ارجو من الجميع الدخول / ابي حل .. مساعده .. إستشارة ..( اسمعوني للنهايه ) ... ضاااايع
اخواني السلام عليكم اتمنى ان الجميع يكون بصحة وعافيه ... الأهم اخواني انا وضعي غريب ... ما ادري مهو غريب بس احساسي يقول انه غريب وغريب !!! يا جماعه الخير ... انا اول شي معاي قبول حالياً في ولاية لويزيانا مدينة روستن ( دراسه بكالوريوس ) .. في الجنوب والله يستر من الجنوب !!! والدراسه تبدأ في 29 مايو القادم وقدمت على الفيزا في السفاره الأمريكيه .. وكان موعدي يوم السبت الماضي 11 مارس وتمام سويت المقابله وورقة صفرا كالعاده !!! وبأنتظار الأتصال .... وعارف ان قرار البعثه ما راح يصدرونه الا بداية التقديم الجاي اللي بعد شهر تقريباً ( بس مو هنا المشكلة ... ) حتى لو تأخروا شهر مو مشكله !!!! لأن دراستي باقي لها شهرين !!! وشي حلو ... وبعد تتفأئل بالحياه شوي !!! ومنت مضيق على روحك ... الأهم والمشكلة اللي تورطت فيها !!! او اللي احس اني تورطت فيها !!!! سمعت عن الولاية ( ولاية لويزيانا ) انها مهي زينة ( فقر ) يكثر فيها ( السود ) مشاكل / جريمة / كواااارث !!! ما ادري .... .. كثير نصحوني ...!!!! وبديت افكر ... وقررت احول لولاية اقل شي فيها امن وهدوء مو مثل سمعة بعض ولايات الجنوب .. خاصه مشتهره بالكوااارث الله يستر منها ... المهم لي قرايب في ولاية يوتا مدينة اوقدن !! ولاية مهي معروفه اساساً لكن قريبه من كلورادو !! المهم نويت احول لهم واجيب قبول من عندهم لأنهم يمدحون ديرتهم كثير ..... !!! ولأن مثل ما احنا عارفين كثير طلاب تورطوا في ولاياتهم ولما وصلوا امريكا طلبوا تحويل وانصدموا ان التحويل صعب !! صعب !! صعب !!! وابي الحق من هنا ... اني احول قبل كل شي وقبل موعد الدراسه واصدار الفيزا ... المهم يا جماعه الخييير وش الحل وش الطريقه ؟ اذا انا مقدم على الفيزا على لويزيانا ... هل اقدر اغير من الحين .... واجيب لهم قبول من يوتا ..... وبأقرب فرصة !!! يا جماعه ضايع والله ضايع . ....... يعني ما طاف الا اسبوع من يوم مقابلتي مع السفاره ..... ؟ هل اذا دقوا وقالوا جيب جوازك ....... ؟؟؟؟ اجيب لهم اي توني جديد وقبول معهد وجامعه وخطاب سفاره مرة ثانيه !!! يا جماعه ملخبط بشكل فظييييييييع !!!! ما سمعت ان فيه طريقة مثل هالشي ارجو ان احد يرد علي او ... على المسنجر يفهمني .... يدلني هذا مسنجري وانا اسف اذا اخطيت بهالشي بس ارجو من الأداره انها تسمح لي بالكل يساعدني لأني ابي احد يساعد لو بالقليل .... محتار ...... خاصه ان هالوقت بأنتظار وما ادري وش اسوي ؟ Vip2vip_vip2vip@hotmail.com شاكر للجميع ... لكل من مر ورد !! او اللي مر ولا رد .... واذا الأدراه ما سمحت بالأيميل انه ينكتب .... ياليت اللي يقدر يساعدني بأي شي يراسلني بالخاص واعطيه ايميلي .... الله يحفظكم اخوكم دحووم من الرياض
مشاركة: ارجو من الجميع الدخول / ابي حل .. مساعده .. إستشارة ..( اسمعوني للنهايه ) ... ضاااايع
.................... ؟
معقول ماحد عنده علم ..
اتمنى احد يجاوبني ويساعدني بليييز
اخووكم
دحووم
مشاركة: ارجو من الجميع الدخول / ابي حل .. مساعده .. إستشارة ..( اسمعوني للنهايه ) ... ضاااايع
السلام عليكم
اخوي دحوم اولا احب ان ارحب فيك في هذا الملتقى
وثانيا احب اقولك شي انت رح الى وزارة التعليم واسأل عن الأستاذ زامل الزامل
واذا شفته قوله مشكلتك وهو انشالله راح يساعدك في هل المشكله او يعطيك حل
وانشالله اكون افدتك واسمحلي على الاطاله مع تحياتي لك اخوك
speed2fast:gr_918:
مشاركة: ارجو من الجميع الدخول / ابي حل .. مساعده .. إستشارة ..( اسمعوني للنهايه ) ... ضاااايع
اخوي
أنا منيب مبتعث .. يعني ادرس على حسابي
يعني بالعربي ما عندي خبرة عن شروط المبتعثين
بس عندي لك اقتراح ..
رح السفاره وطلع فيزا على لويزيانا ,, بعدين ادرس فيها الله يعينيك مستوى واحد
وخلال هالفتره دور لك قبول في أي جامعه تحس انها كويسه
وترا التحويل موب صعب زي ما انت متصور
انا حولت من جامعه لجامعة ثانيه بسهولة
والله يوفقك
مشاركة: ارجو من الجميع الدخول / ابي حل .. مساعده .. إستشارة ..( اسمعوني للنهايه ) ... ضاااايع
طيب يخوي شف لك قبول من جامعه ثانيه وخلاص
والشي الثاني حتى لو على حسابك رح للموضفين في الوزارة ويفيدوك
مشاركة: ارجو من الجميع الدخول / ابي حل .. مساعده .. إستشارة ..( اسمعوني للنهايه ) ... ضاااايع
عزيزي توكل على الله وادرس بس كورس بالمعهد...وبعدين حول المكان اللي تبي لأنك انت الين الحين معهد ومنت بالجامعه...والمعهد اعتقد فيه فروع في ولايات ثانيه...واعتقد...ارسل رساله للمعهد الحين وشوف بالضبط وين لهم فروع في ولايات ثانيه...والله يوفقك ويسهل عليك يالغالي.
مشاركة: ارجو من الجميع الدخول / ابي حل .. مساعده .. إستشارة ..( اسمعوني للنهايه ) ... ضاااايع
اخوي لازم تروح الوزارة وترى الموضف اسمه زامل العثمان مو زامل الزامل
توكل على ربك وروح ومعاك خطاب السفارة والورقة اللي اعطوك هي السفارة سواء صفراء والا خضراء والقبول الجديد حق الجامعة
فهمهم الوضع وبعدين هم راح يعدلوا الجامعة ويرسلونك على السفارة علشان تعدلها..
والله يوفقك..
مشاركة: ارجو من الجميع الدخول / ابي حل .. مساعده .. إستشارة ..( اسمعوني للنهايه ) ... ضاااايع
اخوي
راجع الوزارة مثل ما قالوا لك الشباب
وفهمهم المشكلة الي انت تعاني منها وسبب تغيير رايك
وبأذن الله يصدرون لك خطاب سفارة لولاية ثانية
وانت هات قبول من ولاية ثانية وسد السيفيس من جديد
وبأذن الله تتسهل امورك
