حادث طفيف

والله ياخوك انا مشكلتي مقاربة من مشكلتك واتمنى احد الاخوان يرد علينا ..

ماعندي ذيك الخلفية بخصوص موضوعك ,, بس برفعه عشان الاخوان يردون عليييييك ويسساعدونا ...

الحمدالله على السلامة
ان شاء الله يجي اللي يفيدك

الله يسلمك اخوي وماتشوف شر ان شاء الله

اليوم كلمت احد الاخوان الموجودين بالملحقية عن طريق الهواتف الطارئة ورد علي قالي تقدر تتفاهم معاهم توكل محامي و تروح المحكمة وتخلص القضية

المشكلة انا سفرتي للسعودية الاسبوع القادم ومو عارف اذا انزل او لا

اخاف يستدعوني وما اكون موجود في مدينتي وتصير القضية اكبر

والمشكلة الثانية ما ادري كم راح يكلف تصليح سيارة الامريكي

دعواتكم يا اخوان الله ييسر امورنا

يالغالي انا مثلك والله ..

ونصيحتي لك لاتنزل الا وانت مخلص المشكلة عشان ماتتفاقم عليك ...

كيف ادبر محامي طيب ؟؟ ووين اكلمه ؟؟ وبالنسبه للتكلفة برضوا اتمنى من الاخوان يردون علينا ...

الارجح راح انزل السعودية اقل من شهر

وان صار ماصار راح اكلم احد الشباب يتابع عن قرب اذا تم استدعائي عشان ارد في اقرب وقت

بس ياخوفك اتمشكل في دخول امريكا مع الامقريشن وغيرة

واذا على المحامي كلم اي شخص مسؤل في جامعتك يشوف لك محامي وهم فاهمين للامور هاذي

والتكلفة على حسب نوعية الحادث في المحكمة كم يستاهل تصليح

والله المعين

اذا كان تم التقرير و تم رفعه لقسم الشرطه ما ادري وش الاجراء .

اذا كان فيه امكانيه تحلها وديه و مع الطرف الثاني في الحادث و تصلح سيارته و يتنازل عن كل شي .


في خاطري سؤال صغير : هل فيه سبب قوي يخليك ما تجدد الرخصه والاستماره و التامين كلهم في وقت واحد ؟
لو كان واحد منهم المنتهي يكون لك حل و ممكن تعاطف من الطرف الاخر .


نصيحتي كلم السفاره و بلغهم بالتفاصيل و انه احتمال ما تكون متواجد و المبلغ المتوقع للتصليح .على الاقل تقولهم انا علمتكم من الاول و اذا ما افادوك موهب ضارينك.

السبب هو باقي لي اسبوع وانقل من الولاية واسلم السيارة لشخص

بس ماصار الحادث الا في الايام الاخيرة

تتوقع اذا كلمت السفارة راح يفيدوني ؟

اتمنى احد يساعدني يا اخوان

إذا أفاد تقرير الحادث بأن الخطأ عليك ، فالله يكون في عونك لأن المشكلة ستصبح كبيرة جداً خصوصاً في ظل عدم وجود التأمين.
نصيحتي لك ما يعرف الطرف الآخر بعدم وجود التأمين ، لأن الأمريكي أشبه بمصاص الدماء في مثل هذه الحالات.
ادخل على النت وابحث عن أقرب محامي في مدينتك واحجز معاه موعد واذهب إليه واشرح كامل تفاصيل القضية.
طبعاً سيضاف إلى الحادث إشكالية عدم وجود الرخصة والتأمين.
الله يكون في عونك