مساعدة قبول دكتوراه مشروط بدون جيمات ولا جي ار اي

ياخوان للمعلومية
1- معدلي في الماستر 4.45 من 5
2- عندي خبرة في ادارة شؤون الموظفين في دائرة حكومية 7 سنوات
3- انا الان محاضر
4- عندي شهادات اخرى تدريبية
5- معدلي في البكالوريوس جيد 2.90من 5
6- حصلت على المركز الاول في مؤتمر علمي خليجي لافضل بحث
هل هذه المعلومات تؤهلني لدخول الدكتوراه بدون جيمات ولا جي ار اي يعني فيه جامعات ترضى بهذه المعلومات فقط
ارجو الرد من الزملاء من جرب وعن خبرة كافية
تكفون ساعدوني ابي اهج ابي ادرس برى في امريكا

أخوي ، يسعد لي مساك ، بخصوص الدكتوراه
في امريكا صَعب هذا الشي ، ولو في جامعه تسقط عنك الجي ار اي ، تطلب منك اللغه
اكثر المبتعثين للدكتوراه ، توجهم استراليا وبريطانيا
او الحل الاخر تطلع بقبول اللغه ، ومن هناك تاخذ كورس جي ار اي

رَبي يوفقك

انا ممكن احصل على اللغة لكن اللي يهمني اختبار الجيمات وجي ار اي هل فيه جامعات تعفي هذا الاختبار
ممكن احصل على التوفل انشالله لكن ابي جامعة بدون جيمات اذا امكن

والله اعلم وبصحة المعلومات :

اطلعت على هذه الجامعات وجدتها في موقع الوزارو غير معترف فيها

السلام عليكم
انا معلوماتي في قبول الدكتوراه ضحله شوي و لكن سيرتك الذاتيه ماشاءالله مشجعه جداً
اللي اعرفه او بالاصح سمعت عنه ان الكليات تقبل طالب واحد في الدكتوراه لكل كليه في كل سمستر , و لازم تحظر لك رساله باهداف توظح فيها مدى خدمة رسالتك للمجتمع و من ذالقبيل , و بالنسبه للانقلش فهو متطلب ظروووري الا اذا كانت شهادتك السابقه من امريكا او دوله ناطقه بالانقلش ونت ماخذ الماستر من السعوديه فلازم تجيب توفل ,,
بس نصيحتي لك انك :
تدخل موقع الوزاره للجامعات المصى بها و تكتب المعلومات و تترك المدينه فاظيه و الجامعه برظو بس تكتب دكتوراه و التخصص و الدوله و يطلع لك النتايج كلها , للاسف انا تركت واشنطن من فتره ولا من عيوني انط لك للملحقيه اجيب لك برنت عن الجامعات اللي ما تطلب جيمات ,,,

عاد الحين الله لا يهينك امسك الجامعات وحده وحده و فصفصهن ,,, انا سويت نفس الحركه و طلع لي ست صفحات من جامعات بنفس المواصفات بس يبغى لك تدخل مواقعهم و تراسلهم او تشوف متطلباتهم اول بعدين تراسلهم ..
الجامعه يهمهم اهتمامك المستمر فحاول اظهار اهتمامك بكل جامعه توظح فيه كأنك ما تبغى الا هم ... ( و باستمرااار) و سو بحث عالنت شوف كيفية المتطلبات و اعدادها و جهز لهم المتطلبات و الله يوفقك تصير دكتور اد الدونيا

اخوي زمبليطة اشكرك كل الشكر والاهتمام انا في الحقيقة اطلعت على الجامعات الموصى بها زي ماقلت من موقع الوزارة وطلعلت بحصيلة جيدة . انت اختصاصك اذا ماخاب ظني ادارة عامة هذا ماشفته في المعلومات تبعك وهذا فرحني كثير وشجعني اكثر طيب اخوي ممكن نتواصل ونفيد بعضنا انا اقدر هذا التخصص والاكثر المنتسبين اليه مثلك وشرواك
ممكن تقولي اي مؤهل دراسي انت الان عليه ونتواصل عبر الايميل اذا امكن والجامعة اللي انت فيها
اللغة ممكن اجيب التوفل انشالله تعالى لكن انا ماقدر اطلع من السعودية الا بعد سنة ابتعاث على حساب العمل
اشكرك مرة اخرى

بالتوفيق اخونا الله يكتب لك اللي فيه خير

الاخ زمبليطه
الله يكتب اجرككك