الأعضاء الإشتراك و التسجيل

الملتقيات
ADs

عندي مشكله كبير ومحاكم مساعده يا شباب

عندي مشكله كبير ومحاكم مساعده يا شباب


NOTICE

تنبيه: هذا الموضوع قديم. تم طرحه قبل 1973 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. والله صدقت يازمبليطة

    انا شفت الويل والمتاعب من التاجير السيارات كذلك... وللتوضيح علشان البعض يظن اني استاجر سيارة علشان اتمشى ولا ارز بالسيارة

    والله اني استاجر السيارة علشان اشتري اكل حلال لان مدينتي صغييره جدا ولا فيها شي حلال ولازم اروح ساعتين ونص بالسيارة للعاصمه علشان اشتري
    الشي الاخر استاجرها مرات اذا كان عندي اختبار ايلتس او توافل في مدينة اخرى...

    وتعال شووف الاستغلال والنذاله تخيل اسوي حجز قبلها باربع ايام واقولهم ابغى سيارة اقتصادية ايكونومي كار يقولك ايوه فيه موجوده ومحجوزه لك
    وفي الاخير تجي باليوم اللي حاجزها فيه يقولك مافيه !! الا سيارات كبيره!! يعطيك جمس او جيب 4 ×4 والنذل يعطي الامريكان السيارات الاقتصاديه علشان النذل عنصريه
    يقول ذا السعودي بيدفع مايهمه!! وشوف البنزين حق السيارات الكبيره

    وهم عارفين ماتستاجر الا انت مضطر والله اني اتصبر على حقارتهم واستاجر لان يكون مجبور عندي اختبار او اشياء مهمه... هذه غير اللطعه ساعتين يروح يخدم غيرك ويرجع لك شوي
    وبعدها يرجع يخدم غيرك

    والله نفسي تتوفر فلوس علشان اشتري سيارة
    7 "
  2. هو على فكره دايم يسوون ذالحركات اذا شافوك غير مرتّب ... بس دام اننا بردنا قليب راعي الموظوع خلونا نستفيد من ذالموقف و نعرف كيف نستفيد منه " بعد اذن راعي الموظوع " ...

    بالنسبه للسكن :

    عندك حالتين -- اما تكون ساكن بعقد ولا ساكن في فندق من موقع هوتيلز دوت كم

    اذا ساكن بعقد حبي و وقفت عن دفع الايجار راعين الشقه راح ينقزون للمحكمه على طول , ليش ؟ عشان يجيبو امر اخلاء ... لأنه بدون ذالامر ما يقدرون يطلعونك ... " النظام كذا وش نسوي عاد "

    جابو موعد محكمه تروح للمحكمه يسألك القاظي ليش ما دفعت يالحبيب ؟ تقول له بس كذا " و تحط اصبعك السبابه على راسك ... يقول لك طيب بصرك ... يروح يطالع راعي البيت و يقول له تبونه ينقلع ؟ يقولون ايه يقول لهم هو حاط تأمين عندكم يقولون له ايه يقوم و يخلي شهر للتأمين يعدّي و شهر بعدها او عشرين يوم او اشياء زي كذا بس تقدر تناقش القاظي من ناحية الدبوست يعني و ليه تخليني اطلع بدون الدبوزت .. قوّي وجهك اشرب لك رد بول هخخ

    المهم ان وقت الخروج يختلف من ولايه لولايه زي واشنطن دي سي وقتها شهرين و نص ( و هذا الغالب) و لكن بواشنطن دي سي نظام الا وهو انه اذا وافقت المحكمه فصل شتاء , راح يتأجل خروجك لين يخلص الشتا يعني تطقطق من خمس شهور لين شبع شهور فوق روسهم ما تدفع قرش ... طبعاً فالنهايه هالكلام عشان يرتاح الشخص و زي كذا , و اذا جاك عسكري و لا شي للبيت قبل ذالموعد (طبعاً لبيتك اللي ما دفعت اجاره موب بيتك الجديد) و قال لك اطلع قول له وين الكورت اوردر يا هابيبي؟ ( هابيبي = حبيبي بالانقلش خخخ

    نجي لم ال هوتيلز دوت كم ... اسعار حلوه و شقه حلوه قمت و حجزت لي شقه و رحت للفندق لقيته ( زي العاده ) يسد النفس ( اسمه رد كاربت ان تلاقونه في كل حتّه ) ... المهم , قام حق الرسبشن و لطخني بعشرا دلر زياده .. قلت شدعواا..؟ قال تاكس و ما تاكس ,, قلت فالموقع يقولون مشمول قال لا ... قلت له طيب انا دافع اونلاين , قال لا هذا قيمة حجز يعني لو ما جيت كان راح عليك ... قلت طيب ... ما كنت فاظي له عشان عندي مقابله فالجامعه و كذا و كنت محتاس لا عندي طابعه ولا شي ...
    بعدين اظطريت بعدها اروح واشنطن قلت خل اروح و اخلص اشغالي و اتكي لي هناك ليله ماني فاظي امسك , حجزت في الشيراتون ( و بنفس قيمة هاك الخايس اللي قبل ) ,, بس هالحين طبعت الاوردر اربع صفحات ملونه و اول ما دخلت على الشيراتون حطيت له الورقه في خشته ... ططبعاً قاري الورقه مفصفصها مكتوب انه ظروري يكون معاك بطاقة هويه و تسجيل الدخول الساعه 3 و الخروج 12 اللي هو نوون تايم .. ولااا نفس ولا شي و حجز لي من اطلق الغرف اللي عنده و لا زياده ولا ريال حتى سحب من بطاقة الصراف تأمين ( مكتوب عالفاتوره من النت انهم ممكن يسحبون ) و قلت له عطني فاتوره للسكن " كذا عباطه " قال تاخذها من موقع النت احنا مالنا شغل , قلت المهم احنا او كي لحين .؟ قال اوكي ,,, قلت طيب وش اللي ممكن افتحه فالغرفه و تحاسبونني عليه ؟ قال بس التلفزيون لو تطلب قنوات بفلوس او التلفون لو تكلم .. قلت زين ...

    يعني الزبده اذا حجزت من النت سياره ولا فندق ولا شي , اطبع اوراق حجزهم و روح لهم بالاوراق ... زادو ريال قول لهم ماني دافع و راح تعطونني اللي انا حاجز عليه ولا بكلم البوليس !!! طبعاً في حجزك موظح انت تبغى سرير كنق سايز ولا سريرين مفصولين وطبعاً الغرفه حقت (ثنين) كبار " ادلتس " يعني تجيب ممعك احد ما ينفسون ... بس العاده فنادق فخمه زي كذا ما راح يقولون شي ...

    بالنسبه للايجار يعني اخوي عبدالعزيز ترى ذبيحة اهل الكتاب محلله لنا , و راس مالها نقّع اللحم في المويه شوي و خلصنا ... بس كانك صامل تستأجر , محلات الايجار مُلزمه ( اذا انت حاجز اونلاين ) انها تعطيك نفس السياره او من نوعها او اي سياره اخرى في عدم وجود نفس الفئه بنفس السعر المحجوز ... هذولا ناس محتالين ما يخافون الله ترى ... وش اللي ما يخافون الله ؟؟ ما يعرفون الله اساساً يعني وش بترجي منهم ؟

    صحيح احنا متربين على قولة انهم امينين و كذا , هذولا الناس الراقيه بس , اما الطبقه الكادحه هذول انتبه منهم ... لا يهمك لابس بدله و مدري كيف .. بدلته تلاقيها بخمسين دلر او يمكن حقت راعي المحل بعد انا كان ساكن عندي امريكي اسود و عنده وظيفتين وحده الصبح استقبال في عماره اسكان , و الوظيفه الثانيه بواب عند مواقف و يلبس بدله و يكشخ و ( يشرب له بيره قبل يروح ) و الله انه ما يتروش فالشهر الا مره و باقي الايام يجيب له علبة كحول حقت مطهر الجروح او زيها بس كحول شفاف و يكب على يده شوي و يمسح على راسه و شوي من ظهره و ماشي حاله تشوفه تقول ذا وين ولد ناس .. لا و يسوق مرسدس 320 اس ماخذه اقساط و ساحب عليهم ههخخخ و مغير السكن حقه و من ذالكلام ... بس حظه موديل سيارته كان 2001 ما فيه جي بي اس يعني راعين المعرض ما راح يدرون وينه فيه ...

    زبدة الموظوع ان حقين الايجار ملزمييين يعطونك سياره باللي انت حجزته من قبل ... و لو تجيب معاك واحد و يشهد ضده تقدر ترفع عليه دعوى انه ما سوى لك الشي هذا من الاساس و كان ناوي يستغلك ... شب عليهم لا يهمونك صدقني ما راح تخسر شي ... يعني ماراح يعطيك مثلاً في الفندق غرفه مخيسه تقدر تقول له غيرهااااا .... ما عطاك غيرها كلم البوليس يا حبي .. البوليس في خدمة المبتعثيـــن =)
    و حقين الايجار لو دعست ع خشمه و عطاك سياره مدردعه قول له مابغاها ... عطني غيرها حبي ... ما عطااك كلم البوووليييييس يا حبي ... لا تقول لأ خلاص رجعلي فلوسي ؟؟ كذا انت الخسران قيمة تعبك و تظييعك وقت ...

    زبدة الموظوع اننا عند ناس قليل منهم يخاف الله فينا ... فلا نخاف عليهم من الله .....

    مبارك الشهر
    7 "
2 من 2 صفحة 2 من 2 12
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.