اللي جربوا طيران الإمارات لأمريكا سؤال عن زيادة وزن الشنط لو سمحتم
السلام عليكم ورحمة الله
باقي على رحلتي أقل من 24 ساعة
سؤالي بإختصار عرفت إن طيران الإمارات معطي لكل راكب في الدرجة السياحية شنطتين للشحن كل وحده 23 كيلو وثالثة تشيلها معاك 7 كيلو
بس بعد ما وزنت شنطي أمس طلعت
الأولى: 26 كيلو
الثانية: 26 كيلو ونص
الثالثة : 10 كيلو
يعني الزيادة مجموعها أكثر من 10 كيلو
كم راح يدفعوني في المطار عليها إذا تكرمتم
يا ليت أحد يفيدني بسرعة لو سمحتم
رد: اللي جربوا طيران الإمارات لأمريكا سؤال عن زيادة وزن الشنط لو سمحتم
أنا عن نفسي وحده شنطه كانت 25 ومحد قال شي والبقيه نفس الوزن
رد: اللي جربوا طيران الإمارات لأمريكا سؤال عن زيادة وزن الشنط لو سمحتم
نصيحه اخوي خلي الوزن الزايد في شنطه وحده و اتقيد بالوزن في الشنطه التانيه لانهم يدفعوك الزياده على كل شنطه.
رد: اللي جربوا طيران الإمارات لأمريكا سؤال عن زيادة وزن الشنط لو سمحتم
اقتباس:
المشاركة الأصلية كتبت بواسطة Dido
نصيحه اخوي خلي الوزن الزايد في شنطه وحده و اتقيد بالوزن في الشنطه التانيه لانهم يدفعوك الزياده على كل شنطه.
نصيحتك ذهبية إختي بس كل الشنطتين بتنفجر من الزحمة فيها ما اقدر
على كل حال اتصلت بطيران الإمارات قالت الموظفة :عن كل شنطة 50 دولار الى ما توصل 32 كيلو بعدها لا
أما الشنطة الثالثة اللي أباخذها معي الطيارة الحد الأقصى 7 وحقتي وزنها عشرة... سألتها راح ادفع زيادة برضه عليها؟
قالت : لا .. لكن احتمال ما يخلونك تدخلها الطيارة أصلا !! ..
قلت في حالتها ايش راح يصير فيها أجل ؟!
قالت راح ندخلها مع اخواتها للشحن ..
قلت: أحسن وأحسن :)
رد: اللي جربوا طيران الإمارات لأمريكا سؤال عن زيادة وزن الشنط لو سمحتم
انت متى رحلتك و لوين
لان انا قالوا لي شنطتين مجانا وزن الوحده ما يتعدى 23 كيلو
اما شنطتي الثالثه قالوا تدفع لها 170 دولار
والله تعبت من ذا الموقع كل واحد له اجابه
رد: اللي جربوا طيران الإمارات لأمريكا سؤال عن زيادة وزن الشنط لو سمحتم
حط شنطتين بالشحن مثل ماهو مسموح لك
والشنطة الثالثه طلعها معك للطيارة اذا حجمها يسمح
وانت تقول ١٠ كيلو يعني تقدر تأخذها معك
رحلة سعيدة وتوصل بالسلامة ان شاء الله