طلاب امريكا،لقد تعبت،اشيروا علي هل ارجع ام ابقى

- ادرس لغة الآن بأمريكا على حسابي الشخصي.....
- لم اجد قبولا لدراسة الماستر في تخصص البيولوجي بسبب تدني المعدل 2.54 من 4
- لم اخذ التوفل ولا الجي ار اي بعد
- لا يوجد الحاق بالابتعاث حتى احصل على قبول بالجامعة!!!!
- راسلت العديد من الجامعات الامريكية المتوسطة الى الزلابة وجميعها ردت بالرفض!!؟؟
- جلوسي الآن عباره عن صرفيه فلوس على لغة فقط،والطموح والهدف الاول والاخير هو الماستر
-بقي حل واحد الا وهو الدخول عبر كليات المجتمع ومن ثم التحويل للجامعة، لكن هل الوزارة تقبل هذه الكليات؟؟!!!
- لا اخفيكم ان احتمال الالتحاق بالابتعاث لا يتجاوز 1%.

ارجع ام ابقى؟!؟!؟!؟!؟!؟!؟

والله يكتب اللي فيه الخير

اخوي
نصييييحة لاترجع قبل لاتستنفذ كل الحلول ,, اول حاجة ليش للحين ماامتحنت توفل او ايلتس او حتى جي ار اي ؟؟
عطي نفسك 4 شهور تمتحن الاختبارات المطلوبة وقيس قدراتك و ركز على مناطق الضعف وعيد الامتحان اكثر من مرة لحد ماتقدر تجيب درجة مقاربة للمطلوب وبعدها راسل الجامعات ,, لان القبول المشروط للتخصصات العلمية اوالصحية صعب جدا .. اصلا في جامعات لما ترسل لها وتقول لهم تراني ماامتحنت اي حاجة للحين وودي بقبول مشروط يحسون بالاهانه وكانك قاعد تقول لهم احجزوا لي مكان وانتظروني لحد مااجيب الدرجات المطلوبة !!

بخصوص المعدل بصراحة ماحسيته متدني جدا بالعكس يمديك بسهوله تعوض النقص بالجي ار اي و خصوصا الجي ار اي سبجيكت بالبايولوجي
بالاخير قبل لاترجع وتنسف كل المشوار اللي بديته والتعب اللي تعبته استخيييير والله ييسرلك وتلقى قبول بأسرع وقت

باختصار ابدا اختبر التوفل والجي ار اي

ماراح احد يشوف الطلب حقك ويعطيك الرفض او الموافقة الا بعد ماتختبر توفل وجي ار اي

نصيحتي لك ..

اذا كان معدلك متدني .. فركز على درجة الـ GRE ... وحاول تاخذ فيها درجه عاليه ..
لان اذا خذيت فيها درجه عاليه .. راح تساعدك بالقبول بشكل كبير باذن الله .. لانهم يعتمدون على درجتها اكثر من المعدل نفسه ..


وايضا اختبر التوفل او الايلتس .. لحتى تنتهي من سالفة اللغه ... (أو خلك على الجي ار اي وقدم على معاهد الجامعات بقبول مشروط ) ...


الله ييسر لك امرك ويفتح لك ابواب الرزق والتوفيق ...