حوار تخطي صعوبه اللغه بمجال التخصص

مشكورة على الموضوع .. والموضوع ممتاز وجميل فعلا نحتاج آراء وتجارب الأخوة والأخوات ..

الدراسة الاكاديمية ماراح تفرق كثير ولاتخلي اللغة حاجز يعيقك عن الفهم او يمنعك عن المشاركة بالاسئلة او النقاشات داخل المحاضرة ,, نصيحة حاول قد ماتقدر تحضِّر للمحاضرات يعني اقرا السيلبيلز وشوف وشي المواضيع اللي راح تاخذونها واقرا عنها من الكتب او المصادر اللي حاطينها لكم عشان تدخل جو المحاضرة وتعرف عن ايش يتكلم الدكتور وبقولك على نقطة افادتني بالبداية مع ان الكثير حذرني منها , ترجم الكلمات الصعبة طبعا الترجمة لها محاسن انك بتفهم السالفة لكن مساوئها انك ممكن تتعود عليها عشان كذا لاتستعين بها الا باول المحاضرات وبعدين تجنبها قد ماتقدر
النقطة الثانية اي شي ماتفهمه لاتستحي واسال عنه الدكتور لكن مو بالمحاضرة لانه ممكن يحقد عليك لانك تضيع وقت المحاضرة او يحس انك عبء عليه .. اساله بساعاته المكتبيه وخليه قد مايقدر يضرب لك امثله عشان تستوعب
فيه طريقة ثالثة ممكن تساعدك بتخطي اللغة وهي انك تدرس مع جروب وحاول قد ماتقدر انك انت اللي تشرح مو ينشرح لك يعني مو بس قاعد وتتلقى المعلومات ,, اذا قدرت تشرح معلومه باسلوبك وكلماتك بتساعدك حيل انك تستوعبهاا
اذا تخصصك علمي او صحي .. حاول تشوف فيديوات لان العمليات الطويلة والمعقدة بتنفهم بالفيديو والصور اكثر من الكلام الدش ظظ
اخر نصيحة .. اذا قريت كتاب وحسيت ان كل شي غامض ومو قادر تستوعب او راسك بدا يصدع لاتسكر الكتاب وتستلسم ,, كمل قراءة الجزء المطلوب منك للاخير ,, وبعدها بكم ساعه -مع كوب قهوة ^_^ ا- و باليوم الثاني ارجع اقرا نفس الجزء اللي قريته وصدقني بيفرق معاك كثير وبتبدا تستوعب
^
^
كلامي اعلاه لم اطبقة في جامعات امريكية ولكن في بداية دراستي الجامعيه بالسعودية كنت اواجه صعوبه بالمناهج الانجليزية , طبعا كان في تشدد كبير باستخدام اللغة الانجليزية فقط .. وهذي الاشياء اللي جربتها وافادتني بكسر حاجز اللغة وانشالله انها تفيدكم
موفقين

هذي البنيه جزاها الله خير تقول كلام طيب وصحيح
ونستعيذ بالله من شر الدوافير الذين يكتمون طريقة دراستهم
ومساعدة إخوانهم وإخواتهم بالتعليم .

معلومات ونصائح قيمة .. حفظك الباري وسدد خُطاك

الله يسهل عليك ويرزقك ماتمنين
انا شخصيا استفدت من كلامك وان شاء الله المبتعثين يستفيدون اكثر
بس في نقطه ليه قلتي ان الكثير حذر من ترجمه الكلمات ؟؟ اذا ماترجمته ماحس اني بفهم ايش معنى الكلمه

والله اسعدني مرورك ابو وضاح ونحتاج الى نصايحك

مشكوره عالدعوه والله يسهل للجميع انشالله
حذروني زميلاتي من الترجمه لانك ممكن تعتمدين عليها وماتحفظين المصطلحات بالانجليزي او تلخبطين فيهم ,, بالاضافة لانها تستهلك الكثير من الوقت

................................................

صراحه انا حسيت الدراسه الاكاديميه اسهل واحلي من اللغه ودراسه التخصص اسهل من المواد العامه وبقولكم ليه هالشي

بلخص الاشيا الي فادتني والصعوبات الي واجهتني بعد بنقاط

١- كل ماتصير عندك ثقافه عامه كل ماتفهم اسرع يعني: اذا تخصصك فن مثلا وتتفرج علي افلام وثائقيه كثير و تزور متاحف وتركز مع مناقشه المدرس اذا يتكلم تفهم اسرع
٢- طريقه تعليمهم بامريكا خاصه للبكريوس انهم يبداون معك بالمبادى يعني مثلا اذا تخصصك هندسه فاول كلاس رح تاخذه بالهندسه رح يوضحون لك اهم المصطلحات الي بتستخدمها او بيستخدمها المدرس للكلام عن الهندسه
وبيكتبون لك المصطلحات ومعانيها على السبوره .. الشي الحلو انك ماراح تحس بالغربه وانك لوحدك بهذا الشي كل الطلاب الامريكان زيك مايعرفون هالمصطلحات وبيقعد الاستاذ يكررها طول الترم تقريبا
الشي الحلو في الجامعات الامريكيه انهم يحسون ان الطالب جاي مايعرف شي ويبدون معه من الاساسيات ..
٣- اقرا ثم اقرا ثم اقرا لازم تقرا الكتاب لانك مستحيل كاطالب اجنبي انك بس تفهم من المحاضره او تاخذ نوتس مره كويسه تكفيك تذاكر منها انا مثلا اذا قريت شي صعب مره اقراه قبل الكلاس وما افهم شي واحضر المحاضره وابدا القط الاشيا المهمه وارجع اقراه بعد الكلاس وافهم كل شي تقريبا فا يحتاج لك كم مره تقرا الدرس عشان تستوعب كل شي
٤- ترجم الكلمات المهمه والي تكرر واجد وتحس انك ماتفهمها او انك تخربطها مع كلمات ثانيه وارجع انتبه كيف المدرس يستخدمها بسياق الكلام
٥- اذا مافهمت شي قابل المدرس لوحده بيشرحه لك بطريقه مبسطه اسهل من الكلاس وترا هذي شي عادي لا تتفشل او تنحرج انت دافع حق الكلاس عشان تستفيد استفاده كامله منه .
٦- لكل شي تدرسه فيه رسورس ثاني ( فلم ، صوره ، اعلان ، فيديو باليوتيوب، صفحه بالفيس بوك ، معرف بالتويتر، بور بوينت)
اول مادخلت التخصص حقي حسيت اني ضايعه ومو عترفه شي وان كل الناس عندهم خبره اكثر مني حاولت اجمع اكبر قدر من المعلومات عنه سجلت بكم قروب لاشخاص عندهم نفس الاهتمام انضميت لمنظمات تدعم نفس التخصص
تفرجت على افلام وثائقيه لنفس المجال ، حملت باور بوينت لمدرسين لنفس التخصص بجامعات عريقه ، كنت بعض الاحيان احط كلمه عن المجال الي ادرس بقوقل واشوف وش نتايج البحث واشوفها كلها وتستغرب بعض الاحيان عن الاشياء الجديده الي تطلع كل يوم بمجالك وتتعلم مصطلحات وكلمات جديده وعلوم ماتتخيلها

واخيرا سهل انك تكون طالب شاطر بس صعب تكون طالب متميز
والتميز مايجي بس بالمذاكره يجي بانه يكون عند الطالب شي مو موجود عند غيره من الطلاب

نصيحه ابحث دائما واستكشف وكون شغوف بتخصصك رح تسهل عليك عوائق اللغه وكل شي اخر
ادخل باعماق تخصصك وافهم ليش كل شي صار من البدايه تاريخه واهم مكتشفينه واخر الاحصائيات والنظريات الي ممكن تطور من هذا العلم لاتقرا بس الكتب المقرره اقرا شي على ذوقك في لجازتك مثلا وتناقش مع مدرسك فيه

رح تلاحظ بعد فتره ان عندك قاموس لغوي من الكلمات المرتبطه بتخصصك وانت ماتعبت بحفظها وبنفس الوقت صار سهل عليك تسوي برسنتيشن او تدخل بمناقشه مع طلاب من نفس تخصصك


بالتوفيق،