الطبيعي ان الزوج يقرر الرجوع والغاء البعثة حفاظا على اسرته
خصوصا ان الزوجه مو حول دراسة ولا هم يحزنون
وشكرا
رد: هل الزوج المرافق يقدر يلغي بعثة زوجته لو اضطر للعوده لظروف صعبة؟
الله يصبرك على مشكلتك
لكن لاتلغي البعثة من وراها ، هذا مستقبلها وهي حرة فيه
لكن اذا انت ودك ترجع مع الأطفال إرجع
وخلها لوحدها او أحد من أهلها يجي
أرجوا التفكر جيدا قبل اتخاذ اي إجراء
وسلام ..
رد: هل الزوج المرافق يقدر يلغي بعثة زوجته لو اضطر للعوده لظروف صعبة؟
تقدر تتواصل مع الشؤون الاجتماعيه ويحلون لك المشكله. باذن الله.
كان الله في عونك.