في فترة اللغة وجاء القبول الحمدلله - ما العمل؟!

السلام عليكم ورحمة الله وبركاته ..

أنا الآن في فترة اللغة وأدرس في معهد جامعة وجاني قبول نهائي من نفس الجامعة بداية من fall ..

تعرفون باقي تقريبا ثلاث أشهر على الفول وشهرين على رمضان .. أنا أفكر أجلس شهرين هنا في المعهد وإذا جاء رمضان أرجع للسعودية ولكن برامج المعهد الصيفية ما تبدأ إلا بعد شهر من الآن فمالي إلا أنتظم في المستوى اللي أنا الآن عليه واللي يمتد لثلاث أشهر تقريباً.. سؤالي الآن:

ما هو الحل المناسب هنا؟

هل فيه طريقة أدرس شهرين بالبرنامج وبعدين أسافر للسعودية بعد تقديم قبولي للملحقية؟

هل المشرف له قرار في هذا الموضوع أم المعهد أم الملحقية أم من يجب أن يكون تواصلي معه؟


بالمناسبة.. المستوى الذي سأدرس فيه مقسم عن طريق جدول المعهد إلى two sessions وحدة إلى نصف يوليو تقريبا وفاصل يومين بعدين السشن الثانية - ما أدري وش المقصود بالشيء هذا!

أرجو المساعدة فأنا في حيرة من أمري ولا أريد أن أعود من الآن للسعودية وفي نفس الوقت لا أريد الارتباط ب 3 أشهر :(

اذا انت تستحق التذكرة خذها وكمل المستوى اللي انت فيه وارفع القبول للملحقية بعد ما تخلص المستوى افضل وبالنسبة للصيف مادري اذا يسمحون تدرسه بعد ما ترفع القبول اتمني غيري يفيدك في النقطة هاذي
اذا لا الافضل تسجل للصيف واول الملحقية ما تدفع الرسوم ارفع قبولك واطلب التذكرة

شكراً على الرد أختي..

المشكلة مهي مشكلة تذكرة لو أقص تذكرة على حسابي بس قصدي هل اللي يجيب قبول يقدر يرجع للسعودية بغض النظر عن برنامج اللغة اللي هو ملتحق فيه؟

يعني أنا أنهيت مستوى والآن بعد كم يوم يبدأ المستوى اللي بعده ولكن المستوى راح يكون ثلاث شهور وأنا أبدرس شهرين بس .. هل أقدر وإلا لا؟

أرجو من من عنده الخبره يعطيني خبر..

نصيحة راسل مشرفك

عندك خدمة في البوابة الإلكترونية طلب استفسار

استخدمها وراسل المشرف وشوف وش يقولك

لاتتخذ قرار بدون علمه
راح يفيدك

عليكم السلام ورحمه الله وبركاته ،.

أخي الكريم ، من الأفضل أن تتواصل مع ادارة المعهد في هذا الشأن ، فأولا عليك أن تتفاهم مع المعهد بأن لديك قبول بالجامعة ودراستك ستبدا في فصل الخريف القادم وأنك تريد أجازة قبلها ، واعتقد أن المعهد سيتفهم مطلبك وسيمنحك اجازة ، والأمر سيكون أسهل مع الجامعة التي فيها معهدك لآنه أسهل في تنسيق وضعك ، لك أيضا أن تستشير ادارة الطلاب الدوليين فهي كذلك ستساعدك في أمرك.

غالب معاهد الجامعات تمنح للطالب اجازة مستحقة في حالة وجود قبول نهائي ، وخصوصا إذا الطالب سيبدأ دراسته في وقت قريب ، ولهذا أنصحك بالتواصل مع ادارة المعهد.

وما أن ترتب موضوع اجازتك ، ابدأ في اجراءات تحويل وضعك من طالب لغة إلى طالب جامعة وذلك عن طريق البوابة الالكترونية حتى تتم أمورك اتمام اعتمادك كطالب اكاديمي ويصدر لك ضمان مالي لتقديمه لادارة القبول أو الحسابات (قسم المالية) بالجامعة.

أرجو لك التوفيق مع مباركتي لك بقبول الجامعة ،.

أخوكم : بــــن نيـــــــاز

انت نفس حالتي بالتمام.. الا اني انا انتهيت من المعهد في ماي وتخرجت منه ..

فأنت امام خيارين

الخيار الأول

انك ترفع اوراقك الى الملحقية بحيث انك وجدت جامعه على Fall وفي هذه الحالة المشرف راح يطلب منك انك تسوي ثلاث اشياء في وقت واحد :

١- تغيير مرحلة او حالة >>> من طالب لغة الى طالب جامعه
٢- تغيير تخصص في حالة انو تخصصك اللي بالبوابة يختلف عن التخصص اللي جبت في القبول
٣-تغيير جامعة من المكان اللي انت فيه الى الجامعه الجديدة اللي بتروح عليها


اذا سويت هذي الأشياء راح تتغير من السستم مباشرة الى طالب جامعي وهذا يعني انو ضمانك المالي للغة راح ينلغى ولاتستطيع ان تدرس لغة.. مجرد ان تنتهي من الترانسفير يكون لك الأحقية بالمكوث في امريكا لمدة ثلاث شهور الى ان تبدأ الدراسة مع كامل الصرف.. ولاتصرف لك تذكرة الى السعودية >>> وهذا الكلام من مشرفي تماما.. لو بغيت ترجع للسعودية يكون على حسابك.. التذكرة الوحيدة اللي تصرف لك هي تذكرة لمدينة الدراسة الجديدة..


الخيار الثاني:

انك تدرس لغة ولاتخبر مشرفك بالقبول حقك الين مايجي اوقست اللي هو Fall وبعدين تسوي كل الإجراءات الي كتبتها في الخيار الأول..



يعني بالمختصر المفيد انت بالخيار اذا حاب ترجع السعودية مع اهلك وتخبر مشرفك.. او حاب تجلس في امريكا وتذهب للمدينة الجديدة .. وهذا اللي سويته انا بحكم اني توني جاي من السعودية في الكرسمس فما في فايدة اروح مرة ثانية..


بالتوفيق ان شاء الله ..

اقتباس:

---

المشاركة الأصلية كتبت بواسطة بـن نيـاز

عليكم السلام ورحمه الله وبركاته ،.

أخي الكريم ، من الأفضل أن تتواصل مع ادارة المعهد في هذا الشأن ، فأولا عليك أن تتفاهم مع المعهد بأن لديك قبول بالجامعة ودراستك ستبدا في فصل الخريف القادم وأنك تريد أجازة قبلها ، واعتقد أن المعهد سيتفهم مطلبك وسيمنحك اجازة ، والأمر سيكون أسهل مع الجامعة التي فيها معهدك لآنه أسهل في تنسيق وضعك ، لك أيضا أن تستشير ادارة الطلاب الدوليين فهي كذلك ستساعدك في أمرك.

غالب معاهد الجامعات تمنح للطالب اجازة مستحقة في حالة وجود قبول نهائي ، وخصوصا إذا الطالب سيبدأ دراسته في وقت قريب ، ولهذا أنصحك بالتواصل مع ادارة المعهد.

وما أن ترتب موضوع اجازتك ، ابدأ في اجراءات تحويل وضعك من طالب لغة إلى طالب جامعة وذلك عن طريق البوابة الالكترونية حتى تتم أمورك اتمام اعتمادك كطالب اكاديمي ويصدر لك ضمان مالي لتقديمه لادارة القبول أو الحسابات (قسم المالية) بالجامعة.

أرجو لك التوفيق مع مباركتي لك بقبول الجامعة ،.

أخوكم : بــــن نيـــــــاز

---

الله يبارك فيك ويوفقك

موضوع الإجازة هذا خيار جيد ولكن طبعاً يعتمد على تفهم المعهد

شكراً على الرد والتوضيح..

اقتباس:

---

المشاركة الأصلية كتبت بواسطة alomary

انت نفس حالتي بالتمام.. الا اني انا انتهيت من المعهد في ماي وتخرجت منه ..

فأنت امام خيارين

الخيار الأول

انك ترفع اوراقك الى الملحقية بحيث انك وجدت جامعه على Fall وفي هذه الحالة المشرف راح يطلب منك انك تسوي ثلاث اشياء في وقت واحد :

١- تغيير مرحلة او حالة >>> من طالب لغة الى طالب جامعه
٢- تغيير تخصص في حالة انو تخصصك اللي بالبوابة يختلف عن التخصص اللي جبت في القبول
٣-تغيير جامعة من المكان اللي انت فيه الى الجامعه الجديدة اللي بتروح عليها


اذا سويت هذي الأشياء راح تتغير من السستم مباشرة الى طالب جامعي وهذا يعني انو ضمانك المالي للغة راح ينلغى ولاتستطيع ان تدرس لغة.. مجرد ان تنتهي من الترانسفير يكون لك الأحقية بالمكوث في امريكا لمدة ثلاث شهور الى ان تبدأ الدراسة مع كامل الصرف.. ولاتصرف لك تذكرة الى السعودية >>> وهذا الكلام من مشرفي تماما.. لو بغيت ترجع للسعودية يكون على حسابك.. التذكرة الوحيدة اللي تصرف لك هي تذكرة لمدينة الدراسة الجديدة..


الخيار الثاني:

انك تدرس لغة ولاتخبر مشرفك بالقبول حقك الين مايجي اوقست اللي هو Fall وبعدين تسوي كل الإجراءات الي كتبتها في الخيار الأول..



يعني بالمختصر المفيد انت بالخيار اذا حاب ترجع السعودية مع اهلك وتخبر مشرفك.. او حاب تجلس في امريكا وتذهب للمدينة الجديدة .. وهذا اللي سويته انا بحكم اني توني جاي من السعودية في الكرسمس فما في فايدة اروح مرة ثانية..


بالتوفيق ان شاء الله ..

---

جزاك الله خير على الرد الوافي والواضح أخوي العمري..

اتضحت الصورة أكثر عندي الآن..

وبالتوفيق..