وش رايكم ابغا اقصد لي سياره ((السالفه كلها داخل ))

الله يعطيك العافيه يا تفاكير كلام بعقلانيه...لكن وش اسوي يخوي الــ600 هذي الي اوفرها الشهر الجاي تنفض من يدي وتعرف الواحد لا شاف قدامه فلوس يبدأ يلف ويدور ....فانا بدل ما اصرفها في سينما طلعات ما منها لزم وكلام فاضي.. خلني احطها في وجه حق بالقليل يصير اذا الله يسرها وتملكت السياره لا جيت ابيعها تجيب لي مبلغ يصير كأني وفرت هذا المبلغ من مكافاتي

بالنسبه لامور القانون ما عليك ازهلها ...الي بيني وبين الديلر بيكون اوراق رسميه تثبت اني بتملك السياره هذي بالنهايه سواء كان امريكي او عربي....لاهنت على النصيحه يا غالي

وشاكر للجميع المرور

توكل على الله ............... الله ما ينسى عبده ..

تبغى نصيحتي ابعد من الماركيز وبشكل عام الثمانية سلندر . .
ترى والله بتطفشك في البنزين خصوص اذا انت راعي سفريات لكلورادو ولا فيقاس ..
يا إنك تشتريها كااش اذا تقدر حتى لو تصبر شوي ، ولا انك تشوف احد يقصدك بسعر أقل . .
مع اني اشوف ان القصد مناسب اذا ماعندك مرافق وسكنك سعره معقول لانك شبه مجبور او محتاج سياره
اللي اعرفه ان ايداهو موب غاليه ومدينه عاديه مقبوله جدا ً وبيني وبينك اذا انت راعي جامعه
فابعد من المدن اللي فيها ترفيه زياده .. ولا مثل ما قالك صاحبنا تفاكير .. تواصل معه وبيدلك ان شاء الله

نسيت اقولك ..
القصد 600$ على كم شهر ؟
ترى اسعار الماركيز تبدأ من 5000$ الى 6000$ يعني لا يغلي القصد عليك بسعر الكاش

600 على 12 شهر يعني سنة كامله بس(تطلع 8000دولار)تقريبا ...بدون دفعه اولى ولا غيره....انا اشوف القصد مناسبني من ناحيه ان الديلر عندي بنفس المدينه وقريب جدا مني ...وشي ثاني السياره تقول وكاله وممشاها 60 الف ميل

تفاكير والشباب فيهم خير ماحد بيقصر مع الثاني اذا بغيت خدمه بس المشكله دالاس في تكساس وش يوديني هناك مسافه كبيره وخساير لحالها الروحه لحد هناك !!

بسانا الي مخوفني حاجه وحده بس التأمين ...وبعدين التأمين في امريكا لولا قدر الله وصار حادث بالسياره وراحت تشليح هل التأمين يعوضني بقيمه السياره كاش ((حتى لو ما زالت تحت التقسيط))او انه ياخذ لي وحده غيرها او ايش نظامه التأمين مع الحالات الي زي كذا؟؟

ههههههههههه بعدين ياخي انا من عشاق الفورد لو القا بنز قصده 100$ ما اخذته>>>>>>يا رجال قم لا افقع وجهك بس خخخخ

 المشاركة الأصلية كتبت بواسطة بو حجه

600 على 12 شهر يعني سنة كامله بس(تطلع 8000دولار)تقريبا ...بدون دفعه اولى ولا غيره....انا اشوف القصد مناسبني من ناحيه ان الديلر عندي بنفس المدينه وقريب جدا مني ...وشي ثاني السياره تقول وكاله وممشاها 60 الف ميل

تفاكير والشباب فيهم خير ماحد بيقصر مع الثاني اذا بغيت خدمه بس المشكله دالاس في تكساس وش يوديني هناك مسافه كبيره وخساير لحالها الروحه لحد هناك !!

بسانا الي مخوفني حاجه وحده بس التأمين ...وبعدين التأمين في امريكا لولا قدر الله وصار حادث بالسياره وراحت تشليح هل التأمين يعوضني بقيمه السياره كاش ((حتى لو ما زالت تحت التقسيط))او انه ياخذ لي وحده غيرها او ايش نظامه التأمين مع الحالات الي زي كذا؟؟

ههههههههههه بعدين ياخي انا من عشاق الفورد لو القا بنز قصده 100$ ما اخذته>>>>>>يا رجال قم لا افقع وجهك بس خخخخ

هههههههههههههههههه ..
اي تشليح يبو الشباب تراك في امريكا يعني حد السرعه 110/كم ، وتبغا تسرع وسيارتك ماركيز 8 سلندر
ههههههههههههههههه

حسيت ردك ذا برعايه طريق الرياض الشرقيه مع تحيات تسجيلات خريص

من وجهة نظري القسط عالي جدا ، واتبعد عن السيارات الامريكيه ، اذا سياره يابانيه وقسطها الشهري 300 دولار توكل على الله .

اهم شي انتبة الديلر فية بعضهم نصابين

فية موضوع قبل فترة عن نصبة واحد فلسطيني

انتبببببببه



- - - مشاركة محدثة - - -

اهم شي انتبة الديلر فية بعضهم نصابين

فية موضوع قبل فترة عن نصبة واحد فلسطيني

انتبببببببه

600 قسط + 150 بنزين + 100 تأمين + 50 زيت = 900 شهريا بدون اي عطل

راجع حساباتك قبل تتورط فيها

لو كان ايجار شقتك 500 + 900 = 1400 دولار


و قيمه السياره غاليه 2003 قيمتها ما تتعدى 4000 دولار اذا كانت نظيفه


شيك بنفسك على الرابط هذا و شف متوسط سعر الماركيز لكم موديل الرابط

الله يعين بس

والله السيارة مهمه للي في مدينه صعبه زيي انا احتاج كذلك لسيارة لكن صعب احصلها بسبب المبلغ ماهو متوفر

والله انه مدينتي 7 اشهر ثلج وبررررررد 21 تحت الصفر والمواصلات فاشله جدا.. والله اني حتى ماقدر اشتري اشياء السوبر ماركت مره وحده لازم اشتريها بدفعات

اشتري مجموعات لان ماقدر اشيل اربع كياس بيدي مره وحده وثقال .. الله يعين وصعب تطلب من الناس يساعدونك كلهم مشغوله بدراستهم

بصراحه الوضع جدا صعب خصوصا اللي ساكن في قريه صغيره ولا فيها مواصلات

الله يعطيكم العافيه جميعا ...هي صراحه قسطها لو اخذته سنه كامله يطلع علي 600 صحيح انها غاليه شوي واكيد بتسبب لي حرج مادي...لكن لو اخذتها على سنتين اقساط بتطلع لي 300 شهريا

وش نظرتكم؟؟!!

شاكر للجميع المرور..اسعدني صراحه النقاش معكم