عندي ثلاثة اسئلة قبل فتح الملف افيدووووووووووووووووووونا
مرحبا بالجميع الحمدلله وصلت بالسلامة
عندي ثلاثة اسئلة الاول انا ابي اقدم على الملحقية علىى النت طبعا , بس فيه ناس يقولون انتظر الين تجيب ورقة مباشرة من المعهد وانا بالاساس ماني عارف وش سالفتها ذي
وفيه ناس يقولون لي عادي انت قدم وهي بعدين تجيك وش اسوي اقدم ولا انتظر الورقة ؟
الثاني الضمان المالي ماهو معي وانا مقدم وخلصت اموري في الرياض وضاع مني
ولما وصلت هنا فيه ناس يقولون لي المعهد يطلب منك الضمان المالي وفيه ناس دارسين في المعهد قالوا ماطلبوا منا ضمان مالي وعطونيا ورقة مباشرة ؟
هل الضمان المالي مهم للمعهد خصوصا اني دارس على حسابي وعطيتهم اول دفعة ثلاث شهور ؟؟
السؤال الاخير ماهي صيغة الاسكينر اللي يبونهااااااااا ؟
متشكر اووووووووووي لكل من فكر يرد
رد: عندي ثلاثة اسئلة قبل فتح الملف افيدووووووووووووووووووونا
الاول والثاني: لا اعلم.
الاخير: بصيغة PDF وحجم الصورة ما يزيد عن 500 كيلو بايت.
رد: عندي ثلاثة اسئلة قبل فتح الملف افيدووووووووووووووووووونا
السلام عليكم
لا حبيبي انا اجاوبك
انت وصلت بلد الابتعاث
خلاص افتح ملفك
الضمان المالي يجيك دايركت انا جاني على طول
بالنسبه لصور عادي اي صيغه اهم شي ما تزيد عن 500
وبالنسبه للاخ الي يقول BDF
هذي لما ترسلها للمعهد
انا بالنسبه لي توني فاتح ملف
ترى الامور تساهيل
تحياتي
رد: عندي ثلاثة اسئلة قبل فتح الملف افيدووووووووووووووووووونا
الرجال يقول انه يدرس على حسابه الخاص اي ضمان مالي تتكلمون عنه.. اخوي بما انك على حسابك الخاص ودفعت ثلاث شهور خلاص من اول ما تبدأ تدرس اطلب من المعهد ورقة تثبت انك بدأت الدراسه معاهم وهذي عادتاً تاخذها من مكتب الطلاب الدوليين بعدها افتح ملف طالب على حسابه الخاص في موقع الوزارة ولما يجيك رقم الطالب تقدم على الحاق في البعثات وبس .. بالنسبة لتفصيل هالاجرائات تلاقية في منتدى الدارسين على حسابهم الخاص.
رد: عندي ثلاثة اسئلة قبل فتح الملف افيدووووووووووووووووووونا
بيض الله أوجيهكم , أيه أنا أدرس على حسابي الخاص
ويعني أقدم وما أنتظر ورقة المباشرة من المعهد ؟
رد: عندي ثلاثة اسئلة قبل فتح الملف افيدووووووووووووووووووونا
اخوي ورقة المباشرة ضرورية وهي ورقة يذكر فيها المعهد ان الطالب الفلاني بدا الدراسة معانا من التاريخ الفلاني. مايصير تقدم بدونها.