استفسار اذا وصلت واشنطن على الخطوط التركية هل تستقبلني الملحقية

اللي اعرفة انه فيه مندوب من الملحقية الثقافية
يكون متواجد على وقت وصول رحلات الخطوط السعودية
اما بالنسبة لشركات الطيران الاخرى ماعندي خلفية
بس اذا انت مبتعث عبي طلب اشعار بوصول مبتعث الى واشنطن
من موقع الملحقية على الرابط التالي وشوف وش يردون عليك

إشعار بوصول مبتعث جديد الى واشنطن العاصمة

بالتوفيق ان شاء الله

شكرا الله يسهل امورك

خذ نصيحتي وعلى مدينة دراستك .. كل شيء صار بالنت .. بس بتخسر فلوس على الطيران وعلى الفندق وما لها داع

اخوي الافضل تروح على مدينتك مباشره
لان وجودك في واشنطن وخصوصا الملحقيه ماله داعي
كل شي عن طريق موقع البوابه

ولكن اذا بتوصل واشنطن
اول ماتخرج من بوابة المسافرين بتحصل لوحة للملحقية الثقافيه
بس أوقف عندها وبيجيك الموظف
وبيوصلك للفندق مجانا

توصل بالسلامه

مشكور علي الردود
بس الي قريته من بعض الاخوان انه الملحقيه سمعتها جدا سئ ولا زم اول مره امر عليها علشان ما اتبهذل مثل يكون تاخير بالضمان المالي وغيرها

هذا الكلام أول .. لكن الآن الوضع تحسن شوي .. وايضا هم ما يعطونك وجه لو رحت لهم لأن اللي بيستقبلك بيعطيك أوراق ويقول لك عبها ووووو ثم يقولك انتظر بالفندق إلى بكرة واليوم الثاني يعطيك أوراق فيها رقم ملفك وورقة ثانية خاصة بالتأمين الصحي ويقول لك توكل على الله

وكل هذي أنت تقدر تسويها اون لاين .. ولا تخاف بتلقى شباب بمدينتك ذيابه وبساعدونك ويهتمون فيك

شكرا اخوي وما قصرت الله يسهل امورك وامور الجميع
ومعلوماتك فادتني

السلام عليكم
كلام فاضي والله لي اكثر من شهرين ما عمري دخلت الملحقيه
واموري خلصتها من النت
وخلال اسبوع وانا فاتح ملفي ومرسل لهم صورة الشيك ومخلص كل شي
اهم شي تابع مواضيع الاخوان هنا كيف طريقة فتح ملف
وجهز مستنداتك والصور كامله وما يكون حجم الصوره اكثر من 500
وافتح ملفك وانت في الفندق اول ما توصل بالكثير باالكثير 4 ايام وهو مفتوح باذن الله
انا اكلمك من تجربه وبكيفك
واي استفسار انا جاهز
تحياتي

مشكور الله يسهل امورك ومعلوماتك مفيده وكمان معلومات الي شاركو مفيده ما قصرتم