لأصحاب الخبرة في تجمعات الامريكان
السلام عليكم
انا جديده في امريكا واتتني في المعهد امرأة امريكية تتكلم عربي ذكرت انها اشتغلت في الخليج وبعد تبادل الحديث اخذنا ارقام بعض وقالت اذا ماعندكم مانع نتقابل قلتها اذا في شي اتصلي
اتصلت في اول ويكند وعزمتني على حفلة شواء في مكان عام انا وزوجي لكن انا متردده ماقد طلعت مع غرباء الي لديه خبره ياليت يفيديني ابي احتك مع الامريكان بس متخوفه من طريقة عزيمتها
رد: لأصحاب الخبرة في تجمعات الامريكان
ههههههههههه والله مالي خبره في الموضوع ولا كان قلت لك
بس صراحة موقفك مرعب ومضححححححك هههههههه
وبدت الوسوسة ههههههههههههههه
رد: لأصحاب الخبرة في تجمعات الامريكان
دام الحفلة شواء والمكان عام
انا اشوف عادي روحوا واحتكوا فيهم واستفيدوا من المحادثات معهم
من وجهة نظري الشعب الامريكي فريندلي وخصوصا في الحفلات
تقدر تأخذ وتعطي معهم وتتعرف عليهم وتتناقش في اي موضوع تحبة
وما اتوقع فيه شئ يدعو للخوف خصوصا ان المكان عام والحفلة للشواء والوناسة
بالتوفيق ان شاء الله
رد: لأصحاب الخبرة في تجمعات الامريكان
صحيح الشعب الامريكي فرندلي بس برضو شي غريب وشخص ماتعرفه
رد: لأصحاب الخبرة في تجمعات الامريكان
حظك جميل جداً أن تتعرفي عليهم من أجل تقوية جانب اللغة لديك.
لا تتخوفي من مسألة عدم الفهم لك لأن لديهم خلفية في التعامل مع الغرباء.
الموضوع مفيد لك والفرصة مواتية للاحتكاك بهم.
ربنا يوفقك
رد: لأصحاب الخبرة في تجمعات الامريكان
لا تخافين ولا شي
هم كذا عزايمهم
وزي ما انتي تبين تحتكين عشان تتعلمين انجليزي هم نفس الشي يبون يتعلمون عربي
لا تخافين المكان عام ومعك زوجك ويبين الناس المحترمين من تجار المخدرات مثلا فا انتي نفسك بتميزين اذا هم شبهه
موفقه ،
رد: لأصحاب الخبرة في تجمعات الامريكان
توكلي على الله وروحي هي سكنت بالخليج معناته عارفه طبايعنا
سو ماله داعي الخوف ..فرصة وجاتك
وان مارتحتي اطلعي وامشي :)
رد: لأصحاب الخبرة في تجمعات الامريكان
رد: لأصحاب الخبرة في تجمعات الامريكان
قد تكون مبشره تحاول تغير دينك لا توثقين فيها ابد بس مافي مانع تشوفين وش عندها مع العلم معك رجلك
رد: لأصحاب الخبرة في تجمعات الامريكان
اقتباس:
المشاركة الأصلية كتبت بواسطة NORTHy
قد تكون مبشره تحاول تغير دينك لا توثقين فيها ابد بس مافي مانع تشوفين وش عندها مع العلم معك رجلك
هذا الي كنت افكر فيه حسيت انها مستشرقة لانها ايضا وقت المقابلة ذكرت انها تودينا ايضا الكنيسة