الأعضاء الإشتراك و التسجيل

الملتقيات
ADs

مبتعث جديد يعاني من مشكله ارجو المساعده

مبتعث جديد يعاني من مشكله ارجو المساعده


NOTICE

تنبيه: هذا الموضوع قديم. تم طرحه قبل 2022 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية العريني
    العريني

    مبتعث جديد New Member

    العريني السعودية

    العريني , ذكر. مبتعث جديد New Member. من السعودية , مبتعث فى السعودية , تخصصى محاسبه , بجامعة ucsd
    • ucsd
    • محاسبه
    • ذكر
    • سان ديغو, كاليفورنيا
    • السعودية
    • May 2012
    المزيدl

    May 30th, 2012, 05:13 AM

    السلام عليكم ورحمه الله وبركاته

    آما بعد،


    يا إخوان انا عضو جديد توني مسجل وتوني مبتعث جديد وهاذي اول مشاركه لي وان شاء الله ماهي اخر مشاركه لي في المنتدى الرائع، في الحقيقه الي جمع جميع الطلاب المبتعثين في جميع بقاع العالم ويتم حل مشاكلهم وتبادل خبراتهم الخ...

    جزاء الله خير على القائمين في الموقع وجعلها الله في ميزان حسناتهم

    ادخل بالموضوع الان وبسم الله

    انا يا إخوان مبتعث جديد في الولايات المتحده الامريكيه الحمدلله كل الامور بخير وعلى ما يرام لكني اعاني من مشكله وحده الي هي التوتر، التوتر الزايد مرات هالتوتر يخليني اشعر برجفه قويه والاكل من اول ما وصلت ما اكلت شي كويس النفس جدا مسدوده
    ما اشتهي شي ومرات الله يكرمكم احس بغثيان لدرجة احس اني برجع

    وانا الصلاه ما اتركها والقرآن اقرآ دائما لكن الحاله هاذي ملازمتني

    الي مرت عليه هالحاله من قبل او عنده خبره في هالموضوع ياليت يفيدني وجزاه الله خير وبكون شاكر ومقدر له

    لكم جزيل الشكر، إخوكم العريني
  2. كون صداقات واخرج من البيت, ترى جلست البيت وانا خوك هي الي تسبب هذا النوع من الأكتئاب خصوصاً انك جديد. شف الشباب السعوديين الي في مدينتك وطلع معهم, رح الجم, العب كورة , ضيع وقتك في اي شيء المهم خارج البيت.
    7 "
  3. انا تقريبا مثلك اول ما جيت امريكا ..كنت احس بتوتر خفيف
    بس لما تعرفت على شباب وصرت ما اجلس في البيت ابد..النفسيه عال العال ماشاءلله

    حاول تتعرف على شباب كثير واطلع معهم وان شاءلله يروح منك التوتر
    واهم شي عليك بالاسغفار دائما


    كل التوفيق لك
    7 "
  4. استاذي لا تتوتر ولا شي والله العظيم انه الامور سهالات الحمدلله

    ترى امريكا باذن الله كانك طالع من بيتكم وداخل بيت احد اقاربك لايعني لا احد بيدقق عليك او في صرامه بالعكس
    الامريكان مررررره فرندلي وحبوبين..

    واذا فعلا بتخاف خاف من الملحقيه لان مايعذبك في بلاد الغربه الا الملحقيه! للاسف الشديد لي سنه ونصف بامريكا ماشفت الضيم والعذاب الا من الملحقيه
    وهو المفترض اني اشوف التعب من الامريكان او الغربه لكن ماشفت الشي

    حسبنا الله عليهم الملحقيه وبس.. اذا عدت امورك بالملحقيه فانت بخير
    7 "
  5. اول شئ علمني اني من اي العريني ؟؟! القصيم ولا غيره ..


    ___________________________

    ترا كثر التفكير تزيد من حدة الموضوع .....استمتع بوقتك وحياتك ....ودامك محافظ على صلاتك ووردك بعون الله شدة وتزول .....اطلع من البيت سولف اضحك ....ابعد عن العزلة والاكل لحالك ....ترا الحياة في امريكا تجيب الضغوط وخصوصا في البدايات ...حاول تتجنبها قدر الاماكن بتكوين الصدقات وفي البداية ما يهم وانصحك تدور عيال ديرتك السعوديين ما فيه مثلهم يشيلون همك ويعيننوك وتلاقيهم وقت الحاجة .....واترك عنك كلام الشيبان القديمين اللي يقولك ابعد عن السعوديين ولا تخاويهم ..اللغة تجي اذا عندك الرغبة ولا يمنع انك تخصص وقت لنفسك وتكون لحالك وقت الدراسة .


    يمكن طولت عليك .لكن القصد ان الاحساس بالوحدة والعزلة احيانا يجيب الأكتئاب وانا مريت فيه بعد ما نقلت لمدينة جديدة كانت تمر ايام ما اتلكم مع احد اواكل لحالي وكانت اتعس ايام حياتي .حاول تتجنب هالامور وامورك راح تتحسن .بالتوفيق
    7 "
  6. السلام عليكم..

    جزاكم الله الف خير على النصائح كلها والحمدلله مشيت عليها وفادتني كلها

    الف شكر لكم جميعا وجعلها الله في ميزان حسناتكم ...

    والنفسيه الان عال العال الحمدلله حتى صرت اعطي نصايح للطلاب الجدد هههههههههه

    ويا ( انا هايم ) ايه نعم انا من عرانة القصيم اخوي...


    شكرا جزيلا لكم جميعا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.