الأعضاء الإشتراك و التسجيل

الملتقيات
ADs

وش الحل مع GRE ؟ اجتيازه..أين اختبره..

وش الحل مع GRE ؟ اجتيازه..أين اختبره..


NOTICE

تنبيه: هذا الموضوع قديم. تم طرحه قبل 3608 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ولد إبراهيم
    ولد إبراهيم

    مبتعث مستجد Freshman Member

    ولد إبراهيم فانواتو

    ولد إبراهيم , ذكر. مبتعث مستجد Freshman Member. من موريشيوس , مبتعث فى فانواتو , تخصصى يجب كتابة مهنتك الأساسية , بجامعة يجب كتابة إسم الجامعة في هذا الحقل
    • يجب كتابة إسم الجامعة في هذا الحقل
    • يجب كتابة مهنتك الأساسية
    • ذكر
    • المدينة المتواجد فيها للدراسة, يجب كتابة إسم الولاية او المنطقة التي تقيم فيها حاليا
    • موريشيوس
    • Sep 2007
    المزيدl

    January 26th, 2008, 12:29 AM

    السلام عليكم:
    لاحظت أن كثير من الجامعات تطلب عند التقديم درجة GRE ، فبحثت عن اختبار تجريبي على الإنترنت واختبرت نفسي.. تفاجأت بصعوبة الأسئلة جداً!!! مع العلم أن معي توفل وحصلت درجة طيبة تؤهلني للقبول في أي جامعة تقريباً.

    أنا أريد أدرس في الجامعة مباشرة بدون دراسة لغة (وهذا أكبر سبب لتقديمي للبعثة ، ما أبغى أضيع وقت برا).

    1- وش الحل؟

    -هل هناك مراكز اختبار GRE في الرياض؟

    شاكر لكم ردودكم...
  2. اشتري كتاب وأنا اخوك وذاكر زيييييين .. قسم الرياضيات ماهو صعب بس يبيله تمرين يعني عود نفسك تحل مسائل في أسرع وقت ممكن

    قسم الانجليزي حالته حالة وصعب جداً .. مثل ماقلتلك اشتري كتاب واحفظ الكلمات اللي دايم تجي في الاختبارات

    من الكتب الممتازة واللي ينصح بها كتاب البارون Barron فالكلمات غالباً تجي من هالكتاب

    في السعودية يوجد مركز في الدمام وأعتقد هو الوحيد في السعودية

    بالتوفيق
    7 "
  3. أخـوي ولـد إبـراهيـم !!!

    بالنسبة لـ GRE .. فأول شيء يعتمد على تخصصك وعلى معدلك ..

    بمعنى إن في جامعات لتخصصات معينة ما تطلب GRE . . !!

    وفي جامعات كثيرة إذا كان معدلك فوق 2.75 من 4 ما تطلب GRE ..

    وأما إخـتـبـار GRE في السعودية .. فأنا بحثت في موقع www.gre.org

    فحصلتم يقدمون إختبار GRE في المنطقة الشرقية/الدمام .


    وبالــتــــوفـــيـــق أخـــوي @@@@@@@@@@@
    7 "
  4. المشاركة الأصلية كتبت بواسطة The PATRIOT
    يوجد مركز اختبار في الرياض
    ممكن تدخل موقع :
    www.ets.org
    وتسجل وتدفع الرسوم
    على فكرة
    التوفل اللي معك لازم يصير جديد,, يعني من سنتين واقل
    الله يــهـــداك يـا إبــن الــحـــلال ..

    إخـتـبـار GRE في الـسـعـودية ما يـقام الا في الـدمـام

    وهذا الكلام اللي مبين معاي في الموقع

    إذا أخـتبار GRE غير اللي نعرفه , علمنا عليه الله يرحم والديك
    7 "
  5. هلا أخوي

    بالنسبه للتحضير للإختبار
    تقدر تاخذ دوره في مركز ستارقيت في الرياض
    وفي نفس المركز يكون الاختبار
    في مركز ثاني في جده - ما ادري ايش اسمه
    المركزين (الرياض و جده) اختبارهم ورقي
    المركز اللي في الدمام اختبارهم بالكمبيوتر
    وتقدر انك تشتري كتاب( كابلن) يقولوا مرررره ممتاز

    وللقسم اللغوي هذي بعض القوائم حاول انك تحفظها
    http://www.msu.edu/~defores1/gre/vocab/gre_vocab.htm
    +++
    http://www.graduateshotline.com/list.html

    على فكره
    الاختبار كل شهرين تقريبا
    اول اختبار في 2008 بتاريخ 2 فبراير>>> ادعولوي اجيب درجه حلوه - في هذا التاريخ اختباري
    اللي بعده على شهر ابريل


    وبالتوفيق أخوي
    7 "
  6. لا يفوتك:
    جزاك الله خير.. الرياضيات ما أتوقع يكون صعب ، لكن المصيبة العنقليزي ، وباشوف كتاب بارون لعله يكون مفيد.

    ممدوح:
    الله يوفقني وإياك.

    The Patriot:
    الله يعافيك.. الظاهر أني باختبر توفل من جديد ، اللي عندي بيتم سنتين بعد شهرين!

    لومي:
    جابك الله
    1- وشلون حضرت للـGRE؟
    2- ظنك يمديني أحضّر (بتشديد الضاد) للاختبار وأحضر معك؟
    3- ليش بتختبر؟ يعني ناوي تقدم على قبول ولا وشو؟
    4- الدورة اللي يقدمها ستارغيت عندك معلومات عنها؟ المدة ..محتوى الدورة..هل تستاهل الحضور؟

    الله يوفقك ويرزقك الدرجة الكاملة -1 (عن العين )
    7 "
  7. المشاركة الأصلية كتبت بواسطة ** MaMdOuH **
    الله يــهـــداك يـا إبــن الــحـــلال ..

    إخـتـبـار GRE في الـسـعـودية ما يـقام الا في الـدمـام

    وهذا الكلام اللي مبين معاي في الموقع

    إذا أخـتبار GRE غير اللي نعرفه , علمنا عليه الله يرحم والديك
    والله يخوك انا شيكت الموقع قبل لا اكتب كلامي,, وحصلته بالرياض وجدة والدمام,,
    واعتقد انه في مركز بوابة النجوم زي ماذكر الاخ,, في طريق المطار القديم قبل دوار خريص,, والله اعلم,, لأنه اختبار التوفل هناك
    7 "
  8. المشاركة الأصلية كتبت بواسطة ولد إبراهيم
    لومي:
    جابك الله
    1- وشلون حضرت للـGRE؟
    2- ظنك يمديني أحضّر (بتشديد الضاد) للاختبار وأحضر معك؟
    3- ليش بتختبر؟ يعني ناوي تقدم على قبول ولا وشو؟
    4- الدورة اللي يقدمها ستارغيت عندك معلومات عنها؟ المدة ..محتوى الدورة..هل تستاهل الحضور؟

    الله يوفقك ويرزقك الدرجة الكاملة -1 (عن العين )
    هلا أخوي ولد إبراهيم
    1- بالنسبه للتحضير قعدت احلحل بذي المواقع اللي فيها اختبارات تجريبيه لل GRE
    بالاضافه اني الى الان احاول احفظ الكلمات اللي موجوده في المواقع اللي رزيتها فوق (مو راضيه تدخل مخي - صععععععععبه وكلها متشابهه جابتلي الجنان )
    و اذا سجلت في الاختبار المركز يرسلون لك practice book
    عشان تاخذ فكره عن الاختبار بشكل عام
    2- بالنسبه للتسجيل في اختبار 2 فبراير اعتقد انه ما يمديك لانهم قفلوا التسجيل (ماني متأكده من تاريخ انتهاء التسجيل) عاد الله يعينك تنتظر الين شهر ابريل (على فكره حاول تسجل بدري يعني قبل الاختبار باكثر من شهر لان عندهم شي اسمه تسجيل متأخر وياخذون 25 دولار زياده )

    3- انا بديت اراسل الجامعات عشان القبول وانتظر الرد منهم وناويه اخذ انقليزي (تقويه بس - لغتي الحمد لله تمشي الحال ولو أعرج ) كم شهر بس قبل الجامعه (لان بداية الدراسه في الجامعه على اوقست)

    4- بالنسبة للدورة اللي في ستارقيت هي وحده من صاحباتي سجلت فيها قبل سنه تقريبا بس مني متأكده كم مدتها (يمكن شهر)

    بسألها عن الموضوع ولي رجعه


    آآآآآآآآآآآآآآآآآمين ومني -2 بس اجيب درجه حلوه

    وبالتوفيق اخوي
    واي سؤال - لا يردك الا كيبوردك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.