هل تريد الدراسة في أمريكا بأقل التكاليف؟
سألني أحد الشباب اليمنين عن الدراسة بأمريكا و تكلفتها .. فحبيت أطرح عليكم الموضوع هنا لعل أحد يرغب بالدراسة في أمريكا بأقل التكاليف
أنا ما أقول أن طريقتي هي طريقة رخيصة جدًا و لكن صراحة توفر عليك مبلغ كبير جدًا ..
الطريقة كالتالي ..
فيه في أمريكا ما يعرف بالـ community college أو كليـّات المجتمتع .. هذي الكلية بإمكانك تدرس عندهم لمدة سنتين كاملة في التخصص الي انت ترغبه مثلا (حاسب آلي ) .. أي ما يعادل تقريبـًا ( 60 ساعة دراسية ) .. يعني تقريبـًا نصف الدراسة الجامعية ..
و تكلفة الدراسة تقريبـًا 14 ألف دولار ..
تتخرج من كلية المجتمع ، و تروح لأي جامعة ، و تقول لهم حاب أكمل باقي السنتين في التخصص ( حاسب آلي ) .. يقولون لك حيـّاك الله عندنا ، ولكن تكلفة الدراسة بتكون أغلى من الكلية الي انت كنت فيها قبل كذا ..
بهذي الطريقة كطالب دولي تكون قللت التكلفة على نفسك بأكبر قدر ممكن ..
الموضوع القادم إن شـاء الله أشرح لكم كطلاب دوليين كيف تحصل وظيفة في أمريكا بطريقة قانونية ..
تمنياتي لكم بالتوفيق و السداد
رد: هل تريد الدراسة في أمريكا بأقل التكاليف؟
الى الآماااااام يا مايو
مواضيعك بطلة
موفق
رد: هل تريد الدراسة في أمريكا بأقل التكاليف؟
الف شكر اتمنى نشوف مواضيع كثير مثل هذي الي تفيد الطلاب
رد: هل تريد الدراسة في أمريكا بأقل التكاليف؟
صراحة طريقة غير عملية
يعني بعد ماتكون تعودت على سيستم معين تروح تنتقل لجامعه جديدة ونظام مختلف وبيئة غير
اشوف الموضوع فيه اضاعة وقت وغير مضمون
رد: هل تريد الدراسة في أمريكا بأقل التكاليف؟
blueman
يحق لك انت كطالب سعودي فيه احتمال بنسبة 99 في المية تبتعث تقول كلامك هذا
لكن اغلب الامريكان الي ما عندهم (بعثة أو فينانشل آيد مثل الناس ) يروحون لهالطريقة .. يدخل كلية مجتمع يخلص سنتين و يحول للجامعة و يخلص سنتين ثانية هناك
اقول لك اغلب الامريكان و انا على ثقة مما اقول كثير منهم يحولون من كليات المجتمع لانها ارخص بنسبة 50إلى 70 في المية .
لكن لو فيه احد من دولة عربية ما معه فلوس و يبي يدرس اسهل الطرق له ممكن هذي الطريقة
و الله اعلم
رد: هل تريد الدراسة في أمريكا بأقل التكاليف؟
رفعته قلنا ممكن احد يبي يستفيد
رد: هل تريد الدراسة في أمريكا بأقل التكاليف؟