استفسار بخصوص تعبئة ابلكيشن المعهد وارساله ساعدوني
السلام عليكم ورحمة الله وبركاته
عندي استفسار بخصوص التسجيل بالمعهد
انا راح اراسل المعهد التابع لجامعة اريزونا ستيت
وابغى استفسر عن كم شي
اولا : انا كيف راح ارسل الورق عن طريق البريد لو عن طريق البريد هل اسوي سكان للورق زي صورة الجواز الاولى والا كيف لانه مو معقول ارسلهم جوازي ؟؟
ثانيا في حال برسله على ايميل المعهد اسوي سكان للابلكيشن بعد مااعبيه بيدي وارسله والا كيف
والرسوم اللي عباره عن 105 دولار احولها لهم عن طريق البنك او اعطيهم رقم البطاقه لاني انا والمرافق من نفس الحساب بنرسل حسساب البنك ؟؟
يعني بصراحه حايسه للان وماصدقت ربي ييسرها لي وتتسهل هالبعثه ساعوني ربي يوفقكم
رد: استفسار بخصوص تعبئة ابلكيشن المعهد وارساله ساعدوني
اذا بالبريد ارسلي صورة الجواز فقط
ولو بالايميل اطبعي الابلكيشن وعبيه وسوي له سكان وسوي للجواز سكان وارسليه مع الاوراق المطلوبة
بالنسبة للرسوم فيه طريقتين
اما تعبين نموذج الدفع ببطاقة الائتمان وهم يعطونكم النموذج او يكون من ضمن الابلكيشن
او
تروحين للبنك وتطلعين شيك مصدق باسم المعهد بمبلغ الرسوم وترسلينه بالبريد
رد: استفسار بخصوص تعبئة ابلكيشن المعهد وارساله ساعدوني
وعليكم السلام ورحمة الله وبركاتــه
بخصوص الأوراق والمتطلبات يمديكي ترسليها عن طريق البريد أو الفاكس أو الايميل ،
طبعا الأفضـل عن طريق " الايميل " ،
جواز السفر والضمان المالي الخاص فيكي وشهاداتك + أبلكيشن المعهد ،
كلها تنرسل على الايميل : aecp@asu.edu
اقتباس :
اقتباس:
- Email, fax, and/or mail Application, Statement of Financial Guarantee, and application fee to AECP
-Email: AECP@asu.edu
-Fax: (480) 965-8529
-Postal mail: American English and Culture Program,Arizona State University, Box 873504, Tempe, AZ 85287-3504. U.S.A.
-Express mail: Arizona State University, American English and Culture Program, Attn: Box 873504, 1711 S. Rural Road
Tempe, AZ 85281 USA
دا أبلكيشن المعهد تطبعيه واتعبيه واتصوريه باالاسكنر : هنـــــــــا
عندك في خانة دفع الأبلكيشن 105 $ تعبين بيانات البطاقة اللي راح تدفعون منها ،
(Credit card (Visa, Mastercard, Discover: نعلم صح على المربع اللي أمامها .
# : راح نشوف مربعات ندخل فيها رقم البطاقة " الظاهر على البطاقة " .
Exp. : نكتب تاريخ انتهاء البطاقة " شهر / سنة " الظاهر على البطاقة .
لو عندك استفسار ارسليلهم الاستفسار على الرابط : global.asu.edu/aecp/contactus
مواعيد بدء الدراسـة " التقويم " : Calendars | ASU Global Education
* تعبين الأبلكيشن بشكـل كـامـل .
نفس الطريقة اللي سويتيها يسويها المرافق الكريـم ،
الاختلاف يكون في شي واحــد فقـط ،
انتي ترسلين " الضمان المالي " المرافق يرسـل " شهادة بنكية " يستخرجها من البـنك واتكون الشهادة موجهة إلى " Arizona State University "
للإطـلاع : Arizona State University-AECP, Tempe, Arizona - Study in the USA
بالتوفيـق يــارب
رد: استفسار بخصوص تعبئة ابلكيشن المعهد وارساله ساعدوني
هلا فيك
الابلكيشن تعبيئتة سهله جداً
مثل ماقال لك اخونا اللي فوق تقريباً نفس الخطوات
لازم يكون عندك بطاقة فيزا او ماستر كارد عشان يخصمون رسوم الابلكيشن
١٠٥ دولار
بعد ماتعبي الابلكيشن تسوي له سكان وترفق معه آخر شهادة دراسية وصورة الجواز والضمان المالي
وترسله على ايميل المعهد اللي هو
aecp@asu.edu
واذا بغيت اي شئ راسلني عالخاص وان شاء الله بسوي اللي اقدر عليه
انا ادرس في نفس المعهد من ٩ شهور تقريباُ
رد: استفسار بخصوص تعبئة ابلكيشن المعهد وارساله ساعدوني
جزاكم الله خير
شكلي بعتمد طريقة الشيك ماعندي بطاقة ماستر كارد واحس صعبه اعطيهم رقمها مع ان الجامعات مضمونه
الله يوفقكم جميع لما يحبه ويرضاه
رد: استفسار بخصوص تعبئة ابلكيشن المعهد وارساله ساعدوني
FALL 2012
- Session 1: Aug. 22 - Oct. 17
- Session 2: Oct. 23 - Dec. 20
SPRING 2013
- Session 1: Jan. 4 - Mar. 1
- Session 2: Mar. 6 - May 7
حبيت اخذ رايكم بشغله اي سيزون تفضلون اسجل اخاف اسجل باكتوبر وتطول اجراءات القبول والفيزا واخاف اسجل ببداية 2013 يشوفون الوقت متاخر ويكنسلون البعثه ؟؟
بعدين بستفسر عن شغله لازم اخذ سيزون ون وتو مع بعض ؟؟ او سيزون واحد ؟؟
رد: استفسار بخصوص تعبئة ابلكيشن المعهد وارساله ساعدوني
ما ادري عن اجراءاتك فما اقدر افيدك متى تسجلين وبالنسبة للسشن هذي 4 مواعيد تقدرين تبدأين في اي واحد منها وكل سشن منفصل عن الثاني وفي كل سشن تاخذين مستوى في اللغة