رد: استشارة جزاكم الله خير
وعليكم السلام ورحمة الله وبركاته ...
في نظري عندك حلين .. وهم يعتمدون إعتماد كلي على مدى إستيعابك وفهمك ومهارتك باللغة ...
الحل الأول :
إذا كانت لغتك كويسه يعني تفهم كلامهم وتعرف تكتب وتقرا وتتكلم (مو لازم تكون بلبل انجليزي.. اهم شي تفهم وتقدر تخارج نفسك وتسنع امورك بكل سهوله ) .. فأنا انصحك أنك تروح الجامعه وتخلص 30 ساعه فيها .. ووقتها تقدر تنقل لاي جامعه ثانيه تبيها ...
وبكذا تختصر وقت وتفتك من الايلتس واللغه وتعب الحصول على القبول من الجامعات .. واللغه راح تكتسبها بالجامعه اكثر من المعهد .. لانك راح تخالط الطلاب والدكاتره وما الى ذلك ..
الحل الثاني :
اذا كانت لغتك اقل من المتوسط .. وتحس ان فهمك ثقيل فيها .. كمل المعهد وفي نفس الوقت كل فتره وفتره حاول تختبر الايلتس .. لحتى تاخذ درجه فوق الـ 6.5 كأدنى حد .. وقتها روح وقدم وانت وحظك ..
مشكلة هالطريقه .. أنها تاخذ وقت اكثر .. وتتعبك بسالفة اختبارات الايلتس والقبول الجامعي .. بينما الحل الاول راح يختصر هالشيء ويبعدك من هالامور ...
ومثل مايقول المثل .. عصفور باليد ولا عشره على الشجره ..
بمعنى اوضح .. مادام عندك المقومات اللغويه اللي تساعدك .. فانت ماتحتاج معهد حتى يطور لغتك .. كل اللي تحتاجه انك تزيد بالقرائه والممارسه بشكل دائم .. وتتخلط مع الاجانب وتتحاور مع احد بالانجليزي بشكل يومي ..
وخلال اشهر قليله راح تلاقي نفسك خلاص بلبل انجليزي .. وتلاقي نفسك انك اكتسبت اللغة بشكل اسرع وافضل من المعهد ...
وتبقى هذي نظرة شخصيه وفكره ..
هذا والله اعلم ...,
اخوك محمد
رد: استشارة جزاكم الله خير
ما شاء الله عليك يا محمد
لا فاض فوك , لا ازيد عليه بشئ
الى بدعوه " الله يوفقك ويطرح فيك البركة اينما ارتحلت "
ونصييحة واحد فقط , استخر قبل الاقدام على اي خطوه
واسال ربك التوفيق , وان شاء الله التوفيق فالك
رد: استشارة جزاكم الله خير
انا باختصار افهم مجمل الكلام ..
يعني تجلس تتكلم عن شي وبتقارير وتفاصيل وكل شي .. ممكن ما افهم عليك كلمة كلمة ..
لكن افهم مجمل كلامك وفكرتك الي توصلها .. ولما اتخاطب اوصل معلومتي الي ابغاها وفكرتي مع بعض االاخطاء في القرمر ولكن اوصل معلومتي لك ..
هذا انا باختصار ..