نصائح مجربه من اهل الخبرة في بلد الابتعاث..

بسم الله الرحمن الرحيم
بدون مقدمات اخواني اخواتي نحن اخوانكم الذين باقي لم ناتي الى امريكا نبي نصايحكم لنا من اول لحظة ومواقف سببت لكم مشكل ونصائح عامة في المطار في السكن في التعامل في المعهد في الجامعة في السوق في السيارات في الغذاء في الاثاث في الايجارات في التعاملات المالية في الاقتصادفي كل شي اي انسان حاب يقدم لنا نصائح وتذكرو انه في يوم من الايام كنتم مثلنا فلا تبخلون علينا بشيء
وجزاكم الله عنا خير الجزاء
اخوانكم و اخواتكم في طريقهم للابتعاث

السلام عليكم
اخوي انا اكتب لك الان من مدينة اوستن بولاية تكساس / امريكا
الامور سهله وميسره وكل الكلام الي يخوفونك منه للحرص فقط
يعني / امريكا ليست بع بع كل شي متوفر
واولها اللغه العربيه واذا ما لقيت لغة الاشاره
انا انزلت مطار واشنطن وما اعرف انقلش
وكل موظف يقابلك يتعاون معاك
وخرجت من مطار واشنطن لاوستن
وما واجهت اي مشاكل
استقبلني واحد من هذا المنتدى / تعرفت عليه هنا
واوصلني للموتيل وكل شي على ما يرام
فتحت اللاب توب وفتحت ملف من الفندق بعد ما سوا لي اسكان لبعض الاوراق
بعدها بيوم ذهبت ابحث عن سكن والحمد لله
..
والحياه مستمره
واقصد في كلامي هذا ان الموضوع سهل
انت بتروح لدولة الاولى في العالم حتى لدراجات حاطين طرقات
واشاراات مسارات وحتى للمعاقين مسارات
يعني الاعمى لو يجي امريكا بيخارج وتمشي اموره
انا كنت خايف اكثر منك
بنصحك نصايح يمكن غيري يقدر يضيف لك.
اول شي حاول تسكن قريب من المعهد عشان تخلص اوراقك
وانا ما اعرف ولايتك ولكن لان المعهد اكيد بيكون قريب منه مكتبه
بتحتاج تعمل اسكان لبعض الاورق
ثانيا عشان التكسي واجرته ومن هالامور
ثالثاً بالنسبه للسكن . لا تستعجل وشوف اكثر من غرفه
الي تحسها تتناسب مع نفسيتك استاجرها حتى ولو طولت في الفندق
اسبوع او اكثر
بالنسبه للاثاث انا واجهت سمسار هنا ... سعودي...
يستغل الطلبه السعوديين ويبيع اثاث مستعمل ومعدوم
بمفس سعر الجديد ويوهمهم انه في لسوق غالي جداً
احذر ولا تستعجل في الاثاث لين تفهم السوق من حولك
بالنسبه لجوازك لا تعطيه اي احد الا ثقه
وبالنسبه للفلوس
احذر تلعب فيها خلي صرفيتك بعقل
ولا تشيل هم الامور الباقيه
الوضع اسهل مما تتخيل
وانااكرر عليك
لانهم خوفوني وحسيت اني رايح الربع الخالي
للامانه لما تعيش اسبوع اسبوعين
راح تعرف انك في البلد الاول حضاريً
واذا احتجت رقمي لاي سبب انا او استشاره
انا تحت امرك

تحياتي

‏‏​‏​‏​‏​‏​‏​‏​هناك زوجين ذات يوم سافرا معاً*
في رحلة بحرية*
أمضت السفينة عدة أيام في البحر*
وبعدها ثارت.
عاصفة كادت*
أن تودي بالسفينة،*
فالرياح مضادة والأمواج هائجة ..*
امتلأت السفينة بالمياه*
وانتشر الذعر والخوف بين.
كل الركاب حتى قائد السفينة*
لم يخفي على الركاب*
أنهم في خطر وأن فرصة.*
النجاة تحتاج إلى*
معجزة من الله،*

لم تتمالك الزوجة أعصابها*
فأخذت تصرخ لا تعلم ماذا تصنع ..*
ذهبت مسرعه نحو زوجها*
لعلها تجد حل للنجاة من هذا الموت*
وقد كان جميع الركاب في حالة من الهياج*
ولكنها فوجئت بالزوج*
كعادته جالساً هادئاً،*
فازدادت غضباً و اتّهمتهُ بالبرود واللامبالاه*
نظر إليها الزوج وبوجه عابس وعين غاضبة.*
واستل خنجره*
ووضعه على صدرها*
وقال لها بكل جدية وبصوت حاد:*
ألا تخافين من الخنجر؟*
نظرت إليه وقالت: لا*
فقال لها: لماذا ؟*

فقالت: لأنه ممسوك في يد من أثق به واحبه ؟*
فابتسم وقال لها: هكذا أنا، فهذه الأمواج الهائجة
ممسوكة بيد من أثق به وأحبه*
فلماذا الخوف إن كان هو المسيطر*
على كل الأمور ؟

 ☇ وقفه  ≈ ↓*

فإذا أتعبتك أمواج الحياة .. 
وعصفت بك الرياح وصار كل شيء ضدك ..*
لا تخف ! فالله يحبك <3~*
وهو الذي لديه القدرة على كل ريح عاصفة ...*
لا تخف !*
إن كنت تحبه فثق به تماماً واترك أمورك له*
فهو يحبك <3*
• قال تعالى :*
┃ ومن يتوكل على الله فهو حسبه ،، * * * * * * *


*

الله يجيبكم بالسلامه وويسر اموركم يارب ...
النصائح كثيره وانا اخوك ومن يوم تقرر السفر لحتى توصل وبعد الوصول لحتى تتخرج وترجع ... كل هذي الفتره راح تحتاج فيها الى نصائح مختلفه ..

مبدئيا .. انا راح اوفر لك كم نصيحه في وضعك الحالي لانك حتى الان ماوصلت لامريكا ..

اول شي تسويه توكل على الله وادع الله انه ييسر لك امورك ويجعل هالشهاده مصدر خير لكم ..

بالنسبه للمطارات .. فعادي اجرائاتها عاديه يعني ماعتقد راح تحتاج نصيحه غير انك تتقيد بالانظمة وامورك تكون بالسليم باذن الله ..
لكن فيه شغله حاب اذكرها .. المطارات الدولية الخارجيه كبيره مره .. فإذا حسيت انك ضعت لاتدور بوابتك بنفسك ... رح على طول لاحد السيكوريتي أو لموظفين الطيران اللي يكونون عند بوابات الطيارات ..
وعطهم البوردنج حقك وهم يعلمونك وين تروح بالضبط ... حتى لو كانت رحلتك قريبه راح يكلمون البوابه الخاصه فيك ويخبرونهم أنك راح تجي فينتظرونك لحتى تجي تركب الطياره ... "جدا متعاونين ترا"..

حاول دائما يكون معاك كاش لايقل عن الف دولار .. وهذا راح يساعدك في الرحله .. خصوصا بالمطاعم والمحلات ... وهذا افضل ...

حاول تخفف من الشناط بقدر المستطاع .. يعني لاتروح انت واهلك وتشيلون شناط تحتوي البيت ومافيه ! لا ..
اخذوا شنطه فيها اغراضكم الخاصه اللي تكفيكم مثلا لمدة اسبوع .. وهذا راح يخليكم اخف واسرع بالروحه والجيه بالمطارات .. وبنفس الوقت اجرائاتكم تكون سريعه ..
واذا وصلتوا امريكا باذن الله وسكنتوا ... تقدرون تروحون السوق وتتقضون لكم اللي تحتاجونه .. وهذا افضل طريقه افضلها بهالخصوص ..


دائما .. تأكد من بوابة الرحله من شاشات المطار .. ولا تأخذ بوابة الرحله المكتوبه على البوردنج ...
فأحيانا يتم تغيير بوابة الرحله الى بوابه اخرى ويتم اعلانها بشاشات الوصول والمغادره ...
فكل ماتوصل مطار .. على طول شوف الشاشات وتأكد من رحلتك التاليه في اي بوابه ..

في المطارات .. راح تلاقون اشياء ممكن تعجبكم .. حاولوا ماتشترون شي من المطارات غير الاكل والشرب ... لان سعرها راح يكون مضاعف !! وراح تلاقونها لما توصلون ان شاء الله بالسلامه بسعر زهيد جدا .!

الجوالات ... اذا كان جوالك غير دولي .. افتحه وخله دولي .. وطفه وخله معك ... واذا وصلت امريكا بالسلامه ان شاء الله .. شغله واختر الشبكه T-Mobile ..
وكلم فيه ... راح تكلف المكالمات .. لكن لابد منه حتى تطمن الاهل انكم وصلتوا بالسلامه .. وايضا للمكالمات الطوارئ ..
واذا وصلتوا واستقريتوا بالسكن .. روح وطلع لكم جوالات لك وللمدام وخذ الخطه العائلية .. حتى توفرون ...


بعد ماتوصلون امريكا باذن الله ..

اذا ماحجزت الشقه سابقا ...
بإمكانك أن تاخذ موتيل كم يوم تريح فيه وتخلص امور شقتك ...

حاول تعرف اي سعودي ساكن بنفس المنطقه اللي انت بتسكن فيها او بنفس الجامعه او المعهد .. يكون هناك يساعدك في تخليص امورك ..
لانه بيكون عارف المنطقه والشقق وما الى ذلك .. وهذا راح يساعدك في تقليص الوقت عليكم وايجاد افضل العروض ..

اذا كانت المنطقه غاليه .. او الضرائب مرتفعه ... ابحث عن ولايه رخيصه .. وابتعد عن الولايات السياحيه ...


حاليا والله هذا اللي انا جا ببالي ...
باذن الله لي عوده .. بس لازم اترك المجال للاخوان يفيدونك اكثر ...

والله يا اخوي كل الناس يصوروا امريكا على اساس انها الشيطان مصور وكلنا انصدمنا بـ العكس !!
اهم شيء وانت في المطار لا ترتبك وتجيب لـ نفسك الشبهة تراه مطار عادي زي اي مطار في الدنيا والعاملين فيه جدا متعاونين
في مطار واشنطن لما جاءت الرحلة تقلع على مدينة بورتلاند كانوا ينادوا بـ اسماء الاشخاص المتأخرين كل اللي تسويه روح لاول مكتب تصادفه
وقول لهم انها رحلتك ورح ينتظروك
خلي معاك دكشنري ناطق بـ الايام الاولى فقط عشان تيسر على نفسك الطلب بس لازم تحط في بالك انه تستغني تماما عنه اول ما توصل عشان تتمكن من اللغة

لا تخاف انك تغلط في الحكي الناس جدا متعاونين وعندهم استعداد يجلسوا يتكلموا معاك لحد ما يفهموا عليك و تفهم عليهم

ذكروا لك الاخوان مسألة الشنط والايجار

لكن بـ اذكر لك نقطة مهمة في كل امريكا ( التعامل ثم التعامل ثم التعامل ) فيه اشخاص يجلسوا يتميلحوا انه شوفونا خفيفين دم و رووشين ونجنن
هنا ما يعينهم هـ الموضوع بـ قدر ما يعنيهم الاحترام و الانضباط واللي بـ النسبة لهم تحمل نفس المعنى اذا انت محترم لازم تكون منضبط في تصرفاتك و
مواعيدك والانضباط دليل على احترامك لهم وتقديرك لـ اهميتهم

لا تثق كثير بـ الاشخاص حولك ( وان كانوا سعوديين ) هنا كل انسان مسؤل عن نفسه وسالفة العنتريات والفزعات اتركها وراك في السعودية لانها ما رح
تجيب لك الا المشاكل

اي ورقة توقع عليها هي اثبات ضدك او معك فـ العقود عندهم دقيقة والقانون ما يحمي المغفلين فـ لا توقع على اي ورقة الا وانت عارف كويس ايش فيها

الفشخرة الزايدة سواء في الصرف او اللبس دليل على انك معاك فلوس زايدة وقد تكون هدف محتمل لـ النصابين واحيانا يتعاملوا مع الشخص اللي يباشر
دايما عليهم على اساس انه غبي ,, طبعا ما فيه شيء يمنع انك تعزم احد على كوفي مرة او مرتين بس لا تخليها عادة لك

فيه اشياء كثيرة واوردتها في مواضيع لي في المرحلة السادسة و السابعة ممكن تفيدك بس لـ الامانة هذا اللي يحضرني حاليا

أسال الله انها تكون رحلة سعيدة وموفقة لك وربي لا يقدمك لـ شر ولا يأخرك له