مشكلة التخصصات وتغييرهاااا.. يااهل الخبرررره سااااااعدوني

عادي تقدرين تغيرين تخصصك بس بشرط ان التخصص الجديد يكون امتداد لتخصصك في البكالوريس

تقدرين تغيري تخصصك بأسلوبك مع المشرف الاقليمي وضحي الاسباب والدوافع

اي عادي.. انا المرحلة السابعة وحاطة محاسبة لكن جبت قبول من الجامعة لتخصصي البكالوريس ادب انجليزي.. وان شالله مسافرة بعد شهرين..

انتي جيبي لهم قبول جامعة للتخصص اللي تبينه وان شالله التحويل سهل اذا وصلتي بلد الابتعاث
بالتوفيق

يعطيك العافيه اخوي ابراهيم .. انا تخصصي البكالوريوس تربية خاصه وحابه اكمل ماستر فيه برضو .

مشكور اخوي .. بس منهو المشرف الاقليمي لاتواخذني اختك عليميه بهالمواضيع ؟؟؟

just me! >> لبى قللللبك انتي اول وحده تكلمني من تجربتها الخاصه ،،، واخيرن لقيت احد مثل حالتي

طيب انتي تقصدين اجيب قبول للجامعه اللي فيها التخصص اللي انا ابيه قبل ماابتعث ؟؟؟

وكيف اجيب القبول من الجامعه نفسها ؟؟؟

ياليت ولا عليك امر تقولين لي تجربتك بشكل مفصل عشان استفيد منك

^
اي والله يا just me ليت بالتفصيل الممل ,,, خصوصا اني مثلك انجلش و ناوي اكمل لغويات وبقدم ع المرحلة الثامنة

حبابي ياليت احد يفصلي بهالموضوع لان كثير من الراغبين بالابتعاث في المرحله الثامنه نفس حالتي

فاتمنى اني افيد واستفيد ... الله يوفقكم ياااااارب

هلا والله.. عذرا عالتأخير..
أنا بكالوريس أدب انجليزي وقدمت على المرحلة السابعة واخترت التخصص "تسويق " مدري محاسبة والله ماأذكر خخخخ

بالنسبة "المشرف" كل طالب مبتعث يكون له مشرف خاص هو اللي مسؤول عنه وعن مشاكله وعن سير اموره وهو اللي مسؤول عن تغيير التخصص وكذا.. فتعطينه قبول الجامعة وتشرحين له اسباب تغيير لك التخصص وكذا..

بما أن لغتي كويسة الحمدالله بدأت أبحث عن الجامعات تبعا للمدينة اللي ابي اسكن فيها وشفت وش متطلباتهم ووأهم المتطلبات درجة اختبار الايلتس بدأت أراسلهم واستفسر عن بعض الأمور اللي أحتاجها
، فاختبرت ايلتس وجبت الدرجة اللي تطلبها الجامعة وبدأت أقدم على الجامعات وأرسل لهم أوراقي المطلوبة ، وجاني قبول من جامعة وان شالله ربي ييسر لي اسافر بشهر اغسطس عشان أبدأ وهناك اذا وصلت أكلم الملحقية بخصوص التغيير واجيب لهم قبول الجامعة ويغيرونه على طول ان شالله..


انتي اذا ماعندك لغة بتروحين هناك تدرسين لغة أول فحاولي وانتي تدورين قبول معهد ، تحاولين تدورين معه جامعة بقبول مشروط .. قبول مشروط يعني "انهم يقبلونك مبدئيا لين ماتستوفين الشروط مثل اللغة وكذا" ..بعض الجامعات يعطونك قبول مشروط وبمجرد تدرسين بمعهدهم وتنتهين منه يحق لك القبول بجامعتهم وبعضهم يعطونك قبول مشروط لين ماتجيبين درجة التوفل او الايلتس المطلوبة خلال الفترة المحددة..
وأنا أنصحك تحاولين تدورين قبول مشروط من قبل لاتسافرين ، لكن لو ماقدرتي روحي لدراسة اللغة وأثناء دراسة اللغة ابداي البحث عن جامعات وشوفي متطلباتهم وكذا..

بالنسبة لـ Hirako
نفس الكلام ينطبق عليك وأتوقع بما أنك لغويات فاللغة مش بطالة ان شالله وعشان كذا ابدأ ابحث من الحين عن الجامعات وراسلهم واستفسر عن طلباتهم وكذا
وحتى لو عندك لغة أنصحك تاخذ شهرين هناك قبل تدخل الجامعة عشان تتعود على الوضع وكذا.. كانت مقررة كذا بس حصلت لي ظروف واضطريت أكنسل فكرة اللغة..
بالنسبة للانجليزي وكيل الابتعاث د.الموسى بنفسه طلب من متخرجين بكالوريس اللغة الانجليزي بملتقى الابتعاث انهم يكملون على تخصصهم لحاجة الجامعات لهالتخصص ويحولون اذا راحو بلد الابتعاث.. فيعني مضمون ان شالله هالشي.


أي أسئلة أو استفسارات أنا حاضرة بخصوص أي ششي.. لأني عانيت بحوسة الابتعاث واجرائاته بما فيه الكفاية وخاصة اني كنت مقررة على كندا -وغيرت لظروف معينة - لأمريكا .فعندي معلومات كافية بموضوع القبول والجامعات وكذا..
اذا عندكم أي سؤال بأحاول أجاوب على قد خبرتي ..

بالتوووفيق لكم