أغيثــوا المبتعثــين

العوائل فعلاَ لازم يزيدوهم لان المشكلة في مصاريف الاطفال
وخصوصا الحضانات ...

اما العزاب اذا عرف يرتب نفسة بتكفية وزيادة ان شاء الله
صحيح فيه ولاية غالية لكن مد رجولك قد لحافك
واحد من اخوياي يدرس في نيويورك ايجار الغرفة اللي ساكن فيها ٩٥٠ دولار
والمكافأة مكفية معاه لان عارف يصرف نفسة وحاسب حسابة لاخر الشهر
مو مثل بعض الشباب الله يهديهم تلقاه ساكن بـ أيجار ٥٠٠ وثاني اسبوع مطفر
اللي يشتري سماعات مدري ايش اسمها بـ ٦٠٠ دولار واللي كل اسبوع كلوبات وسهر
واخر شئ يصيح المسؤلين مو حاسين فينا ومن هالكلام ..هذا غير ميزانية الدخان في امريكا
اللهم لك الحمد على النعم اللي احنا فيها

طيب يا اخوي هذا انت بنفسك تقول ساكن مع روم ميت طيب انا كـ شخص ما احب السكن المشترك مع احد ايش اسوي
لو سكن الواحد مع امريكي هاتك يا حفلات و يا سهر و يا سكر ويا بنات
ولو سكن مع سعودي ما يسلم من المشاكل وكل يوم خناق

طيب انا ما ابعد لك بعيد
بورتلاند اللي الضرائب فيها = صفر
وما تعتبر ولاية غالية
السكن فيها كان بـ 1200 غير فواتير الكهرباء والنت و الكيبل غير لما تضطر تستأجر سيارة عشان تروح
المحلات البعيدة زي البقايل او الوول مارت غير مصروف البيت اللي ما يقل عن 500 دولار شهريا
غير احتياج الكتب اللي لوحدها تقص الظهر
لو حسبت بس السكن ومصروف البيت رح تلاقي الناتج يطلع اكثر من مكافأة المبتعث الاساسي والامور تمشي على الحديدة مع مكافأة
المرافق !!! فما بالك بـ غيري من اخواننا العزوبية اللي على الله ثم على مكافأتهم
بـ تقولي في سكن ارخص صح كلامك
بس وين هـ السكن الارخص ؟! بـ ديرة ما فيه لا اكل ولا شرب !! بـ مكان كله تبع عصابات وحرامية
ليش انا كـ مبتعث اجي من ديرتي عشان اسكن مع حرامية وقتالين قتلى !!!
هذا كله ولسى ما ذكرنا مصروفات ثانية مثل الملابس مثل الانشطة اللي احيانا يجبروك تروحها من قبل الجامعة عشان تمارس اللغة واخرها نشاط الاسبوع الماضي
غير حضانات الاطفال للي عندهم اطفال غير بنزين للي عندهم سيارات غير ضرائب للي في ولايات فيها ضرائب مبيعات

يا اخوي حدث العاقل بما يعقل
اذا الملحق الثقافي بـ كبره تفضل مشكورا واعترف انه المكافأة ما تكفي واعترف بعد ما كثير طلاب سرردوا طريقة توزيع المكافأة وبالفعل ما تكفي الا لـ اساسيات الاساسيات
فهمني كيف طالب لغة بيتعلم لغة بدون ما يحتك بـ الشعب نفسه
وما فيه مجال انك تتكلم مع الامريكان الا بـ سوق او كوفي او مطعم او حدث رياضي او احتفالات
يعني شغلات لازم تدفع لها فلوس


اتفق معاك الولايات الفقيرة قد يعيش فيها الطالب بـ ارتياح نسبي
اتفق معاك لو الواحد ضغط على نفسيته واتحمل الروم ميت ومشاكله ممكن يوفر
اتفق معاك لو الواحد تجاهل معظم اساسيات الحياة ممكن تمشي الحياة شوي

لكن قول لي انا ايش يحدني على هذا كله والدولة تقدر تعطي لكن مسؤلينا ذمتهم وااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااسعة !!!!

والله العظيم اني في ديرة صغيره ومع ذلك ماني قادر اسكن في سكن مستقل بسبب غلاء الاستديو اللي هي غرفه وحده
والبعض بيقول ايش فيها تسكن مع امريكان!! والله اني ساكن بسكن في 3 امريكان كل واحد له غرفه والحمام الله يعزكم مشترك لكن والله مافيه خصوصيه ابدا
في المذاكره ماتاخذ راحتك بسبب الاغاني اللي شغاله بالصاله اربع وعشرين ساعه والبنات اللي يدخلون والفجور اللي يصير والصلاة ماعرف اصليها مثل الخلق اصلي على صوت الاغاني! ولا اعرف وش اقول
كل هذه بس علشان ادفع 780 !! ولو ابي اخذ غرفه وحده اقل شي 900 دولار

غير كذا اللي يقول تكفي طيب افرض اني ابي اجمع علشان اشتري سياره.. لاتنسون امريكا متاخره كثير مو نفس اوروبا كل مدينه فيها باصات وتروح كل مكان
انا القريه اللي فيها لو مامعك سياره تاكل تبن ودرجه الحراره في الشتاء 17 تحت الصفر والبعض بيقول دلع ويبي سيارة.. والله العظيم بمدينتي مافيه شي حلال ولو تبي حلال
لازم تروح مدينه ابعد ساعتين ونص علشان بس تروح سوبر ماركت عربيه


بعدين لو حنا على خطاء ليه الكويتيين والاماراتيين مزودين مكافاتهم!!؟؟ الا انه حكوماتهم مستشعره الغلاء وكل شي يرتفع .
الشي الاخر مادري ليه البعض يكره الزياده اذا يرى نفسه مايحتاجها لايقف عثره بوجه غيره! ياخي اذا انت شايف اننا مانستحقها .. انظر للطلاب الاجانب
اللي كثير منهم يدرسون على حساب الحكومه بالخفاء ولا احد يدري والكل ساكت! اللي زي كذا مفترض تحاسبهم مو تحاسب عيال بلادك علشان زياده مكافاه
ولا احد الاشخاص الله يذكره بالخير.. حاط دوبه بدوب البنات المبتعثات بدون محرم!! ومقهور من رواتبهم اللي ياخذونها !! ولا شاف البنات اللي من لبنان تدرس على حساب دوله
ولا احد تكلم عنهم وفيه كثير بامريكا وبريطانيا .. وحاسدين البنت السعوديه المسكينه على الراتبين!! خلها تستانس فيها بكره ماردها بترجع عاطله !! يعني من اللي بتحصل وظيفه

سبحان الله العظيم تناقضات

من حقك انك تختار السكن الي يعجبك
وانت ذكرت لي ان طالب اللغه لازم يحتك مع الاجانب , ومن ضمن الاحتكاك انك تسكن مع روميت غرفه وحمام لحالك والباقي مشترك وهذا شي راجع لك انت
وعلى فكره انا حصلت في سياتل الي تعتبر غاليه بدروم في مجمعات سكنيه وشي نظيف وراقي والي حولك ناس صاحيه من 600-900
لا وابشرك انا ماخذ بدروم ب 700 احسن وارخص من ام 900 والسكن فيه جميع الخدمات من ملاعب ومسابح وناس تشوي وقولف وفله وانا الحين ساكن فيه ومسككن روميت معي ويدفع لي النص .
انا بعطيك اياها على بلاطه اغلب الشباب العزابيه يفلون اوم اومها في الويكند ماغير يشترون قوارير وسكي وطهبله واذا جا السبوع الثالث قامو يسبون في المكافاه !!

والشي الثاني بعض الناس يحسب نفسه بالسعوديه وهذا الي دهورنا
والله يالامريكان لا درو انننا نستلم 1840 بالشهر ورسوم الجامعه مالنا فيها انهم ينهبلون

الي مكفيتة المكافئة .... وشحادة يدخل هناااا في مثل هذه المواضيع ....
طيب هناك طلاب عايشين في ولايات غالية جداً وماتكفيهم ...
على الكل لمن يقول تكفي المكافئة " ياخي زيادة الخير خيرين" يعني هم مستفيدين وانت استفيد منهم على طلب الزيادة وريحناااا " ....

اعتذر لأدارة اذا كان كلامي .. "غير لائق " وللجميع

هلا ليت الكلام من صج ايفيد انا وحده بصراحه اكلت هوى مع العيال وزوجي عشنا عيشه مايعلم فيها الا ربي
قلت مادري هالفقر هذا اللي حنا نعيشه وش حدنا عليه مو كفايا غربه وكربه وفقر الله يعين
احنا اللحين في السمر وردينا البلد وقسم بالله ردت رووح العيال وروحنا معاهم حتى العدس والتميس في ديرتنا خير وبركه ويكفي ويزيد

مو هناك كل شي غالي وفقر وردد وراي بالليييييييييييييييييييل يالليل كه كه

يا اخي و يا عزيزي الي تقول المكافأه تكفي و زياده و توفر , الحمدلله على النعمه الي انعم ربي عليك فيها في موقفك ووقتك الي سمح لك توفر .

جرب يكون معاك مرافق وشوف تكفيكم او لا و قابلني تقولي كلمه روم ميت او سكن الجامعه , فما بالك بالي معاه طفل و يحتاج حضانه . بتقولي يخلي زوجته و ابنه في البلد , طيب ما اختلفنا في البلد ياكلون تراب ؟؟ من وين يعيشون حتى في البلد. برضو بينط لي واحد يقولي اذا كان عنده اطفال ليه يطلع يدرس و بقوله يا عزيزي طالب ماستر و طالب دكتوراه و بعض طلاب البكلوريوس مثل الطب و بعض خصصات الهندسه تتوقع ان عمره اقل من 25 هذا اذا قلنا انه ماشي في دراسته متواصل ما توظف و رجع يدرس مره ثانيه او معيد كم سنه وبيدرس الدكتوراه او طالب الطب الي بيدرس في امريكا اقل شي 10 سنوات .

والله كل واحد يقولي انها تكفي ما يذكرني الا بماجد المهندس و اغنيته ابشرك احنا بخير وسلامه و ثلاث ارباع الشعب الي ما توظف والي ما قدر يتزوج والي وراه ديون و الي مبتعث يحاول يجمع جهد سنين عشان يلقى شي ان شاء الله في المستقبل يسره و الي مسكين ما حصل ولا شي منها و عايش على الطل .

ان شاء الله لو كتب ربي لنا عمر و شفنا زياده او دبل راتب اتمنى انكم تكونون بنفس الذمه و الشفافيه و ترفع السماعه على الموظف المالي و تقوله شكرا عندي الي يكفيني لا تزيدون مكافأتي .

البيت يبغى مصاريف و السياره و الجامعه .

البيت والله اني ساكن في ارخص سكن في هيوستن ممكن الانسان يقبل المعيشه فيه غرفتين ب 900 و الماء و الكهرب عليك و المجاري وانتم بكرامه و بعض الاخوان يعرفونه و انحدوا عليه بعد مثلي لما شافوا الارقام الفلكيه للسكن . و الي يقولي غير الولايه او المدينه وش حادك عليها اقوله سم و ابشر هذي اوراقي ووالله فوقها 3000 دولار بس عطني قبول جامعه في اي مدينه امريكا او قريه بناء على اوراقي و شهاداتي و تقبل فيها الملحقيه وانا موافق. الجامعه الي انا فيها معطيني خطه دراسيه 54 ساعه للماستر و تقول لو تفتح فمك طلعناك برا الجامعه و الملحقيه تقول مالك الا سنتين و قبلنا الجامعه هذي موهب معناها اننا ملزمين بدراستك اكثر من سنتين.

و السياره كل شهر 200 بنزين و 100 تامين , بيطلع لي احد يقولي ليه سياره بقولك تعال هيوستن او اسأل اخونا نظم معلومات في موضوعه هذا
http://www.mbt3th.us/vb/forum41/thread371173.html

قبل يجي من السعوديه كان متحمس جدا لامريكا و الستايل حقها في المعيشه ولما جا بعد فتره بس يكفيك عنوان الموضوع .

و الجامعه مصاريفها في الكتب و الملابس و احيانا في الاكل اذا ما كان الوقت مناسب للوجبات و موقف السياره .


والله انكم اخواننا المسلمين و عيال ديرتنا ما ودنا يكون الدعاء لكم الا يارب انك تيسر امورهم و نشوفهم خريجين ويلقون اعلى المناصب , ما ودنا تكون يا رب يذوقون الي حنا نذوقه اليوم قبل بكره من قهر فينا بسبب رد له ما حسب حساب اخوانه كيف عايشين ,اهم شي نفسي و ان شاء الله محدش حوش على قوله اخواننا المصاريه .

انا اطالب وزير الصحه انه يسكر المستشفيات في السعوديه كلها , المرضى نسبه قليله من المجتمع و انا و لله الحمد كل يوم اهرول ساعه ولا شفت الي يشوفونه المرضى , استغرب من احد يجي يقول فيني ربو او ما اقدر امشي فيني كساح هذا ما عرف كيف يعيش , و المريض الي ما اعجبته السعوديه يروح بريطانيا.

اسف على الاطاله و قله الادب و تعدي حدودي لكن شي في الخاطر يطلع كل ما انطرح هذا الموضوع و شفت الردود الي تهد حيل الضعوف . وحنا في خير و نعمه و من يبغى يشوف المعاناه الفعليه يروح يشوف المعيدين المغصوبين على الابتعاث و في الاغلب معهم اطفال و طالع غصب عنه اما البعثه او تفصل من الوظيفه و تتركها لغيرك يقبل انه يبتعث .

الكلام الي بالاحمر يكفي ياخوي
ولك بالمثل يابعدي
وانا ما ابي اتناقش معك لكل واحد وجهة نظر وانا احترم وجهت نظرك
وانشاء الله نشوفك خريج وماسك احلى المناصب
فمان الله

عادي تقدر تدعي لنا بعد نذوق الي تذوقه ونقدر نوفر و نشتري وحركات حلوه .

تابع....

البعض يضع بذمته امور كثيره لاحول ولاقوة الابالله وكل من يظن انه المكافاة ماتكفيه انه على طول راعي==> دخان وخمور وحيشيش وبارات..الخ

اقسم بالله العلي العظيم لا ادخن ولا اشرب ولا اعرف البارات ومن السكن الى المعهد وللاسف حتى المسجد ماعندنا مسجد نصلي بالملعب حق الجامعة وكل جمعة يهاوشنا المدير بالمعهد
الشي الاخر اللي يقولون اننا متدلعين.. انا مارح اتكلم الا عن نفسي انا معي حساسيه وامراض بمعدتي ولا اقدر اكل من المطاعم بشتى انواعها وبالخصوص الفاست فود ومضطر اني اطبخ يوميا ولله الحمد اطبخ كل شي
لكن ماسألت نفسك انه الطبخ يحتاج اقل شي 3 مرات تشتري من السوبر ماركت وهذه غير المدينه اللي فيها انا التاكس فيها زايد عن غيرها!