اختكم في الله محتاجه مساعده ضروري اللله يسهل اموركم

السلام عليكم ورحمه الله
افيدوني بخبركم اثابكم الله
اخواني ابي فزعتكم انا توي متخرجه من جامعه الملك سعود حاسب الي تخصص تقنيه المعلومات وحابه اني اكمل الماجستير صحيح معدلي مو ذاك علما ابي ابتعث ع حسابي ثم احولها ع بعثه الملك

الحين انا محتاره اي جامعات افضل وخصوصا تقبل بمعدلي وكمان دلوني ع المعاهد لاني وربي ضايعه

وعندما استقر ع جامعه احتاج مساعده في القبول

في أمريكا عندك خيارات كثيرة ، المهم الشيء المناسب لرغبتك ..
حددي رغباتك في المدينة من ناحية الرخص والجو وتواجد السعوديين والعرب فيها وجميع النواحي ، وإن شاء الله نساعدك ..

مشكور اخوي
قاعده ابحث والله يوفق الجميع

شو رايكم
بمعهد ELP او
معهدELI
ايهما افضل

السلام عليكم ورحمة الله وبركاته

ماأقدر أقدم لك إلا نصيحة واحدة فقط وأتمنى إنك تعملين فيها ، لا تدخلين أمريكا إلا معك قبول مشروط سواء بإنهاء مستويات معهد اللغة أو على الأقل التوفل ( لا يزيد عن كذا مثل جي أر إي وغيره من الشروط) طبعا راح تقولين وشلون أحصل جامعة توفر قبول مشروط ، سوي اللي أقول لك عليه :

1- دورك الحين قبل تبدين باإجراءات البعثة سوي بحث عن تخصصك في جميع ولايات أمريكا عن طريق الموقع التالي

Top Colleges & Universities in the US | University Rankings by 4icu.org

إختاري الولاية وبعدين يفتح لك صفحة الجامعات ، إختاري أي جامعة وإذا فتحت لك الصفحة يطلع لك ترتيب الجامعة إنزلي لأخر الصفحة وراح يظهر لك البرامج اللي تقدمه الجامعة حسب كل درجة ( بكالوريس ، ماجستير ، دكتوراه).

2- إفتحي صفحة الجامعات الموصى بها وتأكدي من الجامعة هل معتمدة أو لا ، بالإضافة للتأكد هل القسم معتمد أو لا .

3- بعد ذلك راسلي القسم وإذكري لهم رغبتك بالدراسة عندهم وإسألي عن البرنامج بشكل عام وش يركز علي بشكل خاص ( طبعا ممكن تأخذين هالمعلومات من موقعهم ، لكن الإيميل الأول الأفضل إنك ماتذكرين أي شي عن القبول المشروط) ، في الإيميل الثاني إشرحي لهم وضعك ( إنك طالبة دولية غير متحدثة باللغة الإنجليزية وإنك تتحتاجين وقت للحصول على اللغة ) وإساليهم عن القبول المشروط ......

لا تنسونا من دعواتكم..................

الله يعطيك العافيه اخوي فيصل