الأعضاء الإشتراك و التسجيل

الملتقيات
ADs

نظام غبي من الملحقيه بخصوص الانضمام

نظام غبي من الملحقيه بخصوص الانضمام


NOTICE

تنبيه: هذا الموضوع قديم. تم طرحه قبل 2021 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية mohanad_5
    mohanad_5

    مبتعث مستجد Freshman Member

    mohanad_5 الولايات المتحدة الأمريكية

    mohanad_5 , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى engeneer , بجامعة tampa
    • tampa
    • engeneer
    • ذكر
    • tampa, florida
    • السعودية
    • Feb 2012
    المزيدl

    July 13th, 2012, 05:15 AM

    مساء الخير
    انا اوجه رساله للطلاب الدراسين على حسابهم ( المنضمين ) ليه اذا واحد ينضم ياخذ فترة اللغه كلها سنه وست شهور هذا غير اللي جلسه في المعهد قبل الانضمام ويسوي زحمه في المعاهد وتكدس وياثر على الطلاب المبتعثين لان اكثر المعاهد تتكدس بهذه الطريقه الغبيه اعرف ناس يلعبون فترة اللغه لانه ما يبي يدخل الجامعه بسرعه عشان صعوبه الدراسه فيها ياخذ اللغه فترة نقاهة مع ان اللغه ما تطلب كل هذا الوقت سنه وست شهور غير الفترة اللي جلسها في المعهد قبل الانضمام
    ما اعرف هي انانيه او ناس مو جايه تدرس خلاص اللي ينضم يحمد ربه ويخلص اللغه ويشد على نفسه ليه العب هل هو عشان المكافئة او عشان اخذ فترة نقاهة او انانيه
    انا كل ما شفت معهد كويس يكون متكدس واكثر الطلاب قالو لي ان السبب المنضمين تشوف خشته سنتين في المعهد وياثر على الطلاب الجدد لا احد يقول حسد وغيره لان فعلا النظام غبي وغير عادل لجميع المبتعثين
    ما ادري من المسئول الملحقيه ام الطلاب المنضمين للبعثه ؟؟
  2. ماراح احد يلتفت من الملحقية لملاحظتك حول ان الطلاب يحاولو يجلسو فترة أطول في معهد اللغة وانا ما أتوقع هذا لان صدقني كل واحد مننا يبي يخلص ويرجع ديرته بس ولا أتوقع ان الملحقية راح تقدر تسوي شي بهذا الخصوص انت كلامك صحيح بخصوص ان المعهد يتكدس بسبب تأخير الملحقية لضم الطلاب بس خلنا نكون واقعيين الملحقية من وجهة نظرها للتأخير غلطة الطالب انه جا بدون بعثة والطالب يقولك أني لو انتظرت دوري راح أطول وخلني أجي واحط الملحقية قدام الامر الواقع فاسمحلي بعد المعادلة الصعبة هاذي اقولك كلنا على غلط

    ياريت اللي مهوب عاجبه نظريتي يأخذها من باب وجهة نظر لا اقل ولا اكثر
    7 "


  3. خل الناس تعيش يا عزيزي . .
    وهذا شي موب من عندي ولا من عندك .. هذا نظام وزارة , الملحقية من 2010 لليوم تعتبر عبد مأمور . .
    يعني كيب داون طال عمرك وترى المعاهد كلها سوا .. قسم بالله انها تكرف الطالب كرف هذا طبعا للي يبي يستفيد
    واللي راعي مضغوط في الشقه وبيلوت وشغلات نايت كلوب لا اكيد بيقول المعهد موب زين وفيه وفيه ..

    خذ الكلام مني الله يعطيك العافيه .. ترى ما خرب المعاهد الا السعوديين المدلعين .. الحين صارت اختبارات المعاهد
    اربعه نماذج ومن اول نموذج واحد .. جننوهم بالغش والبي بي .. ما الومهم لو قفلوا معاهد وغيروا نظامها ..
    عندك ناس رايحه لعب وسياحه تايم .. ولكن اللهم لاحسد بكيفهم الواحد ما يهمه الا نفسه ..

    7 "
  4. بعضهم يقعد شهر ونص مو حباً في اللغة او دلع

    لأن أغلبهم متوهق وما حصل قبول بجامعة فتلاقيه يمدد لين ربي يفرجها عليه خصوصاً طلاب الماستر

    يعني الواحد لازم يراعي ويحس بالثانيين وما يفكر بنفسه ومصلحته

    والا ما اتوقع احد بيضيع سنين عشان بس يلعب ويتمشى : )
    7 "
  5. قبل لانحكم ..

    اتمنى ان يتم مشاهدة الأمر من كل النواحي ..

    بعضهم فاشل باللغة .. بعضهم يحتاج وقت اكثر عشان يتقن .. بعضهم متقن ولكن خايف ...بعضهم يلعب .. بعضهم محفر مافي قبول.. بعضهم عنده ظروف ... الخ


    لانحكم ونحن لانعلم


    فسبحان الله الذي لايخفى عليه شي ..

    تحياتي لكم

    محسن
    7 "
  6. ما راح ازيد عن كلام الي فوقي غير ان النظام ما اشوف انه ظالم بالعكس عادل بحكم ان الطالب لمن يضم لمرحلة اللغة يعطى نفس رصيد المبتعث الي هيا سنة و نص عاد الفترة الي درسها على حسابة شي ثاني لانها من جيبه

    و انا واحد من الطلبة الي منضمين من مكرمة خادم الحرمين الشريفين و مغلق لغة ولاكن مالقيت قبول لحد الان لو لقيت قبول ما راح تلقاني متكي بمرحلة اللغة ولاكن الماستر و صعوبة حصول القبول فيه

    ادعيلنا بالتوفيق بدل ما ترمي تهم على خلق الله

    بالتوفيق لي و لك و للجميع ولو غلط في حاجة اعذرني
    7 "
  7. الله يوفقك الجميع


    يالغالي شوف جامعه Texas wesleyan يعطون قبول مشروط بس الماستر ماعندي خلفية صراحه لاني انا مقبول ادرس بكالوريس والله يوفقنا وياك يالغالي وجميع المسلمين ..

    او شوف موقع وزارة التعليم العالي وشوف الجامعات وراسلهم ... ولو تتعامل لك مع مكتب على اساس يجيب لك قبول واذا تبي اساعدك ارسل لك ايميل المكتب اللي جاب لي القبول مافي مشكلة ..

    تحياتي لك
    محسن
    7 "
  8. يا اخوان واخوات انا عارف ان الاعضاء المنضمين راح يزعلو
    لاكن خلو العاطفه على جنب
    لان الضرر بكون على الجميع سواء مبتعثين او منضمين
    انا قبل لا اجي امريكا كنت افكر ان المعهد كله سعوديين وبدرس معهم
    بس الحين المعهد 100% سعوديين ومقفل من الملحقيه
    طيب وش ذنبه اللي جاي مبتعث على طول ويبي معهد قوي والمعاهد القويه اغلبها مقفل
    اللي يتحمل هذا الوضع هي الملحقيه
    انا ما اتكلم عن اللي ما حصل قبول او عنده ظرف
    والله ان هذا الشئ واقعي ناس تاخذ فترة اللغه راحه ولعب ولا يفكر في غيره
    المفروض الملحقيه تحسب الشهور اللي درسها المبتعث على حسابه وتكون مرحله اللغه لجميع المبتعثين سنه وست شهور
    عشان تخف زحمه المعاهد واللي بقول ان المبتعث اللي جاي على حسابه اللي درسه قبل الانضمام بفلوسه
    حتى المبتعث الاصلي درس بتعبه ومجهودة ومع احترامي مافيه مقارنه بشخص جاي بتعبه وشخص جاي بفلوسه
    انا بس ابي اوصل صوتي مع اني عارف ما بيوصل لاحد بس حبيت اقول هذا الشئ
    7 "
  9. ياعزيزي صعود السلم حبه حبه ..

    لو نتكلم على الطلاب نبي نطول صفحات ما خلصنا .. فيه طلاب دارس على حسابه .. فيه طلاب مبتعث في برنامج خادم الحرمين الشريفين ..
    فيه طلاب عندهم مشاكل باللغة .. فيه طلاب خايف .. فيه طلاب نفسية تعبانه لدرجة انه خلاص وده يرجع .. فيه طلاب متوقع انه ما تعلم بالشكل المطلوب .. فيه طلاب ما جاب بالأختبار درجة كويسة .. فيه طلاب خايف من التوفل .. فيه طلاب يحفظ ولا يعرف يكون جمل .. فيه طلاب يعرف يكون جمل ولا يحفظ الكلمات .. فيه طلاب ما يعرف يتكلم بتاتا في اللغه .. فيه طلاب مشكلته باللغة هي الكتابة .. فيه طلاب مشكلته باللغة هي القرامر ..فيه فيه فيه فيه الخ

    الملحقية لو تبي تحط سنه وستة شهور للجميع .. صدقني نص الطلاب بيرجع السعودية بعد سنه وستة شهور ..

    بكذا خساير في خساير .. بدون اي نتيجه ..
    بالمختصر المفيد .

    لاتقول لي سنه وستة شهور كفاية .

    انا عن نفسي متوقع ان السنه وستة شهور وقت ضيق جدا ...

    انا عن نفسي متخوف والله من اللغه وعندي مشاكل بالكتابة والمحادثة والسمع ..

    لدرجة اني اختبر نفسي مع اساتذه انجليزي اتكلم معهم قسم بالله احس ان نفسي داج ماني عارف اتكلم حرفين الا واوقف . وانا الان ادرس في معهد عشان اقوي اللغة شوي ..

    الله يهديك ياشيخ لاتحكم من ناحيه وحده احكم من النواحي كلها

    على الأقل شوف ظروف اخوانك واخواتك تبي تحصل العجب العجاب فيه منهم عنده مشاكل

    صح ما اقول لك ان مافي طلاب يلعبون وماخذين الدعوه تمشية

    لكن هذا على نفسه لما يخلص اللغه ويروح الجامعة بيعرف انه ضيع من عمره سنه او سنتين في اللعب ........ ويمكن ما يمشي بالجامعة ويرجع للسعودية واخرتها ؟؟ الله يكون بعونه بس

    على العموم يالغالي نصيحتي لك المعاهد كثيرة في كذا ولاية .

    والملحقية لما تقفل المعهد .. مو مؤبد لما يقل الضغط فيه من السعوديين راح يفتحونه مره ثانية ..

    ومشكورين على كذا لان هذا في مصلحتنا ..

    والله يعطيك الف عافية يالغالي

    تحياتي لك

    محسن
    7 "
  10. السلام عليكم
    يا اخوان ..
    الي يقول عاطفه والي يقول عدل والي يقول مدري ووش
    قبل كل شي انا مبتعث الحمد لله ما الحقت على البعثه .
    لكن كاتب الموضوع والي ايدوه يقولون العدل.
    اذا تبي العدل الطالب الدارس على حسابه مجرد ما يلحق بالبعثه
    يعطى مميزات المبتعث كامله
    مدة اللغه كامله سنه ونصف
    يا اخي حقه في الدوله مثل ماهو حقك
    وبعدين ليه تنظرون له بظروفكم انتم
    اسمع ضرف كل واحد واحكم
    راح تتاكد انه لسبب
    مافيه شي اسمه قاعد يتدلع وسياحه ودلع
    هذا كلام فاضي
    كلن جاي يشوف مستقبله ويتبع هدفه لتحقيقه
    واعتقد ان الضرر علينا واحد في الميه اذا كان فيه ظرر
    ومثل ما حنا نبي نستفيد خل العالم تستفيد وياخذ حقه كامل
    ..
    تذكروا انها وجهة نظر وخلاصتها
    لا تحاسبه على المده الي قضاها على حسابها
    لان ما للملحقيه حق تحاسبه عليها الا في حالة تعويضه بالمبلغ كامل
    بشكل رجعي غير كذا مالها حق
    فاذا كان الملحقيه مالها حق تحاسبه تجي انت او انا ونحاسبه

    اتمنى تفهم وجهة نطري
    وتتذكر انها وجهة نظر
    تحياتي


    - - - مشاركة محدثة - - -

    السلام عليكم
    يا اخوان ..
    الي يقول عاطفه والي يقول عدل والي يقول مدري ووش
    قبل كل شي انا مبتعث الحمد لله ما الحقت على البعثه .
    لكن كاتب الموضوع والي ايدوه يقولون العدل.
    اذا تبي العدل الطالب الدارس على حسابه مجرد ما يلحق بالبعثه
    يعطى مميزات المبتعث كامله
    مدة اللغه كامله سنه ونصف
    يا اخي حقه في الدوله مثل ماهو حقك
    وبعدين ليه تنظرون له بظروفكم انتم
    اسمع ضرف كل واحد واحكم
    راح تتاكد انه لسبب
    مافيه شي اسمه قاعد يتدلع وسياحه ودلع
    هذا كلام فاضي
    كلن جاي يشوف مستقبله ويتبع هدفه لتحقيقه
    واعتقد ان الضرر علينا واحد في الميه اذا كان فيه ظرر
    ومثل ما حنا نبي نستفيد خل العالم تستفيد وياخذ حقه كامل
    ..
    تذكروا انها وجهة نظر وخلاصتها
    لا تحاسبه على المده الي قضاها على حسابها
    لان ما للملحقيه حق تحاسبه عليها الا في حالة تعويضه بالمبلغ كامل
    بشكل رجعي غير كذا مالها حق
    فاذا كان الملحقيه مالها حق تحاسبه تجي انت او انا ونحاسبه

    اتمنى تفهم وجهة نطري
    وتتذكر انها وجهة نظر
    تحياتي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.