بتروح مني البعثة والسبب الايلتس
مرحبا
انا خلصت مرحلة اللغة عندي مع التمديد وحطوني على الهولد لاني ماجبت فبول غير مشروط لاني كنت ادرس في معهد لغة تبع الجامعة والمعهد كان ضاغطنا بالدراسة واللفل الواحد 4 شهور لين وصلت اللفل الرابع وسقطت فيه 3 مرات وهم 6 لفلات وحاولت اني اجيب درجة ايلتس او توفل ولا قدرت اجيب الا 4.5 في الايلتس و34 في التوفل حتى اختبرت ايلتس 3 مرات وتوفل 5 مرات لكن مافي فايدة ولاقدرت اجيب قبول الا من كلية مجتمع لكن المدير الاقليمي رافض اني ادرس فيها لان درجة الايلتس اقل من 5 مع ان في ناس اعرفهم خشو كلية مجتمع بس انا مو راضين لي مدري ليه ويوم كلمتهم يساعدوني ويشوفون لي حل يقولون لي اجلت بعثتك وحاول تجيب درجة اعلى وانا بصراحة حالتي المادية تعبانة ولا اقدر ادرس على حسابي فا وشو الحل الحين والله نفسيتي تعبت كثير كل شي قفل في وجهي ولاعندي الا ارجع السعودية خلاص لاني تعبت كثير
تمنيات
رد: بتروح مني البعثة والسبب الايلتس
ارجع الى الله سوف يسر امورك وماتضيق الا وتفرج والله العظيم مالك الا ربي اخلص بس مع ربك
رد: بتروح مني البعثة والسبب الايلتس
اسأل الله رب العرش العظيم انه يهدينا وانه يسر امرك وامر كل من هو في ضيق وكربه وهم..
رد: بتروح مني البعثة والسبب الايلتس
ونعم بالله أمين يارب العالمين
رد: بتروح مني البعثة والسبب الايلتس
ما عندي شئ افيدك فيه
الى الدعوه
الله يوفقك يا بعدي
رد: بتروح مني البعثة والسبب الايلتس
حبيبي وقف بعثتك وارجع للسعودية واشتغل على نفسك واستعد للايلتس واللي قدرت تجيب 4.5 سهل جدا تجيب 5 بس يبغى لك تستعد قبل مو بس تروح وتختبر .
وبعد ماتجيب الدرجة .. كلم المدير الاقليمي عشان يقبلها لك وبعدها رجع بعثتك وادخل الكلية وتوكل على الله .
بالتوفيق ان شاء الله
رد: بتروح مني البعثة والسبب الايلتس
رد: بتروح مني البعثة والسبب الايلتس
ضاق صدري عليك..
اسال الله ان يسهل لك امورك ويفتح لك كل الابواب اخوي
لا تنسى ابدا
(انا عند ظن عبدي بي فلبظن بي ما يشاء)
خلك واثق منه سبحانه وباذن الله راح تنفرج لك..
ادعي الله وخلك واثق الاجابه..وباذن الله راح تبشرنا بالتيسر
دعواتي لك..
رد: بتروح مني البعثة والسبب الايلتس
أيــش دخــل الايلتس؟! كــم ساعــة كنــت تذاكــر في اليــوم؟!
على كــل حال , حــدد لـي معــدلك؟ وتخصصك؟ والمرحلــة؟!
وأنــا أبـي أحــاول لك بكـل جهــدي مع جــامعة توافــق أنك تنزل مادة أكاديمية
وتكمــل في معهـد اللغة حقهــم ، على شــان ما يتــوقف الصرف عنــك
وأن شاء الله يوافقـــون!
سبحـــــان الله وبحمــــده سبحـــــان الله العظيـــــــــم
رد: بتروح مني البعثة والسبب الايلتس
^
بعد ما تساعد ( الأخ احساس متحطم )
ممكن تحاول تساعد صديقتي ؟