كم انت مظلوم أيها المرافق

يا الكنج صالح افهم الايات وكملها هنا المبتعث والمرافق نفس بعض يتم الصرف عليهم وين القوامه في الموضوع ؟!
مرافق ولكن بتعرف ايش مشكلتك نضرتك للامور اذا كذا تفكرون صدقني مشاكلك ما راح تنحل ليه مو كلكم في الهوى سوا تدرسون ويتم الصرف عليكم
اتركوا عنكم العقده الاجتماعيه انا اتحكم؟ ولا هي تتحكم ؟نضره قاصره للاسف ودايم الي كذا يفكر يعيش طول عمره بمشاكل وبالتوفيق للجميع

انا مبتعث ومعاي اخوي التوام والحمدلله كل واحد فينا مبتعث من برنامج خادم الحرمين ماني مرافق او عندي مرافق انا فقط تعليقي على
صاحب الموضوع وتعليقي عليكي انتي كمان ...

السلام عليكم

موضوعك موضوع عايلي بحت وما احد يقدر يفيدك بدون معطيات او اسباب لكن اتمنى تتفاهم معها بالطريقه المناسبه

يعني مثلا اذا ماتحب تطلب منها ونشوفها استردت القوامه منك تقدر تستخرج بطاقتين للحساب اللي ينزل عليه الراتب

بالنسبه لي مثلا ما احب اطلب من بنت ابدا ( و مع اني ما اشوف فيها شي اذا طلبت من اختي) بس حنا مجتمع جرت العاده نعطي البنت مو ناخذ منها

وبالاخير يعتمد عليكم ترا انتم اخوان !!! ما اعنقد الفلوس حتفرق بينكم

واغلب المشاكل بين المرافق والمبتعث في كيفيه صرف المكافئه واغلب الاحيان ما تكفيهم خاصه اذا كان واحد منهم يده مفروطه!!!

وان جيت للملحقيه ياليل مطولك هههههه تنقط مشاكل . ابعد عنها وتخف مشاكلك خخخخخخخ

انا لي اسبوعين اطالبهم بضمان مالي وهم نايمين بالعسل يعني ادرس الحين ع حسابي. ومن شاف مصيبه غيره خفت مصيبته.

بالتوفيق للجميع

تحكم في الرجل !!!!!
الحرمة اذا كانت مسؤلة عن المصرف = تحكم في الرجل
الرجل اذا كان مسؤل عن المصرف = رجال بحق
الحرمة اذا قالت انا السبب في الخير اللي انت فيه = ناقصة عقل ودين
الرجل اذا قال لـ الحرمة انا اللي اوكلك واشربك و الخير اللي انتي فيه من ورايه = سرد لـ الحقائق لا اكثر
( مالكم كيف تحكمون ) !!!!!!!!!!!!!!!!!!!!!!!!!!!!!!!!!!!!!!!!!


النظام يقول
المبتعث الاساسي يحق له مكافأة واذا وجد المرافق تصرف له مكافأة اذا لم يوجد مرافق فـ يصرف مكافأة لـ المبتعث الاساسي فقط
بـ معنى المكافأة الاساسية لـ المبتعث وتصرف مكافأة لـ المرافق فقط لـ مساعدة المبتعث في تدبير شؤنه
لاحظوا اني استخدمت لفظ مبتعث على اطلاقه ويشمل الرجل و المرأة
فـ المبتعث هو اللي رح يصرف و يتحمل تكاليف المعيشة وليس المرافق ولذلك مكافأة المبتعث اعلى من المرافق
بـ المنطق اللي تتكلموا فيه انه المرافق يدرس وانه السبب في خرجة البنت فـ المفترض من الاساس دام انه له هـ الدور العظيم في حياتها انه تكون
مكافأتهم متساوية مو احد اعلى من احد !!!
علما بانه فيه بنات مرافقينهم عااااااااااااالة عليهم وفيه بنات طالعين بدون مرافقين وما شاء الله ستر وادب وحياء وفوقها شاااااااااااااطرة في دراستها
لكن المبتعث هو الاساس وهوه اللي بسببه سافر المرافق وقدر يكمل دراسته والا هوه اساسا ضيع فرصة ولو كان ما ضيعها كان مبتعث اساسي وليس مجرد
مرافق بـ العكس البعثة اعطته فرصة ثانية المفروض انه يحمد ربه عليها

كلامي هذا مو تأييد لـ تصرف البنت اللي انت مرافق لها وانما ايضاح حقيقة لا اقل ولا اكثر
اما سالفة انها تكسر عينك بـ هالكم دولار فـ هذي المفروض من اساسها ما تصير لو البنت عندها ذرة عقل او شوية تربية >>> سوري على الكلمة بس عمري ما شفت بنت
عالم وناس تذل اخوها او زوجها بسبب فلوس
اما لو الموضوع مجرد انك تستحي تطلب منها فلوس فـ هذي مشكلتك انت مو مشكلتها هي

بخصوص الاخوان اللي يقولوا المفروض انها تحمد ربها انك اتخليت عن كل شيء عشانها
خلونا نكون صريحين شوي
اي بنت تطلع مرافقة لـ زوجها او اخوها هي في الواقع ما اتخلت عن اي شيء انما فرصة وجاتها عشان تسافر و تهايط شوي اني عايشة
برى السعودية
واي رجال يطلع مرافق مع احد محارمه هوه ما اتخلى عن اي شيء اما انه خلص دراسته وجالس في البيت لا شغلة ولا عملة او انه حس انها
فرصة عشان يحسن من وضعه ومستواه المعيشي ويدرس على قفا الملحقية وينضم لـ البعثة دون اي مجهود بـ العكس بـ مجهود المبتعثة اللي شادة
حيلها
بدليل عدد المواضيع الكثيرة اللي بنات يحكوا فيها عن محارمهم اللي وعدوهم بـ انهم يرافقوهم واخلفوا وعودهم بـ مجرد ما جاتهم فرصة عمل سنعة


استغربت بعض الردود اللي يقولوا هددها
واللي يقولوا روح واتركها
اخوي لو البنت ما فيها خير وما يبان بـ عينها فـ انت عقلك كبير المفروض انك ما تتخلى عن محرمك و عرضك عشان فلوس
وهي مصير الزمن يجيبها و ترجع لك
ركز في دراستك وشد حيلك وافصل بعثتك عن بعثتها وينزل لك راتبك معزز مكرم
اما انك تخلي فيها وهي بـ نص الطريق والله هذي مو رجولة المفروض فيك كـ رجل بصحيح انك تلتمس لها العذر يمكن هيه مضغوطه
يمكن مصرفكم كثير وانت مو حاسس يمكن فيه التزامات معينة لازم تأدونها وانت ناسي
فيه سبعين الف احتمال واحتمال
فـ طول بالك و خليك اعقل الطرفين

أسأل الله العظيم في هـ اليوم انه يحنن قلوبكم على بعض و تتصافى الخواطر بينك وبينها

الله يهديكم لبعض

كلام اوكاسيا عين العقل والحكمه وافضل بمليون مره من ردود الرجال في هالموضوع ياااااا رجاااااال ؟؟؟؟؟

الله يهديكم ترا الغربه تلعب دور بالنفسيه و تحلى بالصبر يااخوي

اخي الغالي...
اولاً هذا مشكلة عائلية من الدرجة الاولي...! ولكن نفيدك ان شاء الله

ثانياً: قراءة من طرف واحد ولا نعرف من الطرف الثاني..

ثالثا: اخي الحبيب اخي الغالي عمر الزعل والتشتت مايجيب نتيجة اذا اانك مرافق مع اختك او زوجتك يااخي الغالي لا زم تحل المشاكل بينكم بكل هدواء لا تخلي المشكلة تكبر اكثر من كذا تجلس معها في ساعة واحده تحل مشاكلكم..مافيها شئ اذا انك تسلم على يدها او راسها اخبرها انه مافي احد غيرك في هذا الغربة وانا اخوكي او زوجك سندكي بعد الله لازم انكم تكسر الحاجز بينكم انتم تعيشون مع بعض هذا تجرب في العمر مره واحدة قبل ان يكبر يحصل تفرقة بينكم إلي الابد يكون هناك قطع للارحام هذا لا يجوز لازم تحل المشكلة انت رجل عاقل المراءة مهما حصل منها فيه ضعيفة وكذلك تذكر وصية الرسول صلى الله عليه وسلم رفقن بالقوارير ..يعني المراءة من السهل كسرها فاتق الله فيها مهما يحصل منها ... وهناك دراسة تثبت بان المراءة اثناء الدورة الشهرية تكون نفسيتها زفت ومزاجها معكر ولا تطيق احد وهذا شئ طبيعي لازم تكون عارف الشي هذا ربما تكون الغربة مأثره عليها فتكون حازمة نوعاً ما فهذا طبيعي اخي الكريم الله يهديكم لبعضكم اتمنى لكم التوفيق في دراستكم وهذا فرص وتجربة في حياتكم لن تتكرر..

صراحة انا ضد الملحقية في اشياء كثير الا مشكلتك هذي .. انت تبي الملحقية تتدخل في مشاكلك الخاصة ..؟ الملحقية دورها الاساسي حل مشاكل الطلاب العلمية وليست الشخصية .. مشكلتك مع مرافقك تحلها بنفسك الملحقية مالها دخل ..

الله يعينك و يعين المسلمين