الأعضاء الإشتراك و التسجيل

الملتقيات
ADs

مساعدة جامعه ضعيفه وتخصص قوي ام جامعه جيده وتخصص ضعيف

مساعدة جامعه ضعيفه وتخصص قوي ام جامعه جيده وتخصص ضعيف


NOTICE

تنبيه: هذا الموضوع قديم. تم طرحه قبل 2001 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة hmayoub
    مسألة الوظيفة هي ارزاق وماتدري فين الخيرة،، حبيبتي والله انا ما اقول هذا الكلام عشان اهدي عليكي لكن يمكن من جد خيرة وانا راح اقول لك ليش بحكم خبرتي

    لما تكوني معيدة وتكوني تبغي الابتعاث،،قسمك يتحكم كثير في التخصص اللي تبتعثي له،، لكن لما تكوني على برنامج الملك عبد الله فيكون في الموضوع مرونة كبيرة وتقدري تتخصصي تخصص ثاني.. هذي اكبر سلبية للابتعاث من الجامعات وانا متأثرة منها كثير لأنهم عقدوا امورنا كثيييير..
    وكمان لسا عندك امل تنضمي للجامعة وبإذن الله لو انتي تبغيها يارب ترجعيلهم وانتي دكتورة مو معيدة (عندك فكرة عن برنامج الاستقطاب للمتميزين؟)،، واذا تبغي خيار ثاني فيارب يكتبلك خيرا مما تتمني

    لو انك معيدة في الجامعة كان اصلا ماصار عندك مجال تدرسي بيوميديكال تيكنولوجي وانتي تغذية،، فكري فيها من هذي الناحية،،مهما كان قرارك اعرفي ان امرك كله خير

    بالنسبة لصاحبتكم هذي اللي انقبلت الله يهديها بس وهذي حركات بايخة والمفروض هي تسلم عليكم وتقول لكم انها ارزاق،،ماحسبت حساب انه ممكن يجي يوم وتتوظفوا مع بعض وتكوني انتي احسن منها؟؟؟ ماعليكي منها عالاقل عرفتيها على حقيقتها


    دبس ياريت شري لي. كيف ش الأبحاث << مافهمت!!!
    شكرا لك على اهتمامك بالموضوع ومتابعتك له
    شوفي دي البنت صراحه ما خلتني أثق في البنات وخلتني جداً حذره في تعاملي لانها استغلتني ابشع استغلال كانت متزوجه وأم بنفس الوقت وانت عارفه كيف الكليات عندنا يسمحوا للأمهات بالخروج والله اغلب المحاضرات ما تحضرها وطبعا كانت تأخذ المحاضرات مني لاني كنت الدافوره حقت الشعبة هيا فعلا شاطره ما انكر دا الشي لكن انا طلعت الثانيه وهيا لمن عرفت اتصلت تخاصم كيف درجاتي اعلى من درجاتها بالرغم انها كانت ناسخه المحاضرات مني وزعلت لكن العميدة حقت كليتنا كانت خاله زوجها وانت افهميها

    انا اللي مخوفني من ناحية امتداد التخصص وان التخصص الجديد اللي هو الهندسة الحيويه مافيه مواد تكميليه


    سامحيني اختي ترا الآي باد يصحح من عنده
    دكنت اقصد كيف طريقة نشر البحوث وهل لازم النشر في المجلات المعروفة هل لازم تكون بحوث لأنك بصراحه فتحتي أمامي آفاق جديده
    شكرا لك
    7 "
  2. خليها على ربنا والوظيفة ربي بيكتب لك الصالح لك،، ومسألة انها تزعل لأن درجاتك احسن منها انا ماعندي تعليق صراحة لكن انتي سويتي الشي هذا عشان ربنا وخلاص انسيه والحمد لله عرفتيها في هذا الموضوع احسن من اشياء اكبر من كذا<< الحياة فيها اشياء كثير غير الدراسة

    بالنسبة للنشر العلمي هذا شي انا ماعمري فكرت فيه وكنت دايما احس انه شي للعباقرة والكبار واحنا بعيدين (ترى انا مو مرة شاطرة هههههه)،، بس لما بدأت الماستر وانا الحمد لله ماخذة وقتي ومو من النوع اللي اقول ابغى اخلص في اسرع وقت،، لما اتعمقت في التخصص ودخلت اكثر مع اعضاء هيئة التدريس لقيت انهم مهتمين جدا بالقراءة والنشر،، وبرضو كنت احس انو انا بعيدة عن هذا الشي

    بعدين حضرت حفلة تخرج لطلاب البكالوريوس والماستر مسوينها قسمنا (حفلة تعتبر تكريم للي عندهم انجازات علمية وللي معدلاتهم عالية،،زي كذا)،، هذي مو حفلة الجامعة الكبيرة،، خلال الحفلة لقيتهم كرموا وحدة من الخريجات في الماستر نشرت ٣ اوراق علمية خلال الماستر،، طبعا الينت امريكية ولها مليون سنة في البروجرام مو زينا احنا طلاب انترناشونال ومسموح لنا مدة معينة للدراسة بحكم قوانين الهجرة وكذا،، ففكرت جوا نفسي،، مادام البنت هذي قدرت انا ليش ايش ناقصني ما انشر زيها،، وبدأت ابحث عن كيف ممكن انشر.. هو صح صعب بس مو مستحيل

    شوفي ياستي،، نصيحتي لكي خلي هذا الشي (نشر ورقتين عالاقل) قدام عينك من اول ترم في الماستر،، انتي اصلا لو سويتي بحث (قصدي رسالة الماجستير) راح تنشريها في مجلة عملية وتكوني انتي الباحث الاساسي، وكمان تقدري تقدمي بحثك كبوستر في مؤتمر
    هذي اول ورقة علمية،، الورقة الثانية ممكن تكون عن اي موضوع جديد في مجال تخصصك،، وتبحثي عن شي صغير بس بتعمق اكثر،، مو صعبة وحلو انك تستغلي وجودك في الجامعة (قبل ماتتخرجي)،، عشان الدكاترة يساعدوكي حتى لو انكتب اسمهم معاكي بس حاولي قد ماتقدري تكوني انتي الكاتب الرئيسي،، ولو ماصارت برضو مو مشكلة لأن النشر حاجة كبيرة مرة،،
    لاتتخوفي من المجلات المعرفة، ماشاء الله تبارك الله الله يحفظك انتي مستواكي كويس، وانا مستوايا مو مرة وقاعدة اشتغل على ورقة يارب تتسهل لي وانشرها،، اخترت اهم مجلة في تخصصي وربنا كريم

    يمكن دحين تحسيه شي صعب بس صدقيني مع الدراسة بتشوفيه مو مستحيل

    انا صراحة مو مستوعبة قصة المواد التكميلية لكن كل اللي ممكن انصحك فيه هو انو مادامهم قبلوكي وانتي هذا مو تخصصك معناته هم عارفين هذا الشي وحاسبين حسابهم انهم يأسسوكي صح.. عشان تتطمني راسلي رئيس البرنامج بنفسه،،ارسليله ايميل قوليله انو انتي متخوفة من كذا وكذا وهل يضمنولك انك تكوني متأسسة صح قبل ماتتعمقي في التخصص؟؟ هو احسن شخص تستشيريه،، وياما ناس درسوا البكالوريوس في شي ودخلوا الماستر شي ثاني بدون تأسيس او مواد تكميلية ومشي حالهم
    انا دراستي صحة اسنان واخذت مادة موارد بشرية،، فحطت في الاول بس اخذت درجة كويسة في النهاية ههههههههه


    الله يوفقك ويكتب لك الصالح من عنده،، ولو عندك اي سؤال واقدر اجاوبك راح احاول قد ما اقدر اساعدك بإذن الله

    بالتوفيق
    7 "
  3. ترى عشان تنشري مو شرط يكون بحث كامل،، مجرد انك تبحثي عن موضوع في المقالات المنشورة والكتب وتجمعي معلومات عنه وتكتبيها بطريقة مختلفة عن اللي سبقوكي هذي ورقة تستحق النشر.. هذا اللي انا قاعدة اشتغل عليه دحين
    7 "
  4. المشاركة الأصلية كتبت بواسطة hmayoub
    ترى عشان تنشري مو شرط يكون بحث كامل،، مجرد انك تبحثي عن موضوع في المقالات المنشورة والكتب وتجمعي معلومات عنه وتكتبيها بطريقة مختلفة عن اللي سبقوكي هذي ورقة تستحق النشر.. هذا اللي انا قاعدة اشتغل عليه دحين
    فهمت عليك يعني اعمل تلخيص لموضوع معين وأكتبه بطريقتي
    يا شيخه روحي الله يستر عليك دنيا وآخره صراحه أعطيتني امل وتفاءل
    شكرا لك انك خصصتي من وقتك للشرح
    الله يجعله في ميزان حسناتك
    7 "
4 من 4 صفحة 4 من 4 ... 34
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.