الأعضاء الإشتراك و التسجيل

الملتقيات
ADs

ماهو برنامجك اليومي خلال الآسبوع ؟

ماهو برنامجك اليومي خلال الآسبوع ؟


NOTICE

تنبيه: هذا الموضوع قديم. تم طرحه قبل 2016 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Miss Hayfa
    Miss Hayfa

    مبتعث مميز Characteristical Member

    Miss Hayfa الولايات المتحدة الأمريكية

    Miss Hayfa , أنثى. مبتعث مميز Characteristical Member. من السعودية , مبتعث فى الولايات المتحدة الأمريكية , تخصصى IS , بجامعة -
    • -
    • IS
    • أنثى
    • Moon township, PA
    • السعودية
    • Dec 2011
    المزيدl

    July 11th, 2012, 11:17 AM



    السسلام عليكم ورحمة الله وبركااااته ،،،


    كيفكم ؟؟ عساكم بخير ؟؟


    انا الحمدلله آززقح بس لو القى وقت زياده آكون آحسن حبتين .

    الموضوع ومافيه ،
    آني انا مالقيت وقت أطبخ فيه طبخ زي العالم والنااااس


    بمعنى آخر :

    انا اصحى الصباح الساعه 7 ونص
    افطر واكوي ملابس المعهد
    ارتب شقتي قبل لا اطلع وامشي للمعهد

    ارجع الشقه الساعه 3 ونص الظهر
    اكون تعبانه واروح اخمد
    اصحى الساعه 6 العصر

    وعلى طوول افتح شنطتي واطلع واجباتي ويالله حل ومذاكره وحفظ وتحضير وهذا غير الاختباااااارات الي كل يوم اختبار ورا اختبار

    ماتجي الساعه 11 الا انا منتهيه

    طبعا اكون راجعه من المعهد ميته جوع بس مافيه وقت اطبخ لي غدا
    اصلح لي اي شي ساندوتش اي شي
    احيانا اكتفي بفواكه
    ولا آبي اكل من المطاعم كثير اكلهم يتفخ البطن على غير سنع .

    وبالليل لما اجوع اكون فيني النوم مالي خلق اصلح شي
    اتسحب للثلاجه اكل اي شي جاهز مثل زبادي ولا اي شي القاه بوجهي

    مره مافيه وقت


    حتى احيانا ما يمديني اتقضى للمطبخ ، أأجلها للكويند .
    آحس بيطق فيني عرق

    :
    :
    :

    فسؤالي والهدف من الموضوع

    1/ انتم مثلي ولا انا بس الي كارفه عمري ؟

    2/ وشو برنامجكم من يوم تصحون من النوم لين تنامون؟

    3/ كم ساعه تقضونها للدراسه ؟

    4/ كيف نظامكم بالطبخ ؟

    آفيدوني وافيدو غيري وخلونا نستفيد من تجاربكم

    <= والله وجهي مثل هذا

    اكتئاب غير طبيعي
  2. على حسب جدولي الجامعي ,,

    يوم الاثنين و الاربعاء اول كلاس الساعه 8 الصبح ويوم الثلاثاء والاربعاء 2 الظهر ... يتلخبط جدولك اليومي وماتعرف تنام ..
    بس عموما الصبح تتجهز وتصلي وللجامعه تلخص ترجع تتغدى تريح شوي قيلوله ... وبعدين تقوم تذاكر واذا فيه واجبات تحل .. العشاء اصلح اما اطبخ اذا كان المزاج راايق او اسوي شي خفيف .. بعدين على التلفزيون او البلايستيشن نت فلكس او على الكمبيوتر الين 12 او 1 وتوصل في ايام كثيره الى 4 الفجر بعدين انام
    7 "
  3. نظامك يجيب الانهيار العصبي من اوسع ابوابه
    لا الله يصلحك مو كذا
    شقتك خلي لها يوم بـ الاسبوع تنظيفها من مجاميعه وانتبهي من شغلة امشي و ارمي لانها تهلكك
    في التنظيف
    كل اللي اسويه
    اصحى قبل دوامي بـ ساعة اجهز لي كوفي و ساندويش و زوجي الله يخليه ما يقصر يساعدني بهالشغلة
    اجهز ملابسي و ملابسه ونلبس نطلع الدوام
    ارجع ابلش اجهز لنا الغداء وارتاح لي شوي لحد ما يستوي الاكل
    بعد الاكل ابلش مذاكرة
    بعدها اطقطق على النت وادخل انام
    الشقة تتنظف مرة في الاسبوع وتظل نظيفة اسبوع كامل يصير بس المواعين تنغسل بعد الاكل مباشرة
    والملابس تتغسل بـ الويك اند
    7 "
  4. السلام عليكم ورحمة الله وبركاتة --- انا دوامي من 9 الا 3 ا يومين اطلع اريح شوي اطلع اللعب تنس ساعه او ساعتين وبعده ارجع للبيت اتروش وبعده اذاكر ابو ساعه وبعد اتعشاء وبعده اطقطق نت النوم الساعه 1 او 2 بس اصحا من النوم تعبان
    7 "
  5. السلام عليكم ..

    انا جربت تقريبا كل الأنظمة ولا فادت .. كلها مملة < مدري هو الروتين ملل ولا أنا نفسية .

    عموما برنامجي الحالي :
    - أرجع من الدوام الساعه 3 الظهر أكل اي شئ خفيف وأصلي العصر ونووووم لييييين الساعه 12 أو 1 الليل أصحى وأصلي المغرب والعشاء وأطبخ ومذاكرة وإنترنت وروقان .. عموما هذا النظام رهيب وحلو بس ماقدرت أستمر عليه أكثر من أسبوعين متواصله لأنه متعب شوي بس له مميزات ( أقدر أكلم أتواصل مع السعودية خصوصا من ناحيه فوارق التوقيت تكون مناسبة نوعا ما .. ومن ناحية الإستيعاب في أول ثلاث محاضرات فقط .. ومتابعة مباريات الدوري السعودي إن وجدت ) < نظرا لتواجدي في أستراليا فارق التوقيت 7 ساعات متقدمين عن السعودية ..

    لكن هالنظام فيه عيوب كثير طبعا أولها وأهمها ( صلاتي المغرب والعشاء ) الله يغفر لنا .. ثانيا : اليوم كامل يضيع ما أقدر أروح أشتري أغراض ولا شئ .. وثالثا : محاضرات بعد الظهر مسحوب عليه من الناحيه الذهنيه / هههههههههه



    عموما : حبيت أفضفض وكذا بس


    Regards ,

    7 "
  6. المشاركة الأصلية كتبت بواسطة دبلومي طموح
    السلام عليكم ..

    انا جربت تقريبا كل الأنظمة ولا فادت .. كلها مملة < مدري هو الروتين ملل ولا أنا نفسية .

    عموما برنامجي الحالي :
    - أرجع من الدوام الساعه 3 الظهر أكل اي شئ خفيف وأصلي العصر ونووووم لييييين الساعه 12 أو 1 الليل أصحى وأصلي المغرب والعشاء وأطبخ ومذاكرة وإنترنت وروقان .. عموما هذا النظام رهيب وحلو بس ماقدرت أستمر عليه أكثر من أسبوعين متواصله لأنه متعب شوي بس له مميزات ( أقدر أكلم أتواصل مع السعودية خصوصا من ناحيه فوارق التوقيت تكون مناسبة نوعا ما .. ومن ناحية الإستيعاب في أول ثلاث محاضرات فقط .. ومتابعة مباريات الدوري السعودي إن وجدت ) < نظرا لتواجدي في أستراليا فارق التوقيت 7 ساعات متقدمين عن السعودية ..

    لكن هالنظام فيه عيوب كثير طبعا أولها وأهمها ( صلاتي المغرب والعشاء ) الله يغفر لنا .. ثانيا : اليوم كامل يضيع ما أقدر أروح أشتري أغراض ولا شئ .. وثالثا : محاضرات بعد الظهر مسحوب عليه من الناحيه الذهنيه / هههههههههه



    عموما : حبيت أفضفض وكذا بس


    Regards ,


    انا لو اسويها كان انتقل لمستشفى شهار ثاني يووووووووم
    لا لا لا لا للسهرررر

    - - - مشاركة محدثة - - -

    المشاركة الأصلية كتبت بواسطة زايد الحبابي
    السلام عليكم ورحمة الله وبركاتة --- انا دوامي من 9 الا 3 ا يومين اطلع اريح شوي اطلع اللعب تنس ساعه او ساعتين وبعده ارجع للبيت اتروش وبعده اذاكر ابو ساعه وبعد اتعشاء وبعده اطقطق نت النوم الساعه 1 او 2 بس اصحا من النوم تعبان
    ماشاء الله يومك حافل بالنشاط
    العشا انت تطبخه ولا تجيب جاهز ؟
    7 "
  7. المشاركة الأصلية كتبت بواسطة أوكاسيا
    نظامك يجيب الانهيار العصبي من اوسع ابوابه
    لا الله يصلحك مو كذا
    شقتك خلي لها يوم بـ الاسبوع تنظيفها من مجاميعه وانتبهي من شغلة امشي و ارمي لانها تهلكك
    في التنظيف
    كل اللي اسويه
    اصحى قبل دوامي بـ ساعة اجهز لي كوفي و ساندويش و زوجي الله يخليه ما يقصر يساعدني بهالشغلة
    اجهز ملابسي و ملابسه ونلبس نطلع الدوام
    ارجع ابلش اجهز لنا الغداء وارتاح لي شوي لحد ما يستوي الاكل
    بعد الاكل ابلش مذاكرة
    بعدها اطقطق على النت وادخل انام
    الشقة تتنظف مرة في الاسبوع وتظل نظيفة اسبوع كامل يصير بس المواعين تنغسل بعد الاكل مباشرة
    والملابس تتغسل بـ الويك اند

    وش تطبخين طيب ؟؟؟
    ابي اطبخ بس مالي خلق استناه يستوي ابي شي سهل وسريع وبدقيقه يخلصصصصص
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.