نداء لأخي زمبليطه ولكل من يدرس ادارة عامة بامريكا
السلام عليكم ورحمة الله وبركاته
أسأل
الله لڪُم فى شهر رمضان ..حسنات تتڪَاثر وذنوب تتناثر ] ~وهموم تتطاير . .
أن يجعل بسمتكم سعادة !
وصمتڪم عبادة . . وخاتمتڪم شهادة ’ . . ورزقڪم فى زيادة . . وبڪل زخة مطر !
وبعدد من حج واعتمر / ~ أدعو الله أن يتقبل صالح العمل !
يا اخواني بحمد الله وفضلة تمت الموافقة من قبل جهة عملي على إكمال دراستي في امريكا لدراسة البكالوريوس تخصص ادارة عامة
وطلبوا مني بشكل عاجل إحضار قبول لغة وقبول جامعة لنفس التخصص , وقالوا لي جب قبول اللغة اهم شي لأن قبول الجامعة يآخذ وقت
مع العلم باني أدرس تخصص ادارة عامة في الوقت الحالي بجامعة الملك عبدالعزيز
وانهيت المستوى السادس 88 ساعة
ومحتاج قبول لغة باحد الجامعات التي تدرس هذا التخصص واتمنى بولاية كلورادو
رد: نداء لأخي زمبليطه ولكل من يدرس ادارة عامة بامريكا
و عليكم السلام و مبارك عليك الشهر و من يقرا و كل مسلم ....
طيب كولورادو اخوي سلطان من الولايات الوسطى , يعني اذا حبيت تروح لملتقى الولايات الوسطى راح تحصل من يساعدك افضل مني و عندهم خبره بحكم وجودهم هناك , بس انا مستغرب من انك تبغى تكمل بكالريوس ونتا قاعد تدرسه الحين يعني وش ذالقرار اللي جاي توقيته غلط من جهة عملك و خصوصاً انه باقي لك سنه , او بالاصح 40 ساعه و تتخرج ... يعني انتا وش ناوي ؟ تعادل المواد ولا تعيد من جديد و لا وش ناوي عليه و وش ترتيبك الزمني .؟ ناوي تخلص البكلريوس من جامعة الملك عبد العزيز و تجي ولا بتاخذ اوراقك و تجي ... المهم خلني اقول لك مبروك الموافقه على قرار ابتعاثك ...
عموماً انتا روح ابحث في ملتقى الولايات الوسطى بس دامك خصيتني بالاسم بجيب لك اسم كم معهد من كولوراده ونتا عاد شوف وش يصير معاك ..
عندك هذا حق جامعة كولورادو و يظهر ايميلهم للمراسله والاتصال Colorado State University-Pueblo > English Language Institute
عندك هذا ( كولورادو سكول اوف انقلش) Colorado School Of English | English Language Schools Denver Colorado USA
و هذا معهد تابع لكليه ( مو جامعه ) اسم الكليه بايكس بيكس يعني قمة القمم اتوقع ... Pikes Peak Community College :: English Language Institute
و هذا ماونتن لانقويج انستتيوت , مادري احس لك عليه بس شوف Mountain Language Institute, English language school, Golden, Colorado, Online English School, English language classes near Denver
و هذا رابط البحث colorado english language institutes - Bing=
عاد انتا الان روح درعم على ملتقى الولايات الوسطى و شوف رأي الجماعه هناك دور في المواظيع السابقه و كذا و راسل المعاهد اللي قلت لك و اللي راح تلقى و اذا جيت لامريكا يكون يسهل الله انك تلاقي قبول جامعه هذا شي بسيط بالنسبه للبكلريوس لا تشيل هم ... الهم اللي ممكن تشيله هو كم عدد الساعات اللي راح يعادلون لك , عاد انتا قدم على كذا جامعه و تشوف وش احسن جامعه قبلت لك اكثر عدد ساعات و من هذا القبيل و تختارها باذن الله ..
عموماً لا نستبق الاحداث , مبروك قبولك البعثه , راسل المعاهد الان , روح لموقع السفاره و عبي طلب فيزا و كل عام ونت بخير ...
رد: نداء لأخي زمبليطه ولكل من يدرس ادارة عامة بامريكا
جزاك الله خير وبارك فيك ووفقك بأعلى الدرجات في الدنيا والاخرة
بالنسبة لي اكيد راح اعادل المواد اللي درستها واكمل عليها وما يخفى عليك البكالوريوس من امريكا افضل بكثير من السعودية
غير أني استفيد اللغه والف شكر لك وما قصرت