ضروري يا اخوان ابي نصيحتكم تكفون !!
السسلام عليكم
ابشركم تخرجنا وقررت باذن الله اطلع امريكا ادرس على حسإبي ماجستير
سؤالي بسيط اخواني :
انا كلمت مكتب وقال لي راح يدور لي قبول مشروط ويشوف الجامعات الي تقبل تخصصي ومعدلي ،،
كثير قالو لي قدم على معهد ومن امريكا دور جامعه
انا طبعا بطلع على حسآبي ،،
هل لو جبت قبول مشروط ب الجامعه ،، اسهل للانضمام للبعثه من اني اجيب معهد بس !
لان كثير قالو معهد ما راح يضمونك حتى تجيب قبول جامعه
وناس قالو لا ما تفرق ..
ابي نصيحتكم لاني بعتمد عليها بعد الله سبحانه ..
شكرا لكم
رد: ضروري يا اخوان ابي نصيحتكم تكفون !!
اناا اقول كنسل المكتب وشطب عليه اذا ماتبي تفسفس فلوسك
المكتب بيبطي لين يجيب لك قبول ، هذا طبعاااا اذا اذا اذاااا جاب قبول
ثانيا قبول مشروط بأمريكا وماجستير ماهوب سهل يبيلك تدور وترأسل الجامعات انت بنفسك وتشوف وش الجامعات الكويسه
المكتب لووو لوووو جابلك قبول من جامعه فصدقني يابتصير جامعه مخيسه ولا بيكون في مكان خايس كله أجرام
نصيحتي وانا اختك واسئل مجرب
جب قبول معهد وقدم فيزا وتعال ادرس لغه
وانت تدرس لغه سير على الجامعات الي بولايتك وعطهم اوراقك
وبنفس الوقت راسل جامعات بولايات ثانيه وابحث ودور
بيقبلونك ومب مكلفك الا رسوم الابلكيشن
المكتب بيشفط دمك ومنتب مستفيد
انا والله قبول المعهد جبته بنفسي باسبوع واحد بس ولا كلفني الا رسوم الابلكيشن حقهم والحين ادرس بالمعهد والله أقوى وأحلى مما تتصور ومبسوطه والحين راسلت اكثر من جامعه ولقيت جامعات تقبلني ماستر
ولا مكتب ولا صرف ألوف ولا شي
طبعا اول ماتجيني تفتح لك ملف
واذا جبت قبول جامعه سو طلب الحاق بالبعثة
رد: ضروري يا اخوان ابي نصيحتكم تكفون !!
يعني اختي لو جيت بمعهد .. ما راح انضم واللحاق للبعثه الا بقبول جامعه !!
{ لآن هذي الجزئية الي محيرتني }ْ ..
ومن ناحيه المكتب كثير نصحوني ، اطنشة واذا جيت امريكا ادور ،،
بس مدري اخاف ابلش ..
وانا جاي ع حسآبي ف يعني خايف برضو الصرف يكثير ف همي انضم للبعثه
رد: ضروري يا اخوان ابي نصيحتكم تكفون !!
انا حالي من حالك
البعثه لازم قبول جامعه
وقبول جامعه ماستر مب زي البكالوريوس
الماستر يبي ايلس او توفل ويبي جي أر اي او جيمات
فعشان كذا يبيلك تنبش
الملحقيه ماتضمك الا بقبول جامعه او اذا جت مكرمه من الملك تنضم على طول
اعرف بنات معي جابو قبول خرطي من جامعات قبولها سهل بس عشان يبتعثون واذا خلصو اللغه وصار معهم شهادات ايلس كويسه وجيمات جابو قبول ثاني من جامعات كويسه
ومشت أمورهم مثل العسل
رد: ضروري يا اخوان ابي نصيحتكم تكفون !!
حلو .. يعني لو جبت قبول جامعه ،،
ورحت هناَك ،،
انضم للعبثه
واقدر اغير وقتها ؟
شكرأ لك وتعبتك معي
رد: ضروري يا اخوان ابي نصيحتكم تكفون !!
ايه اعرف بنات كثير سوو كذااااا
رد: ضروري يا اخوان ابي نصيحتكم تكفون !!
اختصار للوقت وحفظا لدراهمك
ابحث عن المعهد المناسب لك وراسله و الشباب ماراح يقصرون معك
واذا وصلت امريكا وبديت الدراسه تقدر تجيب قبول جامعه بسهوله
رد: ضروري يا اخوان ابي نصيحتكم تكفون !!
جب لك اي قبول من اي جامعة بس تأكد انها من الجامعات الموصى بها من الرابط هذا htpp://ru.mohe.gov.sa
واذا جيت امريكا ادرس اللغة وعلى رواقه دور جامعة واسأل وشوف الين تحصل قبول
رد: ضروري يا اخوان ابي نصيحتكم تكفون !!
ابد على قول جماعة الخير اعقلها و توكل ,,,
ما يحتاج اكرر كلام الجماعه من ناحية عدم تظييع الفلوس مع المكاتب ,, بس احب أأكذ لك ان البعثه ( للماجستير ) يبغون قبول ( نهائي ) يعني غير مشروط ...
الله يعين و يوفق ,
رد: ضروري يا اخوان ابي نصيحتكم تكفون !!
اقتباس:
المشاركة الأصلية كتبت بواسطة زمبليطه
ابد على قول جماعة الخير اعقلها و توكل ,,,
ما يحتاج اكرر كلام الجماعه من ناحية عدم تظييع الفلوس مع المكاتب ,, بس احب أأكذ لك ان البعثه ( للماجستير ) يبغون قبول ( نهائي ) يعني غير مشروط ...
الله يعين و يوفق ,
كيف يعني اخويُ قبول نهائي !
ما فهمت ياليت تتكرم وتوضح ,,. شكرا لك