برايك كم هي نسبة الاستفادة من معهد اللغة !!!

لتتعلم اللغة طبق الكلمتين التاليتين في حياتك اليومية الي ان تتمكن وهي

الاحتكاك اللغوي اليومي مع الاخرين اجانب بتاع كفتيريا حارس امن ارطن الي ان تتعلم (اعمل نفسك اهبل وساذج الي ان تحصل علي مبتغاك منهم )
وان لاتكون حياوي (وان اخطأت 100مرة مسيرك تتعلم وتعلم الاخرين)

شكرآ للكل , فيه نصابح واراء اخرى ؟

رح يأثر كثير واقول لك ليش
صحيح انه في الكتابة رح يطلبوا منك الطباعة على الكمبيوتر والوورد يصحح لك
لكن عندك شغلتين
الاولى لو ما عرفت الكلمة صح او هجئتها بـ طريقة خاطئة ممكن الكمبيوتر ما يعطيك الكلمة اللي تبغاها بس يبين لك انه الكلمة
غلط واعطيك مثال صار معاي شخصيا انا حاولت اكتب كلمة فيونسي بـ الانجليش وكل الاحرف صحيحة اللهم اني ما كتبتها بـ الـ اف كتبتها
بـ البي اتش والكمبيوتر ما اعطاني اي كلمات مقاربة !!!
الثانية لما يطلب منك انك تجاوب على الاختبار عادة يكون فيه اختبارات موضوعية او مقالية او تدمج ما بين النوعين
في حل الاختبارات قليل ما يستخدموا الكمبيوتر والاجابات تكون في نفس نماذج الاسئلة وقتها من فين لك وورد يصحح لك !!

هذي على المدى القريب
اما المدى البعيد فـ عشان تلتحق بـ اي شركة يطلبوا منك اختبار اللغة الخاص بـ الشركة وقتها كيف رح تكتب !!!
ما عندك كمبيوتر وبـ خط ايدك
طيب بلاش من هذا كله لو اضطريت انك تكتب لـ اي احد اي شيء بـ اللغة الانجليزية هل رح تقول له انتظر اتيبه على الوورد !!!

الاعتماد على الكمبيوتر في الكتابة ينتج شخص امي في الكتابة
والامريكان يعملوا مسابقات وطنية لـ التهجئة لانه بـ اعتقادهم انه التهجئة جدا صعبة ويلوموا مايكروسوفت على جعلها اصعب لاعتماد
الناس على برنامج التصحيح التلقائي في الوورد


ثم انها مهارة اتقانك لها يجعل لك ميزة وافضلية وما يخسرك شيء
اما عدم اتقانها ممكن يفوت عليك فرص كثيرة انت جدير فيها


في النهاية هي مسألة تقدير شخصي
بـ النسبة لي لو ما اتقنت الكتابة بـ الانجليزي والقراءة بـ نفس طلاقتي فيها في العربية ما كأني سويت شيء
لانه التحدث عندي جيد من قبل ما اطلع اميركا وهي وجهة نظر لا يمكن اني اتنازل عنها

من وجهت نضري المعد مهم بنسبه ٩٩،٩٩٪

انا من تركت الدراسه (اجازه) ما فتحت شي ابدا( وقف مستواي) بالمعد كان يتطور بشكل ملحووظ...

جزاكم الله خير , هل من اراء اخرى !؟

مافيه شك ان الطالب لازم يعتمد على نفسه ويطور نفسه سواء بالاستماع او المشاهدة او بالأحتكاك مع الامريكيين او بالقراءة

لكن المعهد مهم ومهم جدا والله اني كنت معارض هالشى لكن بمجرد ماوصلت مستوى متوسط حسيت انك ظلمت نفسي اني مادرست في معهد محترم

على سبيل المثال معهدي الحالي معترف به ومافيه طلاب سعوديين وعدد الطلاب في الكلاس قليلين بمتوسط 5 طلاب لكن معهد بأمانة ينفع للمبتدئين فقط لأن الكتب اللي ندرسها بدائية لاتزيد عن كتبنا اللي في الثانوي والمتوسط في السعودية اضف الى ذلك انه ما يهتم بالرايتنق ولا بالمواضيع الأكاديمية

اي طالب يجينا مستوى متقدم يجلس شهر ويطلع منه لأن المعهد اقل من مستواه

هالشهر بيأذن الله بطلع منه

المعهد يعطيك نسبة %25 إلى % 35 وعلى حسب قوة المعهد
الشارع تاخذ منه %15 الباقي اعتمد على نفسك
هذه تجربتي. وكل واحد له تجربة.

على حسب كل شخص وعلى حسب المعهد وعلى حسب البيئة .. ما تقدر تحكم بدقه كم يعطيك المعهد .. ولكنه اساسي لابسط سبب .. يجبرك تسمع انجليزي وتنخلط باللي حولك .. وبعدين الباقي يعتمد عليك هل تستمع بشكل قوي ولا لا .. هل تقرا قبل ما تجي الكلاس ويصير تقدر تربط بين اللي قريته وهو يتكلم عنه ولا لا ... هل تقراها قراءه كامله ويصير عندك اسئلة وتسال وتسفسر ولا لا ... هل تحل الواجبات بنفسك او بمساعدات معقوله ام تنقلها ... هل لما ترجع البيت تكمل قراءة وشغل ام لا .. هل تمارس ما تعلمت ام لا؟
في عوامل كثيرة جدا تفرق بين شخص وشخص ومعهد ومعهد ... اهم نقطة انك ما تعتمد على شي واحد .. يعني ركز مع المعهد وشوف كتبهم وحل واجباتك وايضا شوف شي خارجي يجذبك .. قراءة قصص او كتاب يهمك سواء كان عن تخصصك او هوايه... قراءة اخبار ومو لازم اخبار سياسية في اخبار رياضية اخبار عن التكنولوجيا وايضا عن الجامعات .. يعني في طرق كثيرة للتعلم

اعرف شخصين من نفس المعهد .. ثنينهم معتمدين على المعهد بس .. واحد جاب درجة كويسه بالايلتس وبيدخل جامعه بداية الترم .. وواحد رسب وقعد يعاني مع اللغة ... وهذا هم نفس المعهد

من الملاحظ ان الكثير من الطلاب السعوديين للاسف يقولون ان المعهد ما يفيد رغم انهم لا يلتزمون بالدوام و اداء الواجبات. انا ارى ان التزمت بالدوام بالمعهد و اداء الواجبات كاملة فان هذا سيساعدك بشكل كبير في تحسين لغتك، لكن يبقى عليك الاستعداد للتوفل لان الكثير من المعاهد لا تركز على الاستعداد له بل تركز على اللغة بشكل عام.

نسة الاستفادة ماهي 20% ولا هي 30%
كل المعاهد مختلفة فيها الجيدة والسيئة

من وجهة نظري ,,,

نسبة الإستفـ ـــ ـــ ـــأدة

(( علاقة طردية ))

كل ماكان المعهد أفضل ..
.. كل ما كان نسبة الأستفادة أكبر


وسلامتكم ..