فرضآ وتزوجت مبتعثه , كيف الوضع مع الملحقية !؟

الموضوع سهل مع الملحقيه
وانا باذن الله حاط عيني على مبتعثه
بس ادعي ربك يسهلها من ناحيه المصاريف والقروض

بصراحه شفت الموضوع وتذكرت واحد من الاصحاب العزيزين علي ..
حصل معه موقف في هذا الموضوع ..

اتذكر أنه سبق وخبرني أنه كان ناوي يتزوج وشجعته على هذا الموضوع وسألته اذا هو في باله احد وكان مستحي يقولي بس مع شوية ضغوطات بالكلام قالي ابي اخت فلان ..
طبعا الرجال هذاك انا اعرفه عجل الله يهديه ويصلحه .. فقلت له خلاص اذا انت تبيها على سنة الله ورسوله وصامل بالموضوع اروح انا وياك للرجال وانا اكلمه لك .. قال لا ماعليك انا مضبط كل شي وبروح له ..
الموهم راح له الرجال وهو مجهز الكلام وناوي يعطيه خطبه بمقدمة الكلام عن الزواج والرجال حفظ له كم حديث وكم ايه من القران الله يجزاه خير مجهز نفسه ..
ولما حب يفاتحه بالموضوع .. ضاعت علومه من الحياء هههه .. ومن زود ماهو متلعثم بالكلام .. كان يبي يقول للرجال انه جاي يكمل دينه بأخته ويطلبها على سنة الله ورسوله ويبي يشوف اذا هي واهلها موافقين والا لا ..
راح وقاله فلان أنا جايك بخصوص اختك فلانه ..! هذاك سمع اسم اخته وطار عقله وطير عقل الرجال معه .. قاله وش فيها اختي وصار بينهم مشاده بالكلام وهذاك يبي يهديه وهذا انجن ههههه
الموهم الرجال من زود الخوف والوضع الحرج اللي هو فيه انحاش من البيت ماقدر يتصرف .. وجاني على طول وعلمني بالسالفه كلها ..
فقلت له خلنا نروح نلحق الرجال قبل لايصير شي مانبيه .. وفعلا رجعت معه ورحنا للرجال ودخلت عليه لحالي وهديته وفهمته بكل شي ...
والوضع انضبط وبدال الكشره صار يتبسم ويتعوذ من ابليس ..
وبعد كم شهر رجعوا السعوديه وملكوا .. ولما رجعوا امريكا باقي على الملكه وقعدوا للصيفيه اللي فاتت وتزوجوا بالسعوديه وردوا ..
الملكه صارت بالكريسميس والعرس صار بالصيفيه ..

وكل ماشفتهم اقعد اضحك على المعرس والنسيب ههههه اقولهم سبحان من جمعكم هههههههه

الشاهد بالقصه .. أن الزواج سنة الحياه .. والقلب ماهو بيد الانسان .. فمن الممكن أن قلبك يميل لاحد .. اذا حسيت أن هذا الشيء من صالحك .. ادع الله أنه يثبتك على دينه ويزيد بقلبك الايمان ويرزقك ببنت الحلال اللي تستر عليك وتستر عليها وتعينك على دينك وتعينها على دينها ..
وماهو عيب ولا حرام أن الشخص يعجب بمبتعثه او ببنت بشكل عام ويطلب يدها للزواج .. بل على العكس هذا هو الصح ..

فأي شخص يريد أن يتزوج .. لابد له ان يستخير الله اولا .. ومن ثم يقرر .. واذا قرر بالزواج .. فالافضل أن ياخذ معه أحد قريب منه يتكلم عنه .. لاجل يتفادى الاخطاء مثل ماحصل مع صاحبنا ..
لان الحياء احيانا يضيع السالفه مثل مايقولون ..


والله يوفقكم جميع يارب ويرزقكم ببنات الحلال اللي يسترون عليكم وتسترون عليهم وتعاونون بعض على دينكم ومرضاة ربكم في دنياكم واخرتكم ..

أخوكم محمد .

هههههههههه لا ان شاء الله ما اروح لحالي اذا لقيت بنت الحلال
اللهم آمين يا الطيب , والله يويفقك وييسر عليك ويستر عليك والمسلمين

يا طيب الملحقية لم تتكفل في حفلة العرس ، كل السالفه ان الملحق الثقافي الدكتور محمد العيسى حضر الزواج دعما معنويا للمتزوج .
لا يجي بكره واحد ويرسل طلب تعويض على البوابة الاكترونيه طلب تعويض حفلة زواج ههههههه . انتبهوو ترى الملحقية ما راح تدفع لكم .

تزوج الشفراء فرعا طول ... ودع غبيه الفكر سوداء الركابين
لبست من الآي يقلن اريد فستانا بالفي ريال على الأقل إذا حان زواجا للقرابين
امريكيه ذكيه فطنه ... ولا هي للأسواق والمولات من الرواد المجانين

^^^^^^^^^^^^^^^^^

كل ٍ يرى الناس بعين طبـعـه

آسف اخالفك الراي عزيزي
اخذ وحده من عاداتي وتقاليد
فاهمه علي وفاهم عليها
ابرك من اني اتزوج وحده
بكراء اذا جو عيالنا - ان شاء الله -
ما تعرف تربيهم زين الناس
و اذا طفشت من حر الرياض
قالت طلقني واخذت ورعاني !!!
ابد ما ابي غير سعودية ولو طال الزمان والتكلفه

دامك فتحت الموضوع عندي سؤال للمقبلين على الزواج
انا باذان الله بتزوج لاكن اهلي ما بساعدوني بشئ والسبب حالتهم الماديه
فكرت اخذ قرض على مكافئتي
هل اقدر اخذ قرض من بنك سعودي على مكافئتي وانا طالب ؟

كل واحد يشوف الناس بعين طبعه ...... ههههههههههه ضحكتني يا الأشقر من جد الأيكال دي ينطبق عليها مثل ( أعور ويتنقور) هههههههههههه اخويا صاحب الموضوع فكر كويس و اترك عنك كلام الجهلة و النافهين و اكيد إنت إنسان عاقل و واعي و تعرف إيش تختار لإنه في النهاية دي حياتك الخاصة و اتخلي المتخلفين من اراذل البشر يأثروا عليك و شكرا

اعرف كثير مسووينها عادي

والشي الحلو انكم كلكم مبتعثيين انت وهي تاخذون مكافاة مبتعث مو واحد مرافق وواحد مبتعث

حتى لو كنتو لغه الا جامعه يعني احسن من الي يتزوج بالسعوديه ويرفق زوجته تنزل لها مكافاة مرافقه لين تدخل الجامعه


موفق،