لظلاب امريكا وصول حوالي 700 قبول

يعطيتس العـآفيه زينة ونحول ,,

يعافيك انشالله
ويارب يريح بالنا كلنا

انا اليوم ايضا كنت في الوزارة وسألت على القبول وقال ان هذا الارقام ليست فقط لامريكا ولكن لكل الدول. للاسف ما في احد موثوق بالوزارة ممكن يعطينا الخبر الاكيد.

ماحد جاه اتصال ؟

اضم صوتي zaina & na7ol ماحد جاه اتصال

يخبرنا اول بأول ملينا الانتظاااااااااااااااااااااار

طيب شباب صبايا ايش الحل غير الانتظار انا خايف ان احنا المفروض نتحرك
غير كذا يعني مدري نستنى القبول
يعني مانقدر نجيب قبول بنفسنا
مع العلم ان في خبر انهم وقفو الضمان المالي

بسم الله الرحمن الرحيم
السلام عليكم
ياجماعة تراني أنقل لكم خبر اليقين.
اليوم الصباح جاتني زوجتني وخرعتني من النوم ..قالت / قوم جات القبولات وانت نايم
قلت لها كيف ؟
هم اتصلوا عليك او جاك مسج (لانها هي المبتعثة) قالت : لا.
طيب كيف عرفتِ؟؟؟؟
قالت اتصلت عليها زميلتها مبتعثة ..وقالت ان القبولات موجوده عندهم وهي اخذت قبولها بعد ما اتصلت هي بنفسها عليهم ..وترى الحريم الموظفات ماعندهم خبر قسم الرجال عندهم كل شي..
قلت مايصير كان اتصلوا وزارة التعليم العالي على الأقل أو ارسلوا مسج ؟؟
المهم أخذت ارقام التليفونات من صديقتها ..واتصلنا على الرقم الاول وهو
012107197 وماحد رد واتصلنا على الرقم الثاني 012107199 وماحد رد
اتصلنا على الرقم المضمون ان السنترال يرد عليك وهو 012107448
والتحويلة 111 وردت علينا موظفه ماعندها ماعند جدتي صحيح محترمه بس ..تقول شي مو متأكده منه المهم سألناها عن القبولات قالت : اذا ما جاكم اتصال او مسج يعني ماعندكم قبول حالياً. قلنا طيب في ناس اتصلوا وعطيتهم اوكيه بالقبول الجامعي قبل اتصالاتكم ..قالت تأكدوا منهم غلطانين .
قلت عطينا تحويلة الرجال وفعلا اتصلت على الرقم012107448 وتحويلة 201 او تحويلة 131 بس انا ردوا علي على تحويلة 201 بس شعقب عاد بعد ما فقع جوالي من الاتصال من 11ونص الصبح الى 1ونص بالموت ردوا المهم واحد اسمه محمد السبيعي سألته عن القبولات ؟؟
قال :أي دولة قلت له :أمريكا
قال عطنا الرقم .قلت له :kas19????3
قال /اسم فلانة يعني زوجتي قله ايه قال جاكم قبول . وين طيب قال راجع الوزارة.
قلت له طيب ليه ماعطيتونا خبر من اول كان انا فاضي الاسبوع هذا كان جيتكم من الشرقيه بدل الأستأذان من عملي يوم السبت.
قال وش درانا أن ماعندكم خبر كثير من الطلاب أخذوا قبولاتهم ..قلت أحنا ننتظر اتصالكم .قال حصل خير تعال خذ قبولكم.
قلت له طيب انا محرم لزوجتي عادي أجي بدالها بدون المبتعثه ماتجي قال عادي .
طيب والتعهدات والاوراق اوقعهم بدل عنها قال ايه عادي. قلت له سلام قال سلام .
عاد انتم أنتبهوا لحالكم واتصلوا يوم السبت من الصبح من 8 احسن لكم ولاتعتمدوا على اتصالهم ,
وان شاء يوم السبت انا شاد الرحال من الشرقيه للوزارة .
ودمتم بود

----------------
ياريت من جد جات الفبولات وانا انشاء الله السبت راح اروح واشووووف
مع انو الواحد طفش من كثر الروحة والجية على الفاضي .... والله المستعان

شي غريب !!
والله لو رحتلهم رايح يقولون أنتظر مسج أو اتصال !!!!!

وإذا إتصلت مايردون !!

واحد من الرياض ياجماعه يطلع ويقولنا ايش القصه

ياليت اذا في احد اتصل على الوزارة يبلغنا ايش حصل معاه