اقسم بالله رايكم يهمني

اولاً : ادري ان الموضوع صعب وووو ...الخ

بختصار انا بيجيني طفله في الطريق ان ش الله طبعاً اذا قدرت اخلاص اجرءاته قبل موعد سفري انا وامه ما فيه مشكلة ناخذها معنا بس لو ما قدرنا ممكن نخليه هنا عند امي طبعا امي تبي هالشي وبنجيب لها شغاله خاصه عشان ما اتعب امي بصراحه انا قلبي بيتقطع وجالس اكابر والشي الثاني انا علقت حياتي بهذي البعثة والله ضحيت انا وزجتي بحياتنا عشان هالبعثة وخلوها على ربكم ،،، وزوجتي تقول ما فيه مشكله بس والله ادري باللي بقلبها كله عشاني .. واموري انا وهي جهاز الشنط والتذاكر والله كلها جاهزه ابي رايكم ؟

ويهمني راي الامهات لانهم هم اللي يحسون اكثر
والاباء ويهمني راي كل من قرأ هالموضوع ...
هل بنقدر او نتحمل وهل سوف يؤثر على دراستنا ونفسيتنا ؟ ابي راي كل شخص من جميع النواحي علما انه اقرب فرصه بنرجع ناخذها ان ش الله ...
وربي يسر امورنا والله نحن في حاجة الله دايم والله لا يحتاجنا ابداً ... فليرعانا الله وليكن معنا دايم ..
آآآمين*

يا اخوي اول شيء يفترض انك تسويه انه تتواصل مع السفارة بـ هالخصوص والمفروض انك بلغتهم بـ هالموضوع
وقت المقابلة عشان يخرجوا لك فيزا لـ البيبي وان ما كان انولد لانه مو ضروري تواجده معاكم دامه اقل من 12 سنة
وشوف ايش الاجراءات المتبعة

ثاني شيء قدم على فيزا من ذحين عشان متى ما صدرت تقدر تاخذ لك تذكرة ولو في الويك اند وتنزل تجيب بنتك الله يحفظها
وترجع بدون ما تفوت على نفسك كلاسات

بـ خصوص هل بـ يأثر على النفسية او لأ انا اقول شوف زوجتك ,, اذا كانت قوية شخصية فـ رح تتحمل وتتصبر هـ الفترة
واذا كنت تحس انها عاطفية اكثر وحساسة شوي فـ تراها ممكن تنهار بـ اي لحظة لانها بنتها اللي بتفارقها وايش ما كان قلب الام ما يريحها
واحد اطفالها بعيد عنها
وشوف انت بـ نفسك كيف والدتك ممكن تكون متأثرة بـ سفرتك وانت رجال وابو عيال فـ مابالك بـ طفله !!!


اذا كنت انت مبتعث اساسي ممكن زوجتك تتاخر في السعودية وتجي هي والبنت سوى بس اذا كنت مرافق لازم تعرف انه انت لازم تراعي
زوجتك ونفسيتها في اول فترة لـ أبعد حد ,,

استخير بـ الاول و الاخير
والله يكتب لك الخير وين ما كان ويرضيك فيه

حاول قدر الامكان ماتطول عند امك خلص اوراق البيبي على طول خصوصا انه لسه صغير او اطلع قبل الولاده او خليها تولد وانت الله يحفظك تروح تجهز كل شي وترجع تاخذهم سوا كذا اريح

ليش ماتسافر بدري لمقر البعثه عشان ان شاءالله تولد زوجتك هناك بامريكا.