الأعضاء الإشتراك و التسجيل

الملتقيات
ADs

مااعرفت اكتب عنوان بس الموضوع عن الوزاره و الملحقيه الطالب الي هو الضحيه ومكاتب القب

مااعرفت اكتب عنوان بس الموضوع عن الوزاره و الملحقيه الطالب الي هو الضحيه ومكاتب القب


NOTICE

تنبيه: هذا الموضوع قديم. تم طرحه قبل 1980 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الامورة
    الامورة

    مبتعث مميز Characteristical Member

    الامورة الولايات المتحدة الأمريكية

    الامورة , أنثى. مبتعث مميز Characteristical Member. من السعودية , مبتعث فى الولايات المتحدة الأمريكية , تخصصى MSIS , بجامعة جامعة الحياة
    • جامعة الحياة
    • MSIS
    • أنثى
    • كوكب الارض, درب التبانة
    • السعودية
    • Jan 2010
    المزيدl

    July 11th, 2012, 04:28 AM

    كيف الحال للجميع والله يتتم علينا شعبان ويبلغنا رمضان ونحن في خير وصحة ةسلامة وعافيه وسعة رزق ....
    بصراحه ابغي اناقش موضوع
    الي هو وزاره التعليم العالي الي قائمة على موضوع الابتعاث الي امتد للسنين هذي وان شا الله يستمر بس المشكله انهم مستمرين يرسلو طلبه لامريكا
    الي استغرب منه الووزاره مقفله جامعات كتير لاسباب كتير منها تكدس طلبه او مشاكل مع الجامعه او تقيمها صعيف واسباب ....الخ
    بس في جامعات الي بتقبل الطلبه كتير منهم رفعو درجات الايلتس للطلبه ....في الجامعات حقت فكة ازمه للطلبه عندهم مشاكل في القبول وتختلف الاسباب بالنسبه لطلبه الماستر او البكالوريس رفعو درجاتهم كمان يعني العلامه الي كانت تمشي الحال ماعادت تنفع..
    يعني طالب الماستر الي تخصصه يحتاج جيمات او الطالب الي يحتاج جي ار ايه راح يضيعو لاسباب فتره سنه و6 شهور مو كافيه للبعض انهم يوفرو متطلبات الجامعات .....
    وبالذات الطالب الي يجي انجليزته ضعيفه ترا يتعرض لمرحله الازمه الي هي اصعب مرحله ممكن تعدي على الطالب وهي مرحله محاوله الحصول على القبول وقرب انتهاء التمديد ...

    المفروض اي طالب مقبل على الابتعاث يفكر انه يدرس انجليزي من السعوديه لانو اكيد راح يكون لمصلحته وممكن تختصر عليه الكثير من الوقت في معاهد اللغه ...

    بالنسبه لطالب البكالوربيس يعاني كمان من ده الشي بس بدرجه اقل من طالب الماستر والدكتوراه لقله المتطلبات مقارنه بده المرحلتين (خبره - اختبارات قياس بعلامات عاليه...الخ

    في النهايه المعاناة وحده والتعب حق الانتظار صعب لجميع الطلاب ....

    ولكن الي استغربه من زاره التعليم او الملحقيه في ظل الضغط الهائل على الطالب ليش ماتدعم الطلبه من ده الناحيه ولا هي اصلا متعمده ده الشي زي كتير رجعو واكتفوا بالانجلش فقط بسبب معاناة القبول ..
    اتوقع واكيد هم عارفين انو معاناه القبول هي الي بتوقف في وجه اغلب الطلبه الي رجعو للسعوديه وللان مارجعو امريكا...

    واخيرا ابغي افهم ليش مكاتب القبولات تاخد من الطالب المبلغ الفلاني وتطلعه بالشهور في الوقت الي القبول في الحقيقه مااياخد داك الوقت ؟؟؟؟؟؟؟؟؟؟؟ 100 علامه استفهام على ده الحركه من المكاتب
  2. من رأيي الشخصي من المفترض بإن الوزارة قبل لا ترسل الطلبة تعملهم اختبار لغة لتحديد مستوى اللغة بغض النظر عن مرحلة الطلبة الدراسية ،

    شافو بإن الطالب أو الطالبة مستواهم تمام يصير يبتعثونهم واتكون أمامهم فرصة " سنة و 6 شهور " نفس النظام الحـالي ،

    شافو بإن الطالب أو الطالبة مستواهم " مش ولابد " يصير يدرسون في معاهد مخصصة والوزارة محددتها لفترة 3 شهور ، وبعدها يعملون اختبار لهم وعلى ضوء الاختبار يتحدد بإن الطالبـ / ـة يبتعثون أو لأ !! ؟

    طبعا عارف بإن البعض رافضين الفكرة ! ،

    لأنو بصراحة داخل قرارة نفسي " رافض الفكرة " بسبب إنها راح تعطل آمال وطموحات الكثـيـر !

    لكنها الحـل الأنسب للحصول على نتائج أفضـل وأسرع بإذن الله ، خصوصا بإن البعض طالعين ابتعاث من مبدأ :

    رايح على حساب الدولة فروح جرب حظك ونصيبـك !! ؟؟

    بخصوص مكاتب القبولات فأكيد إنهم راح يطولون " حـركة ذكـيـة ! "

    على أساس يوضحون للطالبـ / ــة بإنهم حايسين مع القـبـول اللي إجراءاته متعبة ومرهقـة !

    وعلى هذا المبدء فالمكاتب تستحق عمولة تعبهم المبالغ فيهـا كليـا ،

    بينما في الواقع كلها كم خبطة كيبورد ورسالة أو رسالتين للمعهد " للاستفسار " ،

    أو البدء في التقديم على المعهد اللي مايستغرق زمنيا " ساعة " كمبالغـة وباقي الأمور تواصل بالايميـل ،


    الله يوفق الجميع لكل خيـر يـارب

    7 "
  3. بنظري 75% من حالات المبتعثين هي تعثرنا باللغة ..

    لذا أقترح على المسئولين بالتعليم العالي التالي:
    عند قبول طلاب اي مرحلة ما وبعد القبول النهائي حيث لم يتبقى إلا البحث عن قبول جامعي ببلد الدراسة .. يجب ويلزم ولابد من أخذ الطالب/ الطالبة كورس لمدة سنة توفره وزارة التعليم العالي هنا بالسعودية وتتعاقد مع جهة لها خبرتها وقوية بعيدا عن الكسب والغش التجاري البحث وهناك أمثلة ( معهد الإدارة بالرياض- معهد المجلس البريطاني الثقافي بالحي الدبلوماسي- أو سنة تحضيرية بجامعة الملك سعود شريطة أن يكون المدرسون أجانب) طبعا لا بد من مراعاة المدن وأماكن سكن الطلاب على أن لا تتعدى الرياض وجدة والدمام وتبوك وأبها حتى نكون عادلين ونغطي أكبر قدر ممكن من اماكن سكن الطلاب والطالبات

    بعد الانتهاء من هذه السنة ومن خلال الحصول على درجة معينة مثال 5 في الايلتس - أقل من كذا تلغى بعثته - يتم ابتعاث الطالب لأي معهد هو يختاره ولمدة سنة واحدة فقط غير قابلة للتمديد لأنه أخذ سنة بالسعودية


    وصدقوني بتنحل مشاكل كثيرة جدا وخصوصا قضية القبول المشروط ،،

    لربما خانتني اللغة أن أوصل لكم فكرتي .. فأستميحكم عذرا إن كنت قاسي أو مبالغ ،،

    وفق الله جميع أخواني وأخواتي المبتعثين وحفظهم الله من كل مكروه
    7 "
  4. المفروض ان كل طالب يبغى يبتعث يشد على نفسه .. من يوم التقديم .. الين تطلع النتايج وبعد النتايج باقي الملتقى ووقت الدراسه اللي يجي بعد فترة طويله
    فالاساس ان من اول ما االواحد ينوي يقدم للابتعاث يسجل بمعهد على طول ويشتري كتب ويطور من نفسه ... او يقرا اون لاين .. يعني في طرق كثيرة عشان اسهل للكل من الناحية المالية
    وايضا اشوف حل ان الوزارة تعطي اختبار تحديد مستوى ويدرسونهم على حسابهم في السعودية لمدة 6 اشهر ( على حسب الاحتياج ولكن لا يتعدى السنة) وبعدين يخلوهم يختبون توفل ويطلعون بدرجة مقاربة لل 60 عشان بعدين يكون عندهم فرصة اقوى في تحقيق القبول الجامعي
    7 "
  5. اتمنى انه رأيي ما يزعج كثيرين
    بس خلونا نكون صادقين شوي و منصفين شوي بعد
    طالب رايح لـ امريكا وجالس فيها سنة كاملة كل كلامه وكل اموره ماشية بـ اللغة الانجليزية وفي الاخر
    مو قادر يستوعب اللغة !!!!!!!!!!
    هذي حلها واحد من اثنين
    اما انه الطالب لعاب نمرة واستمارة ومو هامة المعهد ولا الدراسة
    او انه الطالب فعلا مجتهد لكنه مقضي وقته كله مع شباب سعوديين فـ ممارسته لـ اللغة لا تتعدى ابواب المعهد !!!
    الوزارة حاطة برنامج لـ الابتعاث
    لو بتحط برنامج ثاني لـ اللغة فـ الطالب لا يستحق انه يقضي سنة ونص يرجع يدرس اللغة من جديد
    ثم انه نجاح كثير من الطلبة اللي بدأو من ليفل ون وتفوقهم في اتقان اللغة دليل على انه المسالة محتاجه اجتهاد لا اكثر
    يا جماعة شغالاتنا يجون ما يعرفون كلمتين عربي وثلاثة شهور وهم يرطنون احسن مننا !!! اللغة العربية ثاني اصعب لغة في التعلم
    واول اصعب لغة في الاتقان واتعلموها في مدة بسيطة وواحنا ما نقدر نتعلم لغة تعتبر لغة العصر لا ونهايط في حكينا بين كل كلمة عربي
    والثانية عشر كلمات انجليزي !!!
    فيه بنات كانوا معاي كنت اقول عنهم لو يطلعوا بعثة يخلصوا اللغة في ثلاثة شهور واكتشفت انه السالفة سالفة هياط لا اكثر !!!!!!!!

    أنا أييد انه الوزارة تعرض دورات على مبتعثين الماستر والدكتوراة في الجيمات و الجي ار لـ انها اختبارات قياسية وتحتاج تحضير طويل من الطلبة الامريكان
    فما بالكم بـ السعوديين بس غيرها لا و بقووووووووووووة

    اما بخصوص المكاتب
    فـ انا اقول طلبة المرحلة السابعة والثامنة اهون بكثير من اللي قبلهم لانهم اعطوهم حرية اختيار المعهد او اختيار المكتب اللي يوفرهم القبول
    المرحلة اللي انا كنت فيها كان اجباري يا الوزارة تجيب لك في معهد في مكان مقطووووووووووووع والا تجسير يشيب رموش عيونك عشان يجيبوا القبول
    اما من ناحية مماطلتهم فهذا طبيعي جدا
    اولا يحسسوك انهم يسووا حاجة صعبة انتي ما تقدري تسويها فـ يضمنوا الفلوس
    الشيء الثاني بعض المكاتب الممتازة يكون عليها ضغط من الطلاب فـ طبيعي انهم ما يتفاعلوا مع طلبك بـ السرعة الكافية
    7 "
  6. بصراحه الحال ماينسكت عليه .. كثير منا صاير يتدردب عالبلد بخيبته


    من الاسااااااااااااااااااس شغل الوزاره شييييييييل وارمي شيييييييييييل وارمييييييييييييي لاتخطيط ولايحزنووووون ليش ماتسوووووووووي تعاقدات مع الجامعات اللي لها تصنيف مهم مو لازم من اقوى اقوى الجامعات كثييييير من الدول مسويه تعاقد لطلابها


    اللي بدي افهمه اش بدوووووووو يصير اذا سوت هالشي كثييييييير معاهد بتقبل بدون توفل ولا خرابيط طيب فالملتقيات الجميله ليييييييش ماحصروها لنا اكيد بيوووم بدها تتمتلي بوجيهنا الجميله وتقفل


    بس اسمها مووووووورد مهم لاستيعاب المئات سنويا بدل الركض ع معاهد فاشله والا معاهد مسويتلك فيها جامعتهم ماتقبل الا توفل 89 وطالع وايلتس ست ونص وطالع والله اذا ماعندكم ثقه بكادركم الجميل

    قفلو معهدكم وريحوووونا ..

    النقطه الثانيه هذااااااااااك اول اللي سنه وست شهور كافيه يعني بصراحه اذا مابدهم يكملون السنتين فالله لايجمل حالهم عالست شهور يشيلوها ارحم وهيا صايره زي حبل المشنقه كل يوم نعد كم بقي منها ونترمي بجهنم الرجعه

    لان غالب انتاج هالسنه ونص صاير ابو خمسه وخمسه ونص وست بالكثيييييير ووووووين وووووووين نلاقي عينات تجي ضعيفه بالانقلش وتاخذ ست ونص والا سبع


    وكلوووو وكووووووم وتقفيل الجامعه ع كل التخصصات يعني ياوزراتنا الجميله بتقنعوووووني انكم مرسلينا بالف تخصص وتخصص مطلوب ياحسسسسسره وش مرمينا عليه غير اداريه انفقعت منها بلدنا والا علميه خرطي ماتتناسب مع الادبي

    يعني زي تخصص علم اجتماع باللهي كم سعودي بجامعه سانت انتينو يدرسه عشان تقفلووووها يعني من جد احسهم مشتغلين نكااااله وبس غير الجامعات اللي شغاله ررررررررفع وكان اللغه مويه نروح نصب منها متى مابغينا الله لايبارك فيهم


    فمن جد الحال مزرررررررررررررررري بشكل لايطااااااااااااق لامن تخطيطهم الاهبل ولا من مدرسين البلا اللي بالمعاهد والله العظيييييييييييم شي يشق الوجه من القهر متخيلين معهد جامعه اهايو ستيت من اقوى المعاهد اللي كانو يصجونا فيه

    فيه ناس اعرفهم بلفل 3 يعني اكادييييييمي خلاص مافي لعب

    واللهي استاذتهم تقولهم لو سمحتوووو البرقرافات لاتتعدى خمسه جمل .؟؟؟؟؟؟؟؟؟؟؟؟؟؟؟؟؟!

    باي منطق ذا .. وانا الان باللفل الرابع واللي بعدو يفترض خلاص اخر لفل الى يومكم ماتعلمت كيف ينكتب الرايتنق صح ولا احد يصححلي اخطائي صح كلو مهزززززززززززززززله فايش صار همي انو اتعلم من الكتب حقت الايلتس بدي اعرف كيف ينكتب النوعين وايش احتاج من الفوكاب وبحريقه للغه عني لاتعلمت لاتلخيص ولا بحوث ولا حتى انواع الكتابه

    صار هدفي محصور بالايلتس كيف اعدي الرايتنق اللي فيه وانتو عارفين نموذجين تنحفظ وباسلوب معين وخلصنا منه هذا ليييييييش طبعا لانو محلقيتنا الجميله ماتتابع متسويات الطلبه ولاتسال ليش انخفضو يامعهد العله و لا ليش مدرسينكم كذا


    لا ماشاء الله كل مالهم يكرموووهم برمينا عندهم اكثر والله ولاعاد لنا اي احترام صايرين زي الغنم يجرجو فينا وايش ماقلنا من جنب القده لابيغرو شي ولا بيهتمو من اصله ..


    فلا تقولو اللي بدو يجتهد يجتهد ويجيبها .. الدنيا صارت كووووووووبي من السعوديه السكن المعهد الشارع والله الواحد مهمها بعد عنهم مايقدر بوووووووجه ويش يسوي ينتحر مثلا

    سنتييييييين وهناااااااااااااااا لابالسعوديه ولا يحزنون اللغه اذا مانجابت في بلدها ماحتنجاب فبلدنا واللي مافلح فيها عساه بيت ابوه عالذمه .. بسسسسس خلاص تعبت وتنكدت وفوق ذا والله ولاهمهم شي ولابيغرولنا شي راسهم من راس معاهدنا الجميله

    بس حسسسسسسسسسسسسبي الله ونعم الوكيل ..
    7 "
  7. المشاركة الأصلية كتبت بواسطة زايد الحبابي
    السلام عليكم ورحمة الله وبركاتة --- والله يا اخواني ويا خواتي ما ارافقكم الراي والفكره هاذي صدقني انهاا تحطم الواحد للاسف الشديد {{ وهاذي وجهة نظري }} Greetings
    ماتوافق الراي انو الطالب يدرس في بلده انجلش قبل لا يطلع قصدك؟؟؟؟؟ ولا من ايش تقصد بالضبط
    واش السبب ممكن تطرح وجهة نظرك نفيد ونستفيد
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.