رد: لظلاب امريكا وصول حوالي 700 قبول
اقتباس:
المشاركة الأصلية كتبت بواسطة 7mada
[MARK="003399"][MARK="003399"]والله انا رحت الوزارة يوم السبت ......... وقابلت دكتور( مدري ايش اسمه) طبعاً بعد انتظار طويل
وسالته عن قبولات امريكا قلي ( بالحرف ) لسه ماوصلت لما توصل راح نرسلكم رسائل ..... انتو مستعجلين ليه ( طبعا عصبني لما قلي كدا !!!! )
طيب قلت ابغى الضمان المالي عشان انا اجيب قبول قال ( بالحرف ) نوووووووووو ماسرنا نعطي ضمانات وقفناها احنا راح نجيب القبول طبعاً عصبني مره ثانية ....
من جد الله يستر [/MARK][/MARK]
مشكور أخوي بس صراحة هم متناقضين
والله ياأعزائي ماطرحت الموضوع إاشاعة والله يشهد على ذلك وللتأكيد رحت الأحد الساعة العاشرة صباحا وكان رقمي 696
قابلت اول موظف للقادمين من البوابة وقلت له اخوي عندي استفسار قبل انتظر ممكن قال تفضل قلت هل صحيح وصلكم 700 قبول لإمريكا
قال نعم قلت ممكن استفسر عن أسمي معهم وإلا لا قال إذا جاء دورك ابشر (( يعني انتظر )) قلت يعني بتخبرني قال إن شاء الله
صدقوني جلست ربع ساعة ماراح إلا خمس ارقام وقدامي اكثر من 40 واحد وبحسبه بسيطة مطلوب انتظر ساعتين
بعد الربع ساعة جاء حضرت الدكتور وقفت مع الطابور وسألته يادكتور ممكن استفسر انا مع ال700 طالب اللي وصلهم قبول قال أي دولة
قلت امريكا قال جاك رسالة قلت لالالا (( خفت شوي)) قال يعني ماوصلك شيء قلت يادكتور ماأعرف احد جاه قبول من اعضاء ملتقى
مبتعث مع اننا طرحنا الموضوع من الاسبوع الماضي,,,, قال إذا جاك قبول بتجيك رسالة ـــ اللي بعده (( يعني عط فرصة لغيرك )) قلت شكرا يادكتور ,,, وانتهت المقابلة....
وانا مستعد إذا طلب الاعضاء اني اداوم معهم من بدري يوم الاربعاء واستفسر عن اسمي وارد لكم الخبر
واكرر النــــــداء اي واحد جاه رسالة يخبرنا ويريحنا من الحيرة
وتقبلوا تحياتي
رد: لظلاب امريكا وصول حوالي 700 قبول
انا رحت اليوم الثلاثاء 6/2 وقالي الموظف انه فيه قبولات
وسألته طيب قبولي معهم قال اليوم المساء بنكلم اللي جاله قبول
قلتله القبولات هي موجوده عند مين
قال عندي وانا اللي بكلمكم اليوم
وانا مع الاسف ماجاني اي اتصال او رسالة :(
فياليت اللي عنده علم لايبخل علينا
رد: لظلاب امريكا وصول حوالي 700 قبول
ننتظر غدا ونرى ما يحدث
يجوز بكره يبدأو في الارسال والاتصالات
الله كريم
رد: لظلاب امريكا وصول حوالي 700 قبول
شباب انا رحت الوزاره يوم السبت الماضي الموافق 24\1\1429 2\2\2008 مما قال لي الموظف ( وجه مألوف لدي من الذين حاظروا في الملتقى ) المهم بالنسبه للقبولات وصلت 80 قبول الأسبوع الماضي ووزعت او سلمت لأصحابها قلت له طيب انا ما جاني شي قال الأسبوع هذا وصلت قبولات سيتم الإتصال بأصحاب هؤلاء القبولات ليتسموا قبولاتهم !!!!!!!!!!!!!!!!
و إلى اليوم ما شفنى لا إتصال على الجوال و لا رساله على الإيميل اللهم أجعله خير
إن شاء الله يوم الأربعاء يكون حافل بلإتصلات من الوزاره على المتقدمين ربك كريم
رد: لظلاب امريكا وصول حوالي 700 قبول
حتى انا انتظر الرساله ...وماشفت شي
وللحين ماني عارفه ارتب حالي ....
ايش الحل ...
مابقى على مارس الا شهر واحد
رد: لظلاب امريكا وصول حوالي 700 قبول
حتى انا نفس الشي
والله حاله --- الله يعين على ها البطء في التعامل مع المبتعثين --- حتى تصريح مافيه تصريح
ولا كأن ها الطلاب ينتظرون اوراقهم على أحر من الجمر
ربي يكون في العون
رد: لظلاب امريكا وصول حوالي 700 قبول
صبرا صبرا.... يا مبتعثين
وان شاء الله خير
رد: لظلاب امريكا وصول حوالي 700 قبول
والله مسخـــت يا شباب ,,, ما صار قبول ذا
يا الله صبر أيوب ,,,
وأبشر أهل ملتقى الرياض ,,, ترى كملنا شهر واحنا ننتظر ,,,( يذكر بكلام العيسى 3 اسابيع وبالكثير شهر )
رد: لظلاب امريكا وصول حوالي 700 قبول
الوقت يمضي وحرق الاعصاب يبقى ")
رد: لظلاب امريكا وصول حوالي 700 قبول
يا شباب ممكن اشارككم في موضوعكم واتمنى الجميع يكون واقعي ..
أخواني نقول انه جاتكم الاتصالات اليوم اوكي طيب ليش مستعجلين ترى ياشباب في وقت ان شالله صدقوني انه راح يجيكم قبول ان شالله وبتخلصون متطلباتكم وتجلسون في البيت ماوراكم شي ..
القصد ياشباب لاتستعجلون ترى الامر سهالات ان شالله والاجراءات اسهل واسهل صدقوني تحلو بالصبر وتفائلو بالخير .. وكل تأخيره فيها خيره ولاتنسو يا اخواني انكم مرشحين نهائيا ، صدقوني انا ماألوم اللي يجلس على اعصابه بس }{ اللي يتناسى بيرتاح كثير .
واتمنى التوفيق للجميع ان شالله ..