انا حالياً في امريكا وفي ابلكيشن wes مطلوب من معهدي في السعودية تعبئته ؟ والحل ؟

السلام عليكم

اليوم جالس اضبط اوراقي عشان ارسلها لشركة wes واكتشفت ان في الابلكيشن مكان لازم شخص من معهدي اللي درسة فيه يعبيه ويوقع عليها

وانا حالياً بامريكا ,, و متوهق مدري وش اسوي .. اعبي البيانات انا واوقع عليها ؟ او ممكن يكتشفون اني انا اللي موقع بقدرت قادر .؟

وبالنسبة للظرف المعهد ماقصر ختم على ظرف وخلاه مفتوح يقول حط فيه اللي تبغى !

وش رايكم ممكن احد يفيدني ؟

91 مشاهده ولا رد ؟

اخوي لاتكبر الموضوع
ولاتعبيه ولامشكله
اذا عندك ظروف مختمه من المدرسه اذا كنت خريج ثانوي او ظروف من الجامعه مختمه اذا كنت خريج جامعه
تحط السجل الاكاديمي فيها والوثيقه او الشهاده الثانويه بشرط تكون بالانقلش او مترجمه
وترسلها بالبريد العادي بالعنوان الموجود عندك بس اهم شي اذا جيت ترسلها حط المرسل جامعتك او مدرستك وعنوانهم وبكذا تكون افتكيت من اي مراسلات وتعبئه اي خرابيط
ولاحد يتفسلف عليك انا مسويها مليون مره واخره قبل اسبوعين وانا بغيت شي انا بالخدمه

يعطيك الف عافيه اخوي ماتقصر

بس فيه وانا اعبي بياناتي اونلاين ع موقعهم مطلوب اني اعبي الابلكيشن حقهم وفي الابلكيشن مربع فيه بيانات يبغون يعبيها واحد مسؤول في المعهد ويوقع و يختمه وارفقه بالظرف مع الاوراق

شوف حاط عليها مربع
ملف مرفق 21696
وفي اخر الابلكيشن مكتوب (PLEASE RETURN THIS FORM TOGETHER WITH THE OFFICIAL ACADEMIC RECORDS/STATEMENT OF MARKS.)

وانا متخرج من معهد صحي

وش رايك ؟ وش اسوي الحين : /

اخوي انت دفعت فلوسهم ؟؟ اذا للحين مادفعت شي اسحب عليهم وعادل شهادتك من ece ماتطلب ورقة من جامعتك ولاحاجة >> بس اوراقك بظرف مختوم وارسلها لهم مع الابلكيشن حقك
وانشالله يجي اللي يفيدك اكثر بشركة wes

المشكلة اكثر الجامعات تطلب معادلة شركة wes حسب معلوماتي

حتى شركة ece تقول لازم نفس معهدي يرسل لها الاوراق حسب اللي فهمته

all documents sent directly to us by academic institutions,

^^
لا مو شرط اهم شي ظرف مختوم >> من تجربة شخصية لاني كنت نفس وضعك مااقدر اروح لجامعتي
من ناحية ان اغلب الجامعات تطلب wes مااقدر افيدك بصراحة لان الجامعات اللي راسلتهم مااشترطوا علي شركة معينه بس على قولة المثل العوض ولاالقطيعه :) لاتخلي امورك تتعطل بأنتظار المعادلة من wes
بكل الاحوال انت تأكد من الجامعات اللي تبيها وقرر بعدها يمكن مايطلبون منك معادله خير شر ^_^
موفّق

الله يطمن قلبك

بس الحين باقي الابلكيشن والمكان اللي مطلوب يعبيه المسؤول اللي هو في قاره وانا في قاره وش اسوي فيه :(

ضروري ارفق الابلكيشن مع الاوراق ؟