ممكن خدمه تكفون لن انساها لكم
السلام عليكم ورحمة الله وبركاته
انا عندي موعد في السفاره الامريكيه من شان التأشيره يوم السبت القادم
علماً انني محرم لزوجتي المبتعلثه ابي اعرف وش يسألوني بالضبط عن ايش
علماً انني موضف في وزارة الصحه وبكمل دراستي هناك املك شهاده جامعيه متوسطه دبلوم عالي قسم اسنان (مساعد طبيب اسنان)
ابي اعرف وش اقوله
انا ابي اكمل بكالرويس وبعدها اخذ الماستر على نفس قسمي
افيدوني تكفون
رد: ممكن خدمه تكفون لن انساها لكم
بيسألوك وين رايح و ليش رايح
و وش كنت تشتغل و وش تبغى تدرس
بيسألوك وين رحت من بلدان اخر 5 سنوات لك
هذا كل اللي سألوني اياه. طبعا المقابلة كانت عادية و ما استمرت اكثر من دقيقة و نص
و للمعلومية اللي سويتها انا كانت فقنصلية الظهران مو بالرياض
رد: ممكن خدمه تكفون لن انساها لكم
رد: ممكن خدمه تكفون لن انساها لكم
نفس ما قال اخوي تويستد وانا سويتها بالرياض وسهله جدا
طبعا اذا قلت دراسه لازم يكون معك ورقة القبول الي من الجامعه وبس
الامر بسيط والله يوفقك
رد: ممكن خدمه تكفون لن انساها لكم
يسئلونك اسئله روتينيه وين سافرت اخر 5 سنين و ويسألونك ليش رايح امريكا ؟ (دراسه)
ليش مقدم على فيزا 5 سنين ؟ ( بدرس لغه انجليزيه سنه و بعدها بكمل دراستي في الجامعة بكالوريوس او ماجستير او دكتوراه)
اذا صارلك فتره من تخرجت بيسئلونك ايش كنت تسوي في الفترة مابين التخرج الى الحين؟ (كنت اشتغل مساعد طبيب أسنان)
يمكن يسألونك هل تخطط انك ماترجع السعوديه او تستقر في امريكا عاد انت جاوبهم انا رايح امريكا للدراسه فقط لا تقول إيه او لا
وعلى فكره ودي معاك كل شي قبول الجامعة و المعهد و الأيتوني و نموذج DS-150 (الظاهر كذا اسمه) و وصل انك دفعت فلوس sevis و وصل يثبت انك دفعت فلوس الفيزا و الجواز والأحوال وخلي معك نسخه و اصل اي شي يطلبه عطه النسخة الا اذا قال لك جيب الاصل معك فلوس كاش 200 ريال يمكن يأخذون منك فلوس غير فلوس فيديكس (فيديكس هم اللي يرسلون لك الجواز)
رد: ممكن خدمه تكفون لن انساها لكم
لو بكمل اكيد بكمل بكالريوس اسنان وماستر بعد
بس هل دراستهم للطب عاديه تكمل بحكم طبيعة عملي صحيه مساعد طبيب اسنان
رد: ممكن خدمه تكفون لن انساها لكم
اقتباس:
المشاركة الأصلية كتبت بواسطة Twisted
بيسألوك وين رايح و ليش رايح
و وش كنت تشتغل و وش تبغى تدرس
بيسألوك وين رحت من بلدان اخر 5 سنوات لك
هذا كل اللي سألوني اياه. طبعا المقابلة كانت عادية و ما استمرت اكثر من دقيقة و نص
و للمعلومية اللي سويتها انا كانت فقنصلية الظهران مو بالرياض
كلام سليم جــــــــــــــــــــــــــــدا