أهل المناطق الباردة كيف عايشين انتو !!

والله يا اخوان

اني الآن داخل غرفتي مقفل الطاقة والباب وان انفاسي تتكثف وتقلب بخاااار من قوة البرد

وانا داخل غرفتي !! ومقفل كل شي !

يدي اليمين بما انها دايم مكشوفة ماتت خلاص

ما عاد احس فيها

اليسار لا باقي فيها حياه شوي

لانها غالباً ما تكون يا تحت البطانية او داخل جيبي


اول ما اطلع من باب العمارة تحت رايح للمطعم

سواءاً فطور في الصباح او غدا او عشا

في كل الاحوال البرد هو هو والجو نفسه تقريباً

اول ما اطلع يختفي انفي !

يموت

ما عاد احس فيه ابداً

خلايا الحس والاعصاب تتجمد

الوجه متجمد

الاطراف داخل جيب الجاكيت وبرضه مجمده

يا الله وش هالبرد

الا وش هالزمهرير !!

وانا اكتب لكم هالموضوع كل شوي افرك ايديني في بعض

تعرفون الاحتكاك يولد طاقة حرارية

والحرارة صارت تنباع بفلوس في الشتاء , وفي الصيف البرد ينباع ! (المكيفات)


وفوق هذا كله

المغسلة غير موصولة بالسخان

فصايرة الموية بااااااااااااارده ثلللللللللللللللللج

شي شي غير طبيعي

يعني تغسل وجهك الصبح بموية درجة حرارتها اثنين او 3 او 1 !!


والله حالة

ومع ذلك والله حلو الشتا

وحلو البرد

معذبني لكن احبه


والغريب اني صرت ثلجه حسياً ومعنوياً ههههههه

يعني الاعصاب باااردة

ولا فيه تعصيب ولا قهر ولا شي

خلاص متجمد كليااااً



المهم

علمونا ياهل المناطق الباردة

كيف حياتكم مع هالبرد

وهل يؤثر البرد في سير حياتكم الدراسية بشكل جيد ام لا ؟

يعني هل يعيق البرد مخك عن التركيز في المحاضرات او يعيق يديك عن الكتابة

ترى اتكلم جدا انا

لا تضحكون

والله البرد مو شي هين

الحر بالصيف شغل المكيف وينتهي

لكن البرد وش تسوي !؟

انا صراحة البرد معيق عملي ..

صاير اغلب يومي تحت البطانية


واخاف اروح منطقة باردة بأمريكا واسحب عالمحاضرات من قوة البرد واقعد تحت البطانية

لاحد يصدق ! ماتوصل للدرجة ذي عاد


يالله جاوبونا على السؤال السابق وعطونا نبذه عن البرد وحياتكم يااا اهل امريكاااا

ولا مانع من تدخل قوات حفظ السلام بالدول الاخرى