بخصوص المستشفيات

ماتشوف شر ان شاء لله وماعندي والله علم يجونك الاعضاء ويفيدونك ان شاء لله
بالتوفيق

الله يجعلها طهور ان شاء الله
و العملية بـ حول الله سهلة وما فيها شيء يخوف
والالم اكيد حاضر بس الله يجعله زيادة في الاجر يا رب
بس انت شكلك اول مرة تسوي عملية عشان كذا شوي قلقان

قدامك العافية اخوي

جزاكم الله خير
انا سويت عمليه قبل بس هنا في امريكا لا وهذا تقريبا اللي مقلقني
الله يكتب اللي فيه الخير ودعواتكم

اذا كان حجم الحصوة صغير , ممكن تطلع من نفسها بدون اي عملية. العملية يجب ان تكون اخر خيار, اذا فشلت جميع الخيارات الأخرى. والحالات التي تجرى فيه العملية, على حد علمي:

- اذا الحصوة ظلت لفترة طويلة وماطلعت من نفسها ومسببة الم شديد للمريض
- اذا كان حجمها كبير وتقدير الطبيب انها ماراح تطلع من نفسها ومسببه انسداد لمجرى البول
- الترسبات تزداد, اي بمعنى ان حجم الحصوى/الحصوات يكبر
- الحصوة مسببة تلف لأنسجة الكلية او الحالب ومسببة نزيف

هل العملية السابقة الي سويتها ايضاً لحصوات؟ هل عملوا لك اشعة مقطعية وحدد حجم الحصوه؟ اذا نعم, كم حجمها.

ماتشوف شر ان شاء

لا العمليات اللي قبل مو حصوه
بخصوص الاشعه المقطعيه ايه سوولي بس ماقالو لي كم حجمها
الدكتور قالي فيه اشعه مانصح انك تسويها لانها تسبب امراض في عمرك
عشان كذا ماخترت الاشعه اخترت العلاج وقالي اذا ماطلع شي معناتها عمليه
لان التحاليل سليمه ير البول (وانتم بكرامه ) قالي فيه دم مدري من وين جا هالدم
وبس هذا اللي صاار الله يعديها على خير

ما ادري ايش نوع الأشعة الأخرى الي يقصدها الدكتور لأن الأجراء الروتيني هو المقطعية بدون اي مواد ظليلة.
كم لها الحصوه؟ وكيف الألم؟

وترى غالباً تطلع الحصوه بدون ماينتبه المريض لها خصوصاً اذا كان حجمها صغير جداً.

والله وانا اخوك مدري كم لها
كان يجيني الم قبل وكنت اقول مجرد شي بسيط وخليته الحين شب علي مرره يوم رحت قالو حصوه
وبخصوص الاشعه اللي قالها الدكتور مدري وش اسمها
بس المقطعيه سووها لي

اقصد اخوي كم له الألم عندك؟ او من متى اشتد عليك الألم ورحت يمهم؟
لأن ممكن تكون اصلاً الحصوه طلعت بدون ماتتنتبه. هل الألم بعده؟ يعني يجي ويروح والا لا؟

امس الصبح جاني الالم وصار يجي ويروح
لين الظهر ماعاد قدرت امسك نفسي ورحت المستشفى
وحاليا الالم مافي بس اول ماقمت اليوم جاني شوي وراح