7 في الايلتس أبغى إجابة واضحة و عن تجربة لو سمحتم

يا شباب أنا دراستي تبدأ بعد أسبوعين و مطلوب مني 7 في الايلتس أو 100 في التوفل
لازم أخلص اللغة خلال 6 أشهر أو سنة و نصف .. لأن الجامعة اللي أبروح لها ما عندها غير فترتين للتقديم .. إن فاتتني الأولى بعد 6 أشهر ما لي إلا أنتظر سنة أخرى
مستواي دون المتوسط لكن ليس ميييح خصوصاً في المحادثة و الفوكاب
سألت ناس إذا يمديني أجيب الدرجة المطلوبة في الايلتس خلال 6 أشهر و بعضهم قال لو اجتهدت و درست كأنك آسيوي و بشكل يومي يمديك تجيب الدرجة في هذه الفترة (6 أشهر)
أنا ما أدري هالكلام صحيح ولا لا .. أبغاكم بس تقولون بناء على تجاربكم أو تجارب زملاء لكم هل سبق و أن رأيتم أو عرفتم شخص بدأ من مستوى دون العادي و جاب 7 بعد 6 شهور ولا لا ؟!!
لأني ما أبغى أكرف نفسي و من أوّل يوم و أضغط على نفسي على ولا شي و في النهاية أتحطم .. لأني جاد و واثق من نفسي , لكني ما أدري وش معنى تجيب 7 ولا أدري هل هذا مستحيل فعلاً مثل أغلب كلام الشباب ولا لا

أرجو اللإفادة و الله يوفقكم .

السلام عليكم،
بذكر لك شباب اعرفهم ..
بس قبلها اقول لك ،
الإيلتس انا اختبرته .. الاختبار مب صعوبة التوفل .. يعني بإمكانك تركز وبإمكانك تشوف وضعك وترتب وضعك وإن شاء الله انت قدها .. لابد تشتغل على نفسك وفيه كُتب ايلتس وزي مانت عارف اغلب اختبارات اللغة تكنيك .. الرايتنق ضروري ، فيه جزء سبيكنق والمواضيع اللي شفتها واسمع الشباب يعني مواضيع حليله موب تقول والله صعبه وراح اوقف عندها واغلب الشباب اللي يرفعهم هو السبيكنق .. اللسننق غير معُقد .. الجزء اللي ممكن انه يكون صعب عليك اللي هو الريدنق ، .. الإيلتس مب ذاك الصعوبة .. درجة 6.5 جايبنها ناس كثير ماشاء الله .. يعني لابد من الإجتهاد وتحاول تكثر من معلوماتك الإنجليزية ، الكلمات الإكاديمية ، واهم شي كتابة essay بشكل أكاديمي ويحتوي كلمات اللي تنتقل لقسم ثاني مثل (however,on the otherhand...etc) ..

اثنين من الشباب اعرفهم بشكل شخصي ..
الأول جاي لـ امريكا مايعرف يقرأ والحروف لك عليها، اول مستوى كان له اللي قبل المبتدئ! (A,B,C,D...ETC) .. سنه و شهرين من دراسة اللغة بشكل جدّي والحضور في المعهد ويحاول يطور نفسه برا المعهد ماشاء الله 6.5 ..

الثاني .. جاي ولغته حليله .. واشتغل على نفسه والرجال يدور المعلومه ويحاول يتعمق بالشيء .. مثل الـATION واشياء كثيرة .. كلمات اكاديمية كثير والرجال ابد دايم بالنت وبالمعهد.. ماشاء الله سنه وجاب 7 ..

هذي اقول لك عن ناس اعرفهم بشكل شخصي .. واعرف شباب ماكملو 4 شهور وجابو 5.0 بالإيلتس ماشاء الله ، وناس 6 شهور وجابت 6 .. فـ هي تعتمد على الشخص نفسه ..
وزي ماذكرت لك .. هي اقسام وراح تشوفها لكن انت جرب ادخله حتى لو لغتك ماتساعد بس علشان تاخذ فكرة اولية ونبذه ..
لكن نصيحتي لك ... لاتعتمد انك بس تجيب الدرجة حاول توسع لغتك الآن .. وبنفس الوقت تدرس عن الإيلتس ...

فيه كتب عن الإيلتس وتفيد بشكل كبير ..

أخيراً ، 7 في الإيلتس مب صعبة ابداً لو انت جاد في الدراسة وتقدر بسنه تجيبها وممكن بأقل! ..
والصراحة حسب ماسمع من شباب كثير اعرفهم اختبرو ايلتس كثير جابو 5.0 و 5.5 6.0 .. والشباب كانوا مصعبين المسألة ..
هذا اللي عندي .. بس شدّ حيلك في الرايتنق اهم شي ، والسبيكنق لسانك بينطلق إن شاء الله ..
انا للإسف ماقدرت اجيب شيء يبيض الوجه لكن لاتنسانا من دعواتك :).

الله يوفقنا وإياك والجميع إن شاء الله ، وعقبال الأعلى من كذا .. لنا ولك :D

7 بالايلتس صعبة و 100 بالتوفل اصعب !!

اترك عنك التوفل لانها مرة عالية. انا اخذت فيه 75 و تعتبر لغتي ممتازة و الحمد لله

الايلتس تقدر تجيبه بحالة وحدة

انك تكرف كرف. مو بس بالمعهد و هوم ورك و كذا. لا لازم تخصص وقت غير المعهد تذاكر فيه

و ان شاء الله تجيبها و سهالات

7 ما اتوقع انها مستحيله

هل انت ماستر او دكتوراه ؟؟

انا اشوف تنتظر لين تخلص السنه ونص ماله داعي تستعجل
او سو لك plan B دور لك معهد يدخلك الجامعه بدون توفل

عادتا الجامعات تطلب للماستر ٦ او ٦ ونص بس انت شكل جامعتك قويه شويه


الله يوفقك

بـدون أي مجاملـة أو تحطيـم،،،درجـة 7 في الآيلتـس لطـالب مبتـدئ أو مستـواهـ أقل من العـادي خـلال 6 أشهـر من الصعـب الحصـول عليهـا.
ليس تثبيطاً من معنـوياتك ولكـن هي الحقيقـة.

اقتباس:

---

المشاركة الأصلية كتبت بواسطة prestige10

بـدون أي مجاملـة أو تحطيـم،،،درجـة 7 في الآيلتـس لطـالب مبتـدئ أو مستـواهـ أقل من العـادي خـلال 6 أشهـر من الصعـب الحصـول عليهـا.
ليس تثبيطاً من معنـوياتك ولكـن هي الحقيقـة.

---

أصبت

جدا صعبة
حتى بعد سنة دراسية كاملة
إلا في حالة إنك طول الوقت تذاكر
ولا تتكلم عربي إلا إذا اتصلت على أهلك
وتحفظ كلمات من الآن وحتى تنتهي السنة


وفقك الله

اقتباس:

---

المشاركة الأصلية كتبت بواسطة alhaime

أصبت

جدا صعبة
حتى بعد سنة دراسية كاملة
إلا في حالة إنك طول الوقت تذاكر
ولا تتكلم عربي إلا إذا اتصلت على أهلك
وتحفظ كلمات من الآن وحتى تنتهي السنة


وفقك الله

---

هههه مو لهذي الدرجة عاد

بالغتوا

والله يااخوي انت طالع تدرس بصراحه
اذا ابتعدت عن السعوديين وجلست مع عائله وحولت كل هواياتك الى انجليزي وقرأت كثير ان شاء الله تجيبها مش مستحيله
بس اذا بتجلس بشقه كلها سعودين وقنوات عربيه وطلعه وروحه وجيه معاهم انسى انك تجيبها حتى بعد سنتين
الله يسهل عليك

اقتباس:

---

المشاركة الأصلية كتبت بواسطة Twisted

هههه مو لهذي الدرجة عاد

بالغتوا

---

هل أختبرت آيلتس؟؟
ياشيخ ترا ال 7 متعبة شوي

ياشيخ 7بالايلز سهلللللللله جدا جدا بس توكل على الله واجتهد