انا في حيرة كبيرة .. اتمنى المساعدة من الجميع
بسم الله الرحمن الرحيم
السلام عليكم ورحمة الله وبركاته
اخواني انا الحمد لله انقبلت في برنامج خادم الحرمين الشريفين للدفعة الثالثه
وبمجرد قبولي على طول راسلت جامعة في امريكا وجبت القبول + الاي توني
وفي ملتقى البعثات الاخير تلقيت الصدمه من وزارة التعليم العالي
انهم راسلوا جامعة في امريكيا واستخرجوا لي [ اي توني ] جديد دون علمي
يعني الحين صار عندي ( 2 ) اي توني
وذهبت الى السفارة الامريكية قبل امس وسلمت لهم الاي توني الاول وقالوا لي راجعنا بعد اسبوعين لاستلام الجواز
سؤالي هل يوجد مشكلة عند ذهابي الى امريكا بإذن الله بعد حدود الشهر وانا عندي ( 2 ) اي توني
ولا لازم الغي واحد ؟؟
وهل لازم ابلغ السفارة بالموضوع ولا لا ؟
وانا رحت لوزارة التعليم العالي وشرحت لهم وضعي ولكن للأسف مامن مجيب
كل موظف يجيب حسب حالته المزاجيه في ساعة السؤال
الي يقول لازم تلغي واحد
والي يقول ماعليك خليه عندك في البيت
والي يقول والي يقول وانا احترت كذا !!
وعلى فكرة انا طلبت الاي توني الي استخرجته الوزاره لي وقالوا توه ماوصل ويمكن مايوصل الا بعد شهر
شهر !!!!
انا خلال شهر بإذن الله راح اكون في امريكا !!
ما الحل !!
وشكراً مقدماً
رد: انا في حيرة كبيرة .. اتمنى المساعدة من الجميع
بلـغ السفاره بوضعك اذا رحت تستلم الفيزا !! ديرتهم وهم ابخص بنظامها
رد: انا في حيرة كبيرة .. اتمنى المساعدة من الجميع
والله حالتك ما حد يعرفلها غير السفارة والوزارة مالها دخل
اذا انت لم توافق على قبول الوزارة أعتقد فأكيد راح ياخذون قبولك الي انت جبت
لكن اذا انت وافقت على قبول الوزارة هنا في مشكله ما تدري وش يختارولك
ولا تخاف يا خوي اذا صار اي شيء وانت بالملحقيه بامريكا ورهم قبولك وان شاء الله يتعاونون معك
تحياتي لك
رد: انا في حيرة كبيرة .. اتمنى المساعدة من الجميع
بسيطة .. الغي الاي توني الي جاك من الوزارة .
لازم تلغيه ترا .. هذا الكلام فهمته من الملتقى لازم تلغيه عشان ما تتعرض لمسائل قانونية .
طبعاً طريقة الغائه هي انك تراسل الجامعة او المعهد بأنك تريد الغائه .
وايضاً لازم تتأكد ان الجامعة الي انت جبت منها الاي توني لازم تكون معترف بها في الوزارة وقائمة الجامعات المعترف بها موجودة بموقع الوزارة .
رد: انا في حيرة كبيرة .. اتمنى المساعدة من الجميع
لا اصلاً السفارة الامريكية استلمت الاي توني الي جبته انا
وقالت لي موظفة السفارة ان الفيزا راح تصدق على اساس الاي توني هذا وراح نسلمك اياه في ظرف مغلق لا تفتحه الا في مطار امريكا عند الموظف المختص
المشكلة .. المشكلة .. المشكلة
اني اروح لوزارة التعليم العالي ابغى استلم القبول حقهم واتفاهم معهم
وش تتوقعون الجواب ..؟
الموظفين الكبار رايحين ملتقى جده انتظرهم الى يرجعون الرياض !!
الله يعين وييسر الامور يااااااارب
رد: انا في حيرة كبيرة .. اتمنى المساعدة من الجميع
أنا أمس في فرع القنصلية بالظهران
وسألتهم وقالوا لي إذا رحت علشان تعطيهم الآي توني ورهم الأثنين علشان يلغون واحد
وفي حالتك الآن مثل ما قالك أحد الأخوان إذا رحت تستلم الفيزا قول لهم
رد: انا في حيرة كبيرة .. اتمنى المساعدة من الجميع
الجواب بسيط ومايباله كل هالتعقيد ....
الدكتور الموسى المشرف العام على برنامج خادم الحرمين الشريفين باب مكتبه مفتوح ولا رااح تلاقين الاجابه غير عنده أو عند الكتور ماجد مدير البرنامج .... وكلهم اشخاص خلوقين جداً .