الأعضاء الإشتراك و التسجيل

الملتقيات
ADs

من منكم غير تاشيرته من F2 الى F1

من منكم غير تاشيرته من F2 الى F1


NOTICE

تنبيه: هذا الموضوع قديم. تم طرحه قبل 2046 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية بدر الحرقان
    بدر الحرقان

    مبتعث جديد New Member

    بدر الحرقان الولايات المتحدة الأمريكية

    بدر الحرقان , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى نظم المعلومات , بجامعة جامعة الامام محمد بن سعود
    • جامعة الامام محمد بن سعود
    • نظم المعلومات
    • ذكر
    • الرياض, واشنطن
    • السعودية
    • Nov 2011
    المزيدl

    June 12th, 2012, 08:12 AM

    السلام عليكم

    انا مرافق لزوجتي وتاشيرتي F2

    وابي اغيرها الى F1

    ابحث عن شخص سبق له تغيير الفيزا بنفس حالتي

    لان عندي بعض الاستفسارات


    ياللي يعرف احد ياليت يدلني عليه
  2. عليكم السلام ورحمه الله وبركاته ،.

    أخي الكريم ، لتغيير فيزتك الحالية إلى فيزا دراسية F1 ، عليك التوجه إلى ادارة القبول بالمعهد أو مكتب الطلاب الدوليين لديك وتطلب منهم اجراءات تحويل الفيزا ، سوف تحتاج إلى تعبئة نماذج لإدارة الهجرة ودفع رسوم لذلك. وضع في الحسبان أن فترة التحويل تستغرق من شهر إلى 3 أشهر ، وخلالها لا يمكنك الخروج من الولايات المتحدة الأمريكية حتى تتم الموافقة على التحويل (غير حالات الضرورة).

    أرجو لك التوفيق ،.

    أخوكم : بــــن نيــــــــاز
    7 "
  3. اخي ابن ياز لقد حاولت طلب مساعدة مكتب القبول والطلاب الدوليين .. لكنهم اخبروني ان اتجهم الى الانترنت وان اعبى الابليكيشن .. ( بالعربي يصرفوني )

    وحاولت اضغط عليهم بالكلام .. قالو لي انهم اول مره تجيهم الحاله ولا يعرفون لها .. وزي اللي دبر عمرك ! .. حتى وهو يقرا الابليكيشن يقول ما اعرف كيف تعبيتها ..


    وانا ودي اسال ايضا سؤال لاخواني الاعضاء .. هل احد جرب يطلع لكندا لتغيير الفيزا .. بحيث تكون اسرع !
    7 "
  4. أخوي بدر ان اعطيك العلم الوكاد بإذن الله
    أختي غيرت فيزتها قبل ٣ اشهر وانا اللي توليت أوراقها ورفعتها لها
    سيدي الكريم السالفة كالتالي
    اولا :
    1- تعبي الابليكشن في الأنترنت اللي هو نموذج I-539 ثم تطبعه وتوقعه .
    2- ضمانك المالي اللي من الملحقية ويفضل ضمان مالي من عندك يدعمك اكثر بس مو ضروري مرة.
    3- خطاب تكتبه من عندك وتقول ليش تبي تغير فيزتك وتكتب فيه مثلا ان جاي مبتعث مرافق مع زوجتي وابي ادرس في تخصص كذا عشان اصير استاذ في احد الجامعات السعودية .
    4 - صورة من جوازك وفيزتك
    5 - اصل ال I-94
    6 - اصل الاتوني الجديد اللي بيصدره لك معهدك
    7 - تسدد رسوم السيفس الجديد 200$ اون لاين ثم تطبع الإيصال
    8 - تحرر شيك بقيمة 295$ قيمة التغيير

    ثانيا :
    بعد كذا تجمع كل هذه الأوراق اعلاه وترسلها بالبريد على اقرب فرع USCIS لولايتك طبعا هذه يعلمك بها معهدك ويجب ارسال كبريد مسجل بالبريد الأمريكي USPS (اللي لون شعارهم ابيض وسماوي) فقط فقط ولا يقبل اي شركة اخرى
    طبعا لاتنسى تصور نسختين من هذي الأوراق نسخه عطها المعهد ونسخه خلها عندك في بيتك سبحان الله تحتاجها . وانصحك تخلي البريد يعطيك تراك نمبر عشان تتابع اوراقك وصلتهم والا لا.

    بعد كذا تنتظر يجيك ورقة فيها رقم الرسيت وفيها ان صرفوا الشيك وهذا اثبات انهم استلموا اوراقك اللي عطيتهم وفي هذي الورقة رقم ريسيت عشان تتابع به وش صار على اوراقك اون لاين عن طريق موقعهم بعد كذا تنظر انا وحظك ممكن تخلص في شهر ومممكن في 3 اشهر احنا خلصت اوراقنا ولله الحمد في شهر

    بس فيه قيود عليها انها اذا طلعت الفيزا بإذن الله تقدر تجلس في امريكا لو 10 سنين بس المشكلة انك بمجرد ماتغادر امريكا تلغي فيزتك وتضطر انك تقدم فيزا جديدة من السعودية .

    الله يوفقك واذا احتج شي تحت امرك ياخوك
    7 "
  5. المشاركة الأصلية كتبت بواسطة بدر الحرقان
    كلام كليم .. انا اشهد انك كفيت ووفيت .. والله يجزاك خير .. ويعطيك الف عافية ..
    تحت امرك ياخوي بس مايمنع انك تروح للموظف الخاص بهذا الشي في معهدكم ويعطيك معلومات اخرى واضافية يمكن حصل تحديث في والا تغير شي خلال ال3 اشهر الماضية
    تصدق اننا يوم ارسلنا اوراقنا طلع العنوان المرسل خطأ لأن USCIS صاروا ناقلين من مبناهم الي مبنى اخر وبغت تضيع اوراقنا بس الله لطف لله الحمد
    7 "
  6. المشاركة الأصلية كتبت بواسطة al-wed
    ينفع تغير التأشيرة بالسعودية؟ اقصد انا برجع السعودية وبغير الفيزا لزوجتي ينفع من السعودية ولا لازم من هنا بامريكا؟
    الا والله ازين انك تغيرها من السعودية لأنها بتكون صالحة لمدة 5 سنين بدون اي قيود
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.