الأعضاء الإشتراك و التسجيل

الملتقيات
ADs

حوار ابتعاث أم توظيف؟

حوار ابتعاث أم توظيف؟


NOTICE

تنبيه: هذا الموضوع قديم. تم طرحه قبل 2010 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة فلاديمير
    اولا انا مدير فرع شركة سيارات وعمري 27 وشويات واستقلت والشركة ( ايجار منتهي بالتمليك ) يعني ناخذ معاملة العميل ونعمل لها دراسة ائتمانية ونشيك ونعمل عقود وو الخ

    ثاني انا معي ثانوي ولو كان معي جامعه داومت في الادارة بدل ما صرت في شبكة الفروع اللي تعتبر في وجه الناس وتكون اقل درجة من الادارة

    انا بالنسبة لي أثر علي المؤهل بشكل كبير جدا وفيه ناس صغيرة في ادارات الشركات والبنوك يدخلون مواقع حساسة وياخذون درجات وظيفية كويسة تعادل في شبكة الفروع مدير

    يعني مثلا سوبر فايزر في ادارة المخاطر الائتمانية او في الشؤون القانونية يعني لو يتصل على مدير فرع المدير بيختبص فهمت قصدي

    يا عزيزي المؤهل يؤهلك لدخول عالم آخر وطبقات وظيفية أعلى

    اما الوظائف الحكومية انا بالنسبة لي ما اهتم لها نهائي لأني اتخيل الوظائف الحكومية عباره عن موكيت مقطع ومكيف صحراوي وقدم معروض وجيب ملف اخضر الا يمكن القطاع الصحي

    والقطاع الصحي نادر من يفكر في المنصب لأنه قطاع مريح ودخله جيد جدا واعتماده الاساسي على المؤهل وكل واحد يشتغل بتخصصه يعني النطاق يكون فيه اضيق شوي وادق
    رأيك في القطاع الحكومي قااااااااااصر

    انت معك ثانوي
    الرجال معه بكالوريوس

    المسافه كبيرة بين الثانوي والجامعه
    بس بين البكالريوس والماستر لا

    يعني أكيد بتفرق معك في الراتب والمكانة الاجتماعية والوظيفية
    لأن من الثانوي للجامعه نقلة نوعية

    الرجال جامعي يعني وضعه يختلف عنك
    أنا جامعي مثله
    وشفت اللي معهم ماستر ما خذوا شي أحسن من البكالوريوس اللي عنده خبرة
    غيره انه ما شاء الله بيبدء راتبه تسعة آلاف
    انت كم راتبك لما بديت ( يالثانوي )
    7 "
  2. انت استخير بالله اولاِ وآخراً ..

    ثاني شيء انا انصحك بالبعثه .. آولاً تاخذ لغه تساعدك باشياء كثيييره جداً وتذكر ان اكثر الوظايف يكتبون " يجيد اللغه الانجليزية بطلاقه "

    ثالث شيء راتب وظيفتك حلو .. لكنه قريب من مصروف البعثه .. اتوقع طلاب استراليا يستلمون ٨٠٠٠-٧٠٠٠ شهرياً يعني فرق الف - الفين فقط ..

    وان كانت معك زوجتك زاد + اذا كنت ذكي وتعرف توفر بتوفر شيء كبير يساعدك في مستقبلك ..

    يعني الخلاصه ان البعثه راح تعطيك خيارات اكثر وافضل منها : تعلم لغه هامه جداَ بتساعدك في حياتك - تكون ذكريات ومواقف حلوه - تتعلم وتكون مثقف اكثر مما انت عليه - مصروف قريب من الراتب المعروض عليك

    يعني لو اخذت البعثه كان راتبك يجيك وانت تدرس ^^

    آتمنى اني ساعدتك ولو بـ قليل ..

    بالتوفيق اخوي ..
    7 "
  3. اخي Translator X
    كل الشكر لك على اهتمامك ودخول الموضوع وتقديم النصيحة لي

    ممكن اوافقك بكلامك في حالة كان تخصصي هندسي او حاسب آلي لأني بهالحلة الشهادة مارح تفيدني أكثر من الخبرة ورح تصعب على اني اتوظف فيها ويكون سبب الرفض مؤهل زائد او overqualified.. لكن انا تخصصي القانون ووظائف القانون تدرج ومستحيل اترقى الا اذا كان عندي خبرة فوق الـ 5 سنين

    أنا اطلعت على اغلب العروض الوظيفية المقدمة لخريجي القانون سواء من القطاع الحكومي او الخاص لاحظ معاي :

    مطلوب باحث قاوني : بكالوريوس قانون + خبرة سنتين على الاقل أو ماجستير
    مطلوب باحث قانوني "مساعد" : خريج قانون حديث
    مطلوب مستشار قانوني : بكالوريوس قانون وخبرة "10" سنين --أو-- ماجستير +خبرة 5 سنين

    اغلب الوظائف القانونية كان كذا عروضها سواء كانت حكومية أو خاصة
    الماجستير رح يختصرلي 5 سنين خبرة بالاظافة أن ترقيتي رح تكون اسرع

    وانا استشرت دكاترة جامعة ومستشارين في الموارد البشرية ومحامين كبار وحثوني على اكمال الدراسة وعدم تفويت فرصة الابتعاث لما فيها من فوائد بالاظافة الى تقوية اللغة وخاصة القانونية
    والقانون ميزته اني لا سمح الله مالقيت وظايف اقدر اشتغل بمكتب محاماه لمدة سنة وبعد كذا احصل على رخصة المحاماة وافتحلي مكتب او اني اعمل بنفس المكتب او اتشارك مع اصحابي بمكتب يعني الحلول موجوده ولله الحمد

    اشكركم جميعا على اهتمامكم واتمنى انه مايصير خلاف بينكم ياشباب فكل شخص عنده تجربه
    واذا على الثانوي صاحبي والله العظيم يشتغل بشركة سابك معاه ثانوية واشتغل في وظيفة مشغل براتب 10الاف .. وهالوظيفة يتوظف فيها خريجين كلية الجبيل .. لكنه توظف فيها سبحان الله ومع هذا استقال بعد 3 سنين وسافر يكمل تعليمه عشان يقدر يحصل وظيفة افضل

    فالارزاق بيد الله .. علينا الاهم أن نؤمن بقدراتنا ونعزز الثقة في نفسنا ونقوي نقاط الضعف اللي فينا ولا يتوقف طموحنا عند وظيفة

    قصة اخرى : خالي مدير اقليمي في احد الشركات الكبرى قالي ان لهم اكثر من 3 شهور يحاولون يوظفون شخص وهو رافض يقول غير "50 ألف مارح اقبل " هالرجل عنده خبرات + شهادة عليا ودورات ولغة فرنسية وانجليزية

    الخلاصة لازم نخلي الوظيفة هي اللي تركض ورانا مو احنا اللي نركض وراها ولا نخلي الظروف المادية تقتل طموحنا

    اشكركم جميعا من كل قلبي وعسى الله يوفقنا جميعا
    7 "
  4. على فكرة اخواني الراتب 9 الاف المعروض علي هذا والله بعد مفاوضات كانوا عارضين علي اساسي 4 الاف وبدل سكن ونقل يعني يوصل 5800 .. لكن انا قلتلهم مستحيل اقبل بهالراتب انا عندي بعثة جاهزه ومابي اضحي فيها عشان هالراتب .. فقالي خلاص ماعندنا الا هالعرض ..بعد يومين كلموني قالي بنقدملك عرض جديد اساسي 7 الاف وبدل سكن ونقل ويوصل الراتب كامل 9الاف

    - - - مشاركة محدثة - - -

    ههههههههههه هو يقصد انك تاخذ 7 الاف لكن في النهاية بتاخذ الماجستير
    7 "
  5. طيب يا اخ نواف طالما مقتنع ان الماستر افضل لك ليش محتار وتسال
    بنظري القرارات المصيرية اللي زي كذا تسال ربك قبل كل شي والمقربين منك احنا ما نعرف وضعك ولا ايش هدفك
    بس بقولك ان سنويا يرجع للبلد اكثر من خمس الاف مبتعث ثلاث ارباعهم خريجين دراسات عليا برايك العدد هذا راح يلاقي الوظيفة اول ما يرجع؟


    .
    .
    .
    بالتوفيق
    7 "
  6. المشاركة الأصلية كتبت بواسطة Translator X
    الله يوفقك أخوي

    بس تعليق أخير :
    اللي يقول راتبك زي البعثة مدري وش يحس فيه
    مقارنة مدري وش تبي
    سبعة الاف وانت مبتعث غير سبعة الاف وانت بديرتك
    صادق 7 الاف وانت بديرتك تصف سرى عند الفوال وتتضارب وانت تسوق في الشارع وتتناشب مع الهيئة ودرجة الحرارة خمسين اصرف ..
    7 "
  7. المشاركة الأصلية كتبت بواسطة محاسبة المستقبل
    طيب يا اخ نواف طالما مقتنع ان الماستر افضل لك ليش محتار وتسال
    بنظري القرارات المصيرية اللي زي كذا تسال ربك قبل كل شي والمقربين منك احنا ما نعرف وضعك ولا ايش هدفك
    بس بقولك ان سنويا يرجع للبلد اكثر من خمس الاف مبتعث ثلاث ارباعهم خريجين دراسات عليا برايك العدد هذا راح يلاقي الوظيفة اول ما يرجع؟


    .
    .
    .
    بالتوفيق
    طيب يعني هالـ 5 الاف كلهم قانون وكلهم بالمدينة اللي انا فيها ؟
    خيتي اذا على مبدأك هذا بلاش تدرسين ارجعي ديرتك وتزوجي واقعدي ببيتك
    7 "
  8. المشاركة الأصلية كتبت بواسطة نواف بن خالد
    طيب يعني هالـ 5 الاف كلهم قانون وكلهم بالمدينة اللي انا فيها ؟
    خيتي اذا على مبدأك هذا بلاش تدرسين ارجعي ديرتك وتزوجي واقعدي ببيتك
    السلام عليكم
    انا ما قلت ان كلهم قانون بس انت واضح جدا انك تبغى الدراسة او انك مو عارف ايش هدفك وتبغى الناس تختار لك
    بالنسبة اني ارجع لديرتي يا ليت تقرا النك نيم تبعي مضبوط لاني واضعه اهدافي المستقبلية بنفسي ومن وقت ما كنت طالبة وما تركت احد يختار لي
    وحققت ولله الحمد الكثير منها لاني واضحه مع نفسي ومع اهدافي وما اتردد ابدا
    متوظفة والحمدالله ومبتعثة ماستر ودكتوراة وهاذي من بعض اهدافي وباقي الكثير ...

    بالنسبة لوضعك مقصدي انك تاخذ الوظيفة وتكتسب خبرة لان الخبرة تساعدك مستقبلا في انك تلاقي وظيفة افضل او حتي انك تكمل دراستك .....
    .
    .
    \.
    تقبل مروري
    7 "
3 من 6 صفحة 3 من 6 ... 234 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.